4. Mose 16:35 - O Debleskro Lab 2024 (Sinte-Manouche)

³⁵ Oun o baro Devel bičras yag, kay rhas kol 250 (douy-sheel-te-paash-sheel) morshen pre, kay anan ko soungepaskro koova o Debleske.

O Debleskro Drom 2021 (Sinte)

³⁵ Un o baro Dewel bitchras jag, kai chas kol 250 (dui-sheel-te-paash-sheel) murshen pre, kai anan ko sungepaskro koowa o Debleske.

4. Mose 16:35 ပူးပေါင်းရင်းမြစ်များ

Debleskri gili 106:18

Oun i yag rhačras mank lende oun rhačras kolen, kay kava čilačo koova kran.

Debleskri gili 50:3

Maro Devel vella oun moukell pes te shounell. Glan leste nashell i yag oun rhal lauter pre. Oun troul leste phourdell i baro zorelo dourho.

Ezekiel 8:11

Glan kol figure his 70 (efta-deesh) phoureder dran o kheer Israel tardo, mank lende o Yazania, koleskro dad o Shafan his. Oun hakeno lendar his i čaro an o vast, kay soungepaskro koova dren hi. Oun dran kova hadas pes i tampa pre.

3. Mose 10:2

Kote djas yag o baro Deblestar vin, oun rhačras len pre. Yon meran kote glan o baro Debleste.

4. Mose 16:17

Oun hakeno lell peskri piri, oun čivell soungepaskro koova dren, oun vell glan o baro Debleste, hakeno peskri piryah, douy-sheel oun paash-sheel pirya, – ninna tou oun o Aron, hakeno peskri piryah.”

4. Mose 16:34

Har i vavar Israelitarya, kay troul lende his, shounan, har yon gole dan, nashan le penge. Yon trashan, te rhal len i phoub ninna pre.

4. Mose 26:10

Oun i phoub kras peskro mouy pre, oun tserdas len tele khetne o morsheha, o Korah. Oun kol 250 (douy-te-paash-sheel) morsha, kay djan lentsa, meran an i yag. Yaake van le i sikepen, te dikan i menshe, hoy hi.

4. Mose 3:4

Douy lendar, o Nadab oun o Abihu meran an o moulo tato them Sinay glan o baro Debleste, har rhačran yon glan leste vavar koova, hoy yob gar penas. Oun len his kek čave. O Elazar oun o Itamar kran pengri rashayeskri boudi, khetne pengro dadeha, o Aroneha.

Debleskro tsiro 11:5

Oun te kamell yek te doukrell lo len, palle djal i yag dran lengro mouy vin, oun rhačrell les pre. Yaake merenn lauter kolla, kay kamenn len čilačepen te krell.