4. Mose 18:19 - O Debleskro Lab 2024 (Sinte-Manouche)

¹⁹ Ko tselo koova, hoy i Israelitarya o baro Debleske anenna, dau me touke oun tire čavenge oun tire čenge. Oun t'menge hi kova hako tsireske. Ap ko lab dau me miro vast. Kek nay lell ko lab krik, hoy dom tout oun tire čavende, kay pal toute venna.

O Debleskro Drom 2021 (Sinte)

¹⁹ Ko tselo koowa, hoi i Israelitarja o baro Debleske anenna, dau me tuke un tire tchawenge un tire tchenge. Un tumenge hi kowa hako tsireske. Ap ko lab dau me miro wast. Kek nai lell ko lab krik, hoi dom tut un tire tchawende, kai pal tute wenna.

4. Mose 18:19 ပူးပေါင်းရင်းမြစ်များ

2. Rajengro liil 12:16

Oun kol morshen, kay ko tselo roup dino vas, te denn le les i boudepangren, kolla hounte penan kekeske, har yon ko roup vin dan. Yon his morsha o labestar oun lenge vas patslo.

2. Familjakro liil 13:5

“Djinenn t'mer gar, kay kras o baro Devel, kay o Israeleskro Devel hi, o Davideha vin, te vell hako tsiro yek leskre čavendar o ray pral Israel? Koy sovel hoy das lo pes, nay vell an kek tsiro phagedo.

2. Familjakro liil 31:4

Oun yob penas i menshenge, kay an o foro Yerusalem djivan, te denn le ninna pengro kotar, te nay lenn i rashaya oun i Levitarya pengro tselo tsiro, te krenn le o Debleskri boudi, yaake har an o baro Debleskre lila činlo hi.

2. Mose 29:27

Hako kopo, kay vell i morsh mange i rashay, vell o beč kava bakrestar oun o pralstouno kotar i heryatar glan o baro Debleste pre hadedo, te sikrenn le, kay kova o Debleske hi.

Ezekiel 43:24

Oun tou aness len glan leste. Oun i rashaya vitsrenn loon ap kol kotya mass oun rhačrenn len o baro Debleske.

3. Mose 2:13

Ko tselo rhapen, hoy tou o baro Debleske aneh, hounte vell londo. Ko loon hi i sikepen, kay kova, hoy o Devel t'mentsa vin kras, hako tsiro ačell. Doleske aneh leske kek rhapen dran djob, vitar kek firhen, kay kek loon pashel kerdo vas.

3. Mose 21:22

Ko rhapen, hoy o Debleske anlo vas, nay rhal lo, ninna ko rhapen, hoy kokres i rashayenge hi.

3. Mose 7:14

Yek kotar hakenestar vell glan o baro Debleste anlo. Kova lell o rashay, kay o rat ko maredo firhestar troul o Debleskri rhačepaskri čoras.

4. Mose 18:11

Ninna ko vavar koova, hoy i Israelitarya mange anenn, dau me toute oun tire čavende oun čende, hako tsireske. Koon gar pale-čiddo hi an tiro kheer nay rhal kolestar.

4. Mose 18:8

Oun o baro Devel penas ap o Aroneste: Shoun, tou boudreh mange. Doleske dau me tout oun tire čaven i kotar lauterestar, hoy i Israelitarya mange anenna. Kova te vell yaake hako tsireske.

4. Mose 31:41

Oun o Mose das kova, hoy dan kolla leske o baro Debleske, ko rashayeste Elazar, yaake har o baro Devel leske kova penas.

5. Mose 12:26

Ko vavar koova, hoy glan činlo hi, hoy hounte denn o Debleste, ninna koleske sovel dan, te denn les leste, kova anenn ap koy platsa, hoy o baro Devel peske vin rodell.

5. Mose 12:6

Oun kote anenn kol firhen, hoy kamenn leske te marell, save, hoy venn leske tseles rhačedo, oun save, kolengro rat leske rhačedo vell. Kote anenn ninna o deshto kotar kolestar, hoy t'menge dren anan, oun ko vavar koova, hoy glan činlo hi, oun kova hoy denna yaake, har t'men sovel dan, ninna kova, hoy hakeno pestar della, oun save bakre oun gourma, kay i phoureder lengre dayendar hi.