4. Mose 18:2 - O Debleskro Lab 2024 (Sinte-Manouche)

² I Levitarya hi tire phrala, kolen less tou pash toute, te ačenn yon pash toute oun boudrenn touke. Tou kokres tire čaventsa han mire rashaya oun boudrenn glan o Debleskro kheer, kay o Debleskre deesh laba dren hi.

O Debleskro Drom 2021 (Sinte)

² I Levitarja hi tire phrala, kolen less tu pash tute, te atchenn jon pash tute un budrenn tuke. Tu kokres tire tchawentsa han mire rashaja un budrenn glan o Debleskro kheer, kai o Debleskre deesh laba dren hi.

4. Mose 18:2 ပူးပေါင်းရင်းမြစ်များ

1. Mose 29:34

Oun yoy vas pale an vavar koova oun anas i čaves ap i phoub. Oun yoy penas: “Kava kopo djal miro romeskro dji ap mande. Me anom leske triin čaven ap i phoub.” Doleske dan le kava čaves ko lab Levi.

2. Familjakro liil 30:16

Oun yon his tardo ap pengri platsa, yaake har činlo hi an i lila, hoy o Debleskro morsh, o Mose, činas. Oun i Levitarya dan i rashayende o rat kol marede firhendar, oun kolla vitsran les ap i rhačepaskri.

Ezekiel 44:11

Lengri boudi an miro kheer hi kanna, te denn le yak an i bare voudya glan miro kheer. Ninna hounte marenn le kol firhen, hoy i menshe mange anenn, save firhe, kay venn tseles rhačedo oun save, hoy rhan le khetne glan mande. Yaake boudrenn le mire tsele menshenge.

Ezekiel 44:15

Kol rashaya dran o kheer Levi, kolengro phouro dad o Zadok his, yon ačenn mire rashaya, oun nay boudrenn mange. Har i Israelitarya mandar tele peran, kran yon pengri boudi mishto an miro kheer. Doleske nay ačenn le mire rashaya oun nay anenn o thulepen oun o rat kol marede firhendar glan mande. Kava penell o baro Devel, maro ray.

Maleachi 2:4

Palle hayvenn, kay kova, hoy pral t'mende vas, mandar vas, yaake har me t'menge penom. Kova, hoy vin krom kolentsa dran o kheer Levi, hounte ačell tardo, penell o baro Devel, ko ray pral o bolepen oun i phoub.

4. Mose 1:53

Kol Levitarya hounte čivenn pengre plarhtene khera troul o Debleskro plarhteno kheer, kay o Debleskre deesh laba dren hi, te denn le garda, te vell kek pash o kheer, yaake te vell gar miri rholi pral i Israelitarya.

4. Mose 17:7

Oun har kol tsele menshe troul o Mose oun o Aron tardo his, dikan yon pash o Debleskro plarhteno kheer. Oun ap yek kopo vas koy folka pral o kheer. Oun o baro Debleskro raylepen vas diklo.

4. Mose 18:4

I Levitarya hounte venn t'menge pash o vast pash i tseli boudi ap o Debleskro kheer. Moukenn kek vavares t'menge pash o vast te vell!

4. Mose 3:5

Oun o baro Devel penas ap o Moseste:

4. Mose 4:15

Ap ko tsiro, kay djan i Israelitarya doureder, hounte krenn o Aron oun leskre čave kava halauter oun hounte čakrenn kol tsele kotya o Debleskro plarhteno khereske oun halauter, hoy koy pashel hi. Pal kova venn kol Kohatarya oun hidjrenn kova. Kaya hi lengre boudi. Yon taprenn kokres kol plarhte an, hoy troul ko tselo koova čiddo hi, oun gar ko Debleskro koova, te merenn yon gar.

4. Mose 8:19

Oun me dom kol Levitaryen o Aroneste oun leskre čavende, te krenn le koy boudi an o Debleskro kheer. Yaake krenn le, hoy i boudi lauterendar an Israel vals. Oun yaake vell kek bibarht ap i Israelitarya, hoy hounte vals ap lende, te vans yon ap i Debleskri platsa.

4. Mose 8:22

Koy pal djan yon kote, te krenn yon pengri boudi an o Debleskro kheer glan o Aroneste oun leskre čavende. Lauter vas yaake kerdo, har o baro Devel o Moseske penas, te krenn le kolentsa dran o kheer Levi.

Hebrearja 9:6

Kanna sikrau t'mende, hoy an o Debleskro tikno kheer kerdo vas. Hako dives djan i rashaya an i glanstouni isema, te krenn le pengri boudi o Debleske.