4. Mose 19:19 - O Debleskro Lab 2024 (Sinte-Manouche)

¹⁹ Yek, kay gar pale-čiddo hi, hounte vitsrell ko pani ap koleste, kay pale-čiddo hi ap o triinto dives oun ap o eftato dives. Oun ko pale-čiddo hounte thovell pes an ko pani oun peskre koola. Palle vell yob ap i rati djoudjo oun erligo.

O Debleskro Drom 2021 (Sinte)

¹⁹ Jek, kai gar pale-tchiddo hi, hunte witsrell ko pani ap koleste, kai pale-tchiddo hi ap o triinto diwes un ap o eftato diwes. Un ko pale-tchiddo hunte thowell pes an ko pani un peskre koola. Palle well job ap i rati djudjo un erligo.

4. Mose 19:19 ပူးပေါင်းရင်းမြစ်များ

1. Mose 2:2

Ap o eftato dives his o Debleskri boudi kerdo. Yob boudras bouder gar. Halauter his kerdo.

2. Mose 19:10

Oun o baro Devel penas ap o Mose: “Dja pash lende oun pen lenge, te krenn le pen djoudjo mange kava dives oun taysar, te thovenn le pengre koola.

Ezekiel 36:25

Me vitsrau djoudjo pani ap t'mende, te venn djoudjo halauterestar, hoy kras t'men pale-čiddo. Ko tselo čilačepen, hoy ap t'mende anan, har mangan i rhorhene deblen an, thovau t'mendar tele.

3. Mose 14:7

oun vitsrell ko ratlo panyestar efta kope ap koleste, kay pale-čiddo his, te vell lo erligo. Oun moukell ko djido čirkles krik te djal.

3. Mose 14:9

Pal kol efta divessa činell lo i douyto kopo i tsele balla ap o shero tele, ninna leskri čora oun kol balla pral i yaka oun leskre tsele vavar balla, oun thovell pes oun peskre koola Palle hi lo erligo.

4. Mose 19:12

Yob hounte thovell pes ap o triinto dives oun ap o eftato dives ko panyeha, hoy lell i pale-čiddo koova i menshestar krik. Palle vell lo djoudjo oun erligo. Te thovell lo pes gar yaake ap o triinto dives oun ap o eftato dives, ačell lo pale-čiddo.

4. Mose 19:13

Te taprell yek i moulo menshes an oun kamell pes gar yaake te thovell, palle krell lo o Debleskro kheer pale-čiddo. Oun savo mensho hounte vell infam kerdo oun nay djivell bouder gar mank i Israelitarya. Ko pani, hoy lell o pale-čiddo koova krik, vas gar ap leste vitsedo. Doleske ačell lo pale-čiddo, oun ko pale-čiddo koova ačell ap leste.

4. Mose 19:18

Oun i morsh, kay gar pale-čiddo hi, hounte lell kol patria, hoy kharenna Hysop oun čivell len an ko pani oun vitsrell kova ap o plarhteno kheer oun ap kol pirya, čare oun khore, hoy koy dren hi, ninna ap hakeneste, kay an ko kheer hi. Ninna hounte vitsrell lo ko pani ap koleste, kay tapras i moules an, leskre kokale, ninna koy phoub, kay vas yob paskedo.

4. Mose 31:19

Oun t'mer halauter, kay dan yekes moulo oder kay tapran i moules an, ačenn efta divessa glan koy platsa, kay t'mare plarhtene khera hi. Ap o triinto dives oun ap o eftato dives thovenn t'men yaake har glan činlo hi, te venn pale djoudjo oun erligo. Ninna kol ča, kay lan t'menge pandlo, hounte thovenn pen yaake.

4. Mose 31:24

Oun t'mer hounte thovenn t'mare ripaskre koola ap o eftato dives. Palle venn t'mer djoudjo. Pal kova nay venn pale ap i platsa, kay i plarhtene khera tardo hi.”

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Hebrearja 10:22

Leskro rat thovas mari doosh mendar, oun kras mare djia djoudjo. Oun mer vam an o djoudjo pani tele thodo. Doleske djas kanna o lačo oun čačo djiyeha glan o Debleste an i zorelo patsepen!

1. Johanni 1:7

Mer te djivah khetne o Debleha an o čačepen, yaake har o Devel an o čačepen tardo hi, palle nay ham mer ninna lauter khetne an o čačepen. Oun o rat leskro čavestar thovell mari tseli doosh mendar tele.

Judas 1:23

Vavar nashran pen. Kolen anenn ap o čačo drom! Kova hi yaake har te tserdans len dran i yag vin. Vavar djivenn i djoungelo djipen. Rakrenn ninna kolenge lačes an o dji! Oun denn garda, te krenn gar kova, hoy yon krenna. Lengro djipen hi har i čiklo ripen ap lende.