4. Mose 23:14 - O Debleskro Lab 2024 (Sinte-Manouche)

¹⁴ Oun yob anas les pash i phoub, hoy kharella dour dikepen, ap koy berga Pisga, oun kras efta rhačepangre, oun rhačras ap haki rhačepaskri o Debleske i terno gouroum oun i bakro.

O Debleskro Drom 2021 (Sinte)

¹⁴ Un job anas les pash i phub, hoi kharella ‘dur dikepen’, ap koi berga Pisga, un kras efta chatchepangre, un chatchras ap haki chatchepaskri o Debleske i terno gurum un i bakro.

4. Mose 23:14 ပူးပေါင်းရင်းမြစ်များ

Jesaja 46:6

Kol menshe, kay krenn pen i rhorheno devel, lenn sonakay dran lengri possita, oun čivenn roup ap i vaga, te playsrenn le koles, kay hayvell mishto te boudrell an sonakay oun roup, te krell lo kolestar i devel lenge. Glan koleste vitsrenn yon pen tele ap i phoub, oun mangenn les an.

Hosea 12:11

Me rakrom ap mire rakepangre, oun sikrom lende boud kope, hoy vella. Dran lende moukom t'menge trad te dell.

4. Mose 21:20

Oun yon moukan Bamot-Baal pal pende oun van an ko telstouno them, hoy an o them Moab čiddo hi, pash koy berga Pisga, hoy tele dikella ap ko pani Yordan.

4. Mose 23:13

O Balak penas ap leste: “Am mantsa ap i vavar platsa, kay dikeh i tsele menshen oun gar i tikno kotar lendar har kate! Oun kote rake i bibarht vin pral o Israel!”

4. Mose 23:15

Oun o Bileam penas ap o Balak: “Dja pash tiro firho, hoy rhačreh o Debleske! Me kamau doureder te djal, te vap khetne o Debleha.”

4. Mose 23:29

Oun o Bileam penas ap o Balak: “Kre mange kate efta rhačepangre, oun an mange kate efta terne gourma oun efta bakre!”

5. Mose 3:27

Dja pral pre ap i berga Pisga, oun dik tout trouyel, dik serves oun čačes oun glan oun pal toute! Dik lauter mishto an! Tou djiness, te djas tou gar pral o Yordan vergel.

5. Mose 34:1

Oun o Mose djas dran o telstouno them, kay i Moabarya djivenn, oun djas pre ap i berga Nebo, bis pral pre ap ko pralstouno kotar, hoy kharell Pisga oun hi čiddo ap i vavar rig o forestar Yericho. Oun o baro Devel moukas les kote o tselo them te dikell: o them Gilead oun doureder pre bis pash o them Dan,

5. Mose 4:49

An leste his ninna ko tselo telstouno them ap kay rig o panyestar Yordan, kay o kham pre djal, bis pash o Londo Baro Pani oun bis pash o piro i bergatar Pisga.