4. Mose 21:25 - O Debleskro Lab 2024 (Sinte-Manouche)

²⁵ Yaake las o Israel peske kal tsele forya, kay djivan i Amorarya, ninna o foro Heshbon oun kol tsele forya, kay koy pashel hi. Oun i Israelitarya djivan kote.

O Debleskro Drom 2021 (Sinte)

²⁵ Jaake las o Israel peske kal tsele forja, kai djiwan i Amorarja, ninna o foro Heshbon un kol tsele forja, kai koi pashel hi. Un i Israelitarja djiwan kote.

4. Mose 21:25 ပူးပေါင်းရင်းမြစ်များ

Kamlepaskri gili 7:4

Tiro beč hi har terne vesheskre bouzya.

Jesaja 15:4

I menshe an i forya Heshbon oun Elale denn yaake bares gole, te venn le shounlo an o foro Yahaz. Ninna i lourde dran Moab denn gole oun trissenn.

Jeremia 48:2

I Moabarya nay phourdenn pen bouder gar pre pral lengro foro Heshbon. Vavar menshe kamenn o foreske čilačepen te krell, oun penenn: Avenn, kras ko foro paash, te djivenn bouder kek menshe an leste! Oun tou, foro Madmen ačeh vitar gar. I lourde venn pral toute.

Jeremia 48:34

Kolla golya i menshendar dran o foro Heshbon venn shounlo bis pash i forya Elale oun Yahaz. Oun koy gole dran o foro Soar djal bis pash o foro Horonayim oun o gab Eglat-Shelishiya; Ninna kol panya pash Nimrim hidjrenn bouder kek pani an pende.

Jeremia 48:45

Khine naashepangre dran vavar forya venn pash o foro Heshbon, te ačenn le koy. Koy vell i yag vin dran Heshbon, oun i bari yagakri čip djal dran o kheer o baro rayestar Sihon vin, oun rhačrell o them, kay kol bare mouyengre djivan, foun vin bis mashkral dren ap i berge.

Ezekiel 16:46

Tiri phoureder pheen hi i Samaria peskre čentsa, kolla ap i servi rig toutar djivenn. Oun tiri tikni pheen, hoy ap i čači rig toutar djivell, hi i Sodom peskre čentsa.

Ezekiel 16:49

Koy doosh tiri phenyatar Sodom his kaya: Yoy his pre-phourdo. Lat his boudeder har doha rhapen oun djivas pengre čentsa i shoukar djipen. Kol čorvelenge oun kolenge, kay tele rikede van, van le gar ap i rig.

Ezekiel 16:53

O dives vell, kay krau, te vell lauter pale lačes i foryenge Sodom oun Samaria oun kol gabenge troul lende. Oun ninna touke vell lauter pale mishto.

Amos 2:10

Me anom t'men vin dran o them Egiptia, djom glan t'mende star-deesh bersha an o moulo tato them, oun dom t'men o them, kay i Amorarya khere his, te vell lo t'menge.

4. Mose 21:26

Heshbon hi ko baro foro, kay djivas o Sihon, ko baro ray pral i Amorarya. Kova kouras pes glan i tsiro o baro rayeha pral i Moabarya, oun las leske leskro tselo them krik, bis pash o pani Arnon.

4. Mose 21:31

Yaake djivas o Israel an o them, kay i Amorarya djivan.

4. Mose 32:3

“Ko them pash kol forya Atarot, Dibon, Yaser, Nimra, Heshbon, Elale, Sibma, Nebo, oun Beon,

5. Mose 2:12

Ap i berge Seir djivan glan kova i Horarya. Oun kol menshe, kay van pal o Esau, tradan len kotar krik oun dan len moulo, oun djivan palle koy, yaake har o Israel les ninna kras ko themeha, hoy les dino vas o baro Deblestar.

Josua 24:8

Palle anom me t'men an o them ap i vavar rig o panyestar Yordan, kay i Amorarya djivan. Oun yon kouran pen t'mentsa. Oun me dom len an t'maro vast. Oun t'mer lan lengro them dren. Oun me tradom len glan t'mende vin, bis te kek lendar pral ačas.

Čačepangre 11:26

Triin-sheel bersha djivell o Israel kanna an i forya Heshbon oun Aroer oun an kol gaba trouyel oun an i forya pash o pani Arnon. Hoske lan ko them gar mendar krik an ko tselo tsiro?