4. Mose 23:24 - O Debleskro Lab 2024 (Sinte-Manouche)

²⁴ Kay natsyona hi har i terni bari margodja, oun vell zorelo har i bari margodja, hoy čivell pes gar tele, bis te rhas li pre, hoy yoy maras, oun piyas ko rat kolendar, hoy yoy moulo das.

O Debleskro Drom 2021 (Sinte)

²⁴ Kai natsjona hi har i terni bari margodja, un well sorelo har i bari margodja, hoi tchiwell pes gar tele, bis te chas li pre, hoi joi maras, un pijas ko rat kolendar, hoi joi mulo das.

4. Mose 23:24 ပူးပေါင်းရင်းမြစ်များ

1. Mose 49:27

O Benyamin hi har i divyo djouklo, kay marella. Taysarlakro rhal lo kova, hoy dandras yob an kotya. Oun rati dell yob i vavaren kolestar, hoy pral ačas.

1. Mose 49:9

Miro čavo, tou hal zorelo har i terno levo, kay hi čalo o firhestar, hoy maras lo, oun djal pale, kay lo khere hi, beshell pes oun čivell pes tele. Oun hakenes hi daar, te taprell lo les an.

1. Rajengro liil 10:20

Oun deesh-te-douy leve his tardo ap kol shob stufe, ap haki stufa čačes oun serves yek levo. An kek vavar them oun kek tsiro vas o baro rayeske savi shoukar beshepaskri kerdo.

2. Familjakro liil 9:18

Shob stufe his glan i beshepaskri, oun i tikno banko i pirenge dran sonakay. Oun čačes oun serves his moussyengre. Pash haki moussyakri his i levo tardo.

Debleskri gili 17:12

Yon hi har i levo, hoy khatedes beshdo hi, oun ap yekeste lourella, hoy yob nay rhal.

Gosewe laba 30:30

O levo, ko zorleder mank i firhende: Glan kekeste djal lo pale;

Jesaja 31:4

Kava hi, hoy rakras o baro Devel ap mande: I levo – nay vell i phouro, nay vell i terno – hoy i firhes tapras, moukell pes gar lestar krik te tradell. Yob dell gole oun darell gar kolendar, kay ap i firhende yak dan, oun kanna khetne kharedo van, oun bari gole ap leste denn. Ninna te hi kolla boud, trashell lo lendar gar. Yaake vau me, o baro Devel, ko ray pral o bolepen oun i phoub, tele ap i berga Sion, te kourap man mire menshenge.

Daniel 2:44

Oun an ko tsiro, kay kol bare raya djivenna, krell o bolepaskro Devel yek them, hoy an kek tsiro paash kerdo nay vell. Kava them vell an kek tsiro vavar menshendar dren lino. Leskro baro ray krell kol vavar rayengre themma paash, oun leskri zoor ačell hako tsireske.

Amos 3:8

O levo dell gole – kones hi kek daar? O baro Devel, maro ray, rakrell, koon nay rikrell man pale, te penap leskre laba doureder?

Nahum 2:11

Khetne stakedo oun vi-čoredo vell o foro. Halauteren hi darene djia, lengre herya trissenn i daryatar. Yon djan bango i doukatar, lenge mouya hi parno.

Nahum 2:12

Hoy vas kanna dran o foro Ninive? O foro his har i khatepen, kay o levo oun i levetsa pengre ternentsa trouyel nashan, oun kek koy his, kay lenge kote nay daar krals.

Zakarie 12:6

An ko tsiro krau, te venn i pralstoune an Youda har i yagakro čaro mashkral an o veesh, oun har i yag mank o phouss, hoy rhačell ap haki rig. Oun yon rhan kol tsele natsyone trouyel pre. O foro Yerusalem ačell kay lo hi.”

4. Mose 23:25

Koy penas o Balak ap o Bileam: “Te rakreh tou gar i bibarht vin pral lende, hounte rakress tou vitar gar i barht vin pral lende!”

4. Mose 24:17

Me dikau yekes. Kova hi kanna gar koy. Doural dikau les. Dran o Yakob vell yek, kay djal pre har i bolepaskri momeli. Dran o Israel vell i baro ray, oun dell i Moabarya khetne. Oun kol morshenge, kay venna pal o Set, dell lo ap o shero.

5. Mose 33:20

Oun pral o kheer Gad penas lo: Sharedo vell o baro Devel, kay dell o Gades i bourhlo them. O Gad hi čiddo har i levo, hoy lourell ap i firhes, te dandrell lo leske i moussya oun o shero tele.

Debleskro tsiro 5:5

Oun yek kol čačepangre phourendar penas ap mande: “Ma rob! Dik, yek las i zoor o Deblestar pral o čilačepen oun o merepen, oun hi moldo, te krell lo ko liil pre, te dikell lo dren. Yob hi kova, kay kharenn le levo, kay vell dran o them Youda. Yob hi o Davideskro čavo.”