4. Mose 15:30 - O Debleskro Lab 2024 (Sinte-Manouche)

³⁰ Koon krell i čilačo koova, oun djinell, kova hi čilačo, ko mensho praasas o baro Debles. Savo mensho hounte vell infam oun nay djivell bouder gar mank peskre menshende. Kova hi yek, koon yob hi, – i Israelitari, – i vi-themari.

O Debleskro Drom 2021 (Sinte)

³⁰ Koon krell i tchilatcho koowa, un djinell, kowa hi tchilatcho, ko mensho praassas o baro Debles. Sawo mensho hunte well infam un nai djiwell buder gar mank peskre menshende. Kowa hi jek, koon job hi, – i Israelitari, – i wi-themari.

4. Mose 15:30 ပူးပေါင်းရင်းမြစ်များ

1. Mose 17:14

Hako morsh, kay gar činlo hi ap peskro mass, kova hounte ačell bouder gar djido mashkral peskre menshende. Yob rikras pes gar ap kova, hoy mer vin kram.”

Hiob 38:15

Te vell dives, nay krenn i čilače bouder kek čilačo koova an o tamlepen, oun nay doukrenn bouder gar vavar menshen.

Debleskri gili 19:13

Kek mendar djinell haki doosh, hoy lo ap peste anas. Le koy doosh mandar krik, hoy anom ap mande oun djinau kova gar!

Debleskri gili 69:9

Vom har i gadjo mire phralenge. I čave miri datar prindjrenn man bouder gar.

Debleskri gili 74:18

Kanna, baro Devel, mouk touke an o shero te vell, har praasenn tout kolla, kay hadan pen pral toute. Dik, har dinele menshe tiro lab an i čik tserdenna.

Debleskri gili 74:22

Ste pre, miro Devel, oun kre o čačepen vin! Dik ko praasepen, koleha tout kol dinele hako dives praasenna.

Debleskri gili 79:12

Kolla, kay an i themma troul mende djivenn, praasan tout, maro rayes. De len kova efta kope pale, hoy kran le ap toute!

Debleskri gili 89:51

Ma biste koy ladj, hoy hi ap mande, tiro boudepaskro! Dik, har hidjrau ko tselo praasepen kolendar, kay tout gar prindjrenna.

2. Mose 21:14

Te das lo les čorrhanes oun an o čilačepen temerl, dell kek platsa, kay ačell lo nay djido, vitar gar, te nashell lo an o Debleskro kheer pash o Debleskri sasterni rhačepaskri. Lenn les kotar krik oun denn les temerl!

2. Mose 30:33

Koon peske savo djet krella, nay ačell gar djido mank peskre menshende. Temerl dino vell ninna kova, kay makell yekeste, kay hi kek rashay.

Gosewe laba 14:31

Koon zoryah i čorveles tele rikrell, kova praasell koles, kay o čorveles kras. Kones leske i baro dji hi, sharell o Debles.

Ezekiel 20:27

Tou, mensho, rake ap o kheer Israel, oun pen lenge: Kava penell o baro Devel, maro ray: T'mare phoure anan ladj ap mande, har phagan le mantsa.

3. Mose 20:10

Te sovell yek i romyah i vavarestar, hounte venn kol douy maredo.

3. Mose 20:3

Me dikau čilačes ap hakeneste, kay kova krell, oun me moukau les bouder gar te djivell mank peskre menshende. Yob das yek peskre čavendar o Molokeste, oun kras yaake miro kheer pale-čiddo, oun kras mantsa, har te voms gar kokres o čačo Devel.

3. Mose 20:6

Miri rholi vell ninna ap koleste, kay djal pash i dourkepangre oun pash kolende, kay i moulen poučenn, te poučell lo lendar, hoy te krell lo. Me moukau les bouder gar mank peskre menshende te djivell.

4. Mose 15:29

Oun yaake hounte vell kova hakeneske, kay anas i doosh ap peste oun djinas gar, kay kaya i doosh hi – nay vell i Israelitari, nay vell i vi-themari, kay mank t'mende djivell.

4. Mose 9:13

Koon gar pale-čiddo hi oun gar ap o drom hi, kova hounte rikrell o Passa ap o čačo dives. Te krell lo kova gar, hounte vell lo infam oun ačell bouder gar pash peskre menshende. Koy phagi lell lo doleske, kay vas lo gar ap o čačo tsiro glan o baro Debleste, te anell lo leske i bakro. Leskri doosh ačell ap leste.

Mateo 12:32

Oun yek te penell djoungele laba pral o Menshengro Čaveste, yaake nay bistrell lo kova. Yek te rakrell djoungele laba pral o Debleskro Dourho, kova bistrell lo an kek tsiro, gar an kava tsiro, oun vitar gar an ko tsiro, kay vella.

5. Mose 1:43

Har penom me kova ap t'mende, kaman gar te shounell, oun kran gar, hoy o baro Devel t'menge penas. T'mer djan pal t'maro shero, oun djan pre an o pralstouno them.

Hebrearja 10:26

Te kamell yek ap i čilačo drom te djal, oun krell kova ninna, ninna te prindjrell lo o čačepen, koleske hi bouder kek koy, kay nay merals, te lell lo leskri doosh krik.

Hebrearja 10:29

Te his kova yaake koleha, kay kras gar, hoy o Mose penas, kitse zorleder vell o Debleskri rholi pral koleste, kay o Debleskro čaves pestar stakrella, oun krella, har te vals o Yezous Kristeskro rat či moldo. Oun kava rat lals peskri doosh krik, oun krals les erligo glan o Debleste. O Debleskro Dourho his leske lačes, oun yob doukras les.

2. Petro 2:10

Palle vell i phagi zoreles pral kolende, kay djivan i foullo djipen, oun kaman kek rayes pral pende. Kolla rhorhene sikepangre hi pre-phourdo, oun krenn pen bares. Yon darenn gar, te rakrenn le djoungeles pral kolende, kay hi an o bolepen.

1. Johanni 5:16

Te dikeh tou, te kras i vavar patslo i čilačo koova, palle hounte mangess tou o Debles leske! Oun o Devel dell les o djipen. Della ninna i doosh, hoy anell an o merepen. Oun me penau gar, te mangess tou o Debles kolenge, kay koy doosh ap pende lan.

1. Samuel 2:25

Te krell yek čilačepen ap i vavar mensheste, hi lo an o Debleskro vast. Te krell lo čilačepen ap o baro Debleste, koon nay rakrell leske mishto?” Yon shounan gar ap pengro dadeste. O baro Devel kras lengre djia pandlo. Yob kamas len te marell.

1. Samuel 3:14

Me dom man sovel glan leste, te nay lell či koy doosh krik, hoy leskri familya ap peste anas. Kek firho, vitar kek rhapen dran yarro, hoy yon mange anenn, nay lell koy doosh krik.”