4. Mose 15:31 - O Debleskro Lab 2024 (Sinte-Manouche)

³¹ Yob shounas gar ap o baro Debleskro lab. Oun kova, hoy o baro Devel penas, kras yob gar. Doleske vell yob infam, oun leskri doosh ačell ap leste.

O Debleskro Drom 2021 (Sinte)

³¹ Job shunas gar ap o baro Debleskro lab. Un kowa, hoi o baro Dewel penas, kras job gar. Doleske well job infam, un leskri doosh atchell ap leste.

4. Mose 15:31 ပူးပေါင်းရင်းမြစ်များ

2. Samuel 12:9

Hoske rikral tout gar ap miro lab? Hoske kral, hoy gar mishto hi glan mire yaka? O Uriya, ko Hetares, dal o rhareha moulo. Leskri romyat lal tou, te vell yoy tiri romni. Oun tou čival les kote an o kourepen, kay i Ammonarya les moulo dan.

Debleskri gili 107:11

Yon shounan gar ap o Debleste, kay hi o Devel pral halauter, oun čivan leskre laba ap i rig.

Debleskri gili 119:126

Kanna hi o tsiro, kay o baro Devel hounte krell čomone. Yon peran tiro dromestar tele.

Debleskri gili 38:4

Ap miro mass hi bouder či sasto dran tiri rholi. Ninna mire kokale doukrenna. Dran miri doosh vas kova ap mande.

2. Mose 30:33

Koon peske savo djet krella, nay ačell gar djido mank peskre menshende. Temerl dino vell ninna kova, kay makell yekeste, kay hi kek rashay.

Gosewe laba 13:13

Koleske, kay i lačo lab i heryentsa stakrell, djal djoungeles. Koleske, kay rikrell pes ap ko lab, djal mishto.

Jesaja 30:12

Doleske penell o Israeleskro Devel, kay kokres o čačo Devel hi: T'mer kamenn či kolestar te djinell, hoy penom. Oun rikrenn t'men ap kolende, kay rikrenn i vavaren tele, oun kamenn rhorhepah doureder te vell.

Jesaja 53:6

Mer halauter hams har bakre, kay nashan pen. Hakeno djas ap peskro drom. O baro Devel moukas ap leste mari tseli doosh te perell.

Ezekiel 18:20

Kokres kova, kay doosh ap peste anell, hounte merell. I čavo hounte hidjrell gar i doosh peskro dadestar. Vitar gar hounte hidjrell o dad koy doosh, hoy o čavo ap peste anas. Kova, kay o čačepen kras, ap leste vell leskro čačepen pale. Oun kova, kay doosh ap peste anas, ap leste vell leskri doosh pale.

3. Mose 26:15

oun krenn gar, hoy t'mendar kamau, oun djivenn gar pal miro čačepen, oun rikrenn yaake gar dren, hoy t'mentsa vin krom,

3. Mose 26:43

Glan kova hounte djan le dran ko them vin, te ačell o them čiddo, oun nay lell pale nevi zoor an yaake boud bersha, hoy leske gar dren rikedo van. Oun i Israelitarya hidjrenn pengri phagi tele. Yon djivan gar pal miro čačepen, oun kolestar, hoy lendar kamom, kaman le či te djinell.

3. Mose 5:1

Te vell yek glan i čačepangre anlo, te penell lo, hoy lo dikas oun shounas, oun yob rikrell kova peske, oun penell či, ninna te dikas oder shounas lo, hoy koy his. Palle anas lo i doosh ap peste oun hounte hidjrell lat.

4. Mose 9:13

Koon gar pale-čiddo hi oun gar ap o drom hi, kova hounte rikrell o Passa ap o čačo dives. Te krell lo kova gar, hounte vell lo infam oun ačell bouder gar pash peskre menshende. Koy phagi lell lo doleske, kay vas lo gar ap o čačo tsiro glan o baro Debleste, te anell lo leske i bakro. Leskri doosh ačell ap leste.

5. Mose 17:12

Te hi yek koy, kay hi yaake pre-phourdo, te shounell lo gar ap o rashayeste, kay krell i boudi o baro Debleske, oder ap o čačepaskro morsheste, palle hounte vell ko morsh maredo. T'mer hounte lenn o čilačepen dran Israel vin.

1. Tessalonikarja 4:8

Koon kamell kol laba gar te shounell, kova čivell o Debles ap i rig, oun gar i menshes. Oun o Devel hi kova, kay das peskro Dourho an t'mende.

1. Petro 2:24

O čilačepen, hoy mer kram, las o Yezous Kristo ap peste, oun hidjras les ap o troushel. Har yob menge meras, hi kova yaake, har te meram mer leha. Kanna hi o čilačepen an mende moulo. Oun mer djivah nay i lačo oun čačo djipen. Kol douka, hoy o Yezous ap peste las, kran maro djipen sasto.

2. Petro 2:21

Yon prindjran o čačo drom, oun moukan les. Yon kamenn bouder či te shounell o Debleskro lab, hoy lenge penlo vas. Lenge vals feteder, te djinans yon o Debleskro drom gar.

1. Samuel 3:14

Me dom man sovel glan leste, te nay lell či koy doosh krik, hoy leskri familya ap peste anas. Kek firho, vitar kek rhapen dran yarro, hoy yon mange anenn, nay lell koy doosh krik.”