4. Mose 19:17 - O Debleskro Lab 2024 (Sinte-Manouche)

¹⁷ Koleske, kay pale-čiddo hi, hounte lenn t'mer yagakri čik kol groumyatar, hoy pre rhačedo vas, čivenn kova an i piri, oun čorenn djoudjo pani pre.

O Debleskro Drom 2021 (Sinte)

¹⁷ Koleske, kai pale-tchiddo hi, hunte lenn tumer jagakri tchik kol grumjatar, hoi pre chatchedo was, tchiwenn kowa an i piri, un tchorenn djudjo pani pre.

4. Mose 19:17 ပူးပေါင်းရင်းမြစ်များ

1. Mose 26:19

Oun o Isaakeskre boudepangre hadan čik vin an koy tala oun hatsan pani.

Kamlepaskri gili 4:15

I pani, hoy an i baar nashella hal tou, i djido pani, hoy dran o Libanon tele nashella.

Ezekiel 36:25

Me vitsrau djoudjo pani ap t'mende, te venn djoudjo halauterestar, hoy kras t'men pale-čiddo. Ko tselo čilačepen, hoy ap t'mende anan, har mangan i rhorhene deblen an, thovau t'mendar tele.

Zakarie 13:1

“An ko tsiro nashell i pani an o foro Yerusalem, hoy nashell i menshenge dran o kheer David oun i vavar menshenge an Yerusalem, te thovell lo lengri doosh oun kova krik, hoy kras len pale-čiddo glan mire yaka”, penell o baro Devel.

4. Mose 19:18

Oun i morsh, kay gar pale-čiddo hi, hounte lell kol patria, hoy kharenna Hysop oun čivell len an ko pani oun vitsrell kova ap o plarhteno kheer oun ap kol pirya, čare oun khore, hoy koy dren hi, ninna ap hakeneste, kay an ko kheer hi. Ninna hounte vitsrell lo ko pani ap koleste, kay tapras i moules an, leskre kokale, ninna koy phoub, kay vas yob paskedo.

4. Mose 19:9

Oun i morsh, kay gar pale-čiddo hi, hounte lell koy yagakri čik koy groumyatar, oun čivell lat vin glan i plarhtene khera ap i djoudji platsa, te ačell kay yagakri čik kote o tselo khereske Israel, te nay krenn le latar i pani thopaske, hoy lell i pale-čiddo koova i menshendar krik.

4. Mose 31:23

oun halauter, hoy i yag gar pre rhačrell, kova hounte rikrenn an i yag, te vell kova djoudjo. Oun pal kova vitsrenn pani koy pre. Oun kova halauter, hoy rhačrals pre an i yag, čivenn an o pani.

Johanni 7:38

Koon ap mande patsella, har o Debleskro lab penella, dran koleste vell ko pani, kay dell o djipen.”

Hebrearja 9:13

An o phouro tsiro čoras o rashay o bakrengro rat, oun o groumyengro rat, oun o yagakri čik i rhačedi groumyatar ap kolende, kay hi pale-čiddo glan o Debleste, te venn le pale erligo kerdo. Te hi o firheskro rat yaake zorelo,

Debleskro tsiro 7:17

O terno bakro, hoy mashkral o Debleskro beshepaskro hi, kova dell yak ap lende, har i bakrengro ray ap peskre bakre yak della, oun anell len pash o pani, hoy o djipen della. Oun o Devel khossell hake sva ap lengre yaka tele.