4. Mose 16:15 - O Debleskro Lab 2024 (Sinte-Manouche)

¹⁵ Koy vas o Mose rhoyedo, oun penas ap o baro Debleste: “Ma dik lačes ap kova, hoy yon tout denna! Me lom gar i bourika lendar, oun krom len kek čilačepen.”

O Debleskro Drom 2021 (Sinte)

¹⁵ Koi was o Mose chojedo, un penas ap o baro Debleste: “Ma dik latches ap kowa, hoi jon tut denna! Me lom gar i burika lendar, un krom len kek tchilatchepen.”

4. Mose 16:15 ပူးပေါင်းရင်းမြစ်များ

2. Samuel 22:22

Me rikrom man ap i dromma o baro Deblestar, oun moukom gar miro Debles.

2. Mose 32:19

Har vas o Mose pash i menshende, oun dikas ko terno gouroum, oun har i menshe khelan, vas an leste i bari rholi. Yob vitsras kol barra dran peskre vasta oun phagas len an kotya tella pash i berga.

Gosewe laba 21:27

Kova, hoy anenn i čilače o baro Debleske, hi djoungeles glan leskre yaka. Har boud boudeder, te krenn le kova dran i čilačo dji.

4. Mose 12:3

O Mose his i mensho, kay kras pes gar bares. Kek mensho his ap i phoub, kay his yaake har o Mose oun hadas pes gar.

4. Mose 16:16

Oun o Mose penas ap o Korah: “Tou oun tire tsele menshe hounte venn taysar glan o baro Debleste, tou oun yon oun o Aron!

Mateo 5:22

Me penau t'menge: Koon ap peskro phraleste rhoyedo hi, kova hounte vell glan o čačepaskro anlo. Oun koon peskro phrales praasella, kova hounte vell glan i pralstoune čačepangre anlo. Oun koon penella: Dja touke pash o bengeste! kova vella an o bengeskri yag vitsedo.

Markus 3:5

Kova doukas les, kay lengro dji har i bar his. Oun yob dikas rhoyemen ap lende oun penas ap ko morsheste: “Sike tiro vast!” Oun yob sikras peskro vast. Oun ko vast vas sasto.

1. Korintarja 9:15

Kava čačepen lom mange gar: Me lom či t'mendar. Me činau kova gar, te vap me kanna t'mendar playsedo. Feteder vals, me meroms, har te penenn i menshe mange palla, te playsrenn t'mer man. Me nay sharau man, te penau i menshenge o lačo lab o Yezousestar čičeske.

2. Korintarja 1:12

Maro dji penell menge, mer djivam maro djipen čačes oun djoudjes, yaake har o Devel kamella. Doleske nay sharah men. Mer rakram pral o Debleskro lačepen oun penam či, hoy vella dran maro menshengro gosvepen. T'mer djinenna, yaake djivam gar kokres mank i vavar menshende, na-a, ninna pash t'mende.

2. Korintarja 7:2

Krenn t'mare djia menge pre! Mer kram kekes i čilačo koova oun doukram kekes, oun rhorhram kek menshes.

Efesarja 4:26

Te venn t'mer an i rholi, palle denn garda, te krenn kek čilačo koova! Moukenn o kham gar tele te djal pral t'mari rholi!

1. Tessalonikarja 2:10

O Devel dikas, har djivam mashkral t'mende. Oun t'mer, kay ap leste patsenna, dikan ninna, te djivam yaake pash t'mende har o Devel kamella, oun djam pal o čačepen, te hatsas kek i doosh ap mende.