4. Mose 15:24 - O Debleskro Lab 2024 (Sinte-Manouche)

²⁴ Te kran i tsele Israelitarya čomone, hoy i doosh hi, oun djinan gar, kay yon hounte krans kova gar, palle hounte anenn i tsele menshe i terno gouroum rhačepaske o baro Debleske, te soungell o soungepen, hoy pre djal ko firhestar, mishto o baro Debleske. Koy pashel denn le ninna i rhapen dran yarro oun koy mool, yaake boud har čačo hi, ninna i morsh bouzni, te vell i doosh krik lino.

O Debleskro Drom 2021 (Sinte)

²⁴ Te kran i tsele Israelitarja tchomone, hoi i doosh hi, un djinan gar, kai jon hunte krans kowa gar, palle hunte anenn i tsele menshe i terno gurum chatchepaske o baro Debleske, te sungell o sungepen, hoi pre djal ko viechestar, mishto o baro Debleske. Koi pashel denn le ninna i chapen dran jarro un koi mool, jaake bud har tchatcho hi, ninna i mursh busni, te well i doosh krik lino.

4. Mose 15:24 ပူးပေါင်းရင်းမြစ်များ

Esra 6:17

Koleske anan le an o Debleskro kheer 100 (sheel) gourma, 200 (douy-sheel) bakre, oun star-sheel (400) terne bakre, te venn le maredo o Debleske, ninna deesh-te-douy morsh bouzya, yek haki bari familyake, hoy vell o deesh-te-douy Israeleskre čavendar. Kol bouzya van rhačedo o Debleske, te vell i doosh i Israelendar krik lino.

Esra 8:35

Oun kol menshe, kay van pale dran o pandepen, anan firhen o Israeleskro Debleske, oun maran len leske: 12 (deesh-te-douy) terne gourma i tsele menshenge an Israel, 96 (enya-deesh-te-shob) morsh bakre, 77 (efta-deesh-te-efta) terne bakre. Ninna anan le 12 (deesh-te-douy) morsh bouzya, kay van maredo, te vell i doosh i menshendar krik lino. Oun kol tsele firhe van pre rhačedo o baro Debleske.

3. Mose 23:19

Koy pashel anenn leske i morsh bouzni, te vell t'mari doosh oun t'maro pale-čiddo koova krik lino. Marenn ninna douy bakre, hoy yek bersh phouro hi, te rhan len khetne glan o baro Debleste.

3. Mose 4:2

Rake i Israelentsa oun pen lenge: Te kras yek čomone, hoy hounte krals lo gar, anas lo doosh ap peste, ninna te djinas yob gar, te penas o baro Devel: Ma kre kova!

3. Mose 4:22

Te kras i pralstouno čomone, hoy hounte krals lo gar, anas lo doosh ap peste, ninna te djinas yob gar, te penas o baro Devel: Ma kre kova!

3. Mose 4:23

Te hayvell lo pal i tsiro, kay kova, hoy lo kras, gar čačo hi glan o Debleskre yaka, palle hounte anell lo leske i morsh bouzni, hoy gar nasselo hi.

3. Mose 5:15

Te dals yek gar o baro Debleste, hoy hounte dals lo leste, rhorhras lo o baro Debles, ninna te djinas lo kova gar. Yob hounte anell o Debleske i bakro, hoy sasto hi, te vell leskri doosh pale mishto. Kava bakro hounte vell yaake boud roupene beme moldo, har tou peneh. Yek roupeni bema hi yaake pharo har i roupeni bema an o Debleskro kheer hi.

3. Mose 5:18

Yob hounte anell o rashayeske i bakro, hoy sasto hi, te vell leskri doosh pale mishto. Kava bakro hounte vell yaake boud moldo, har tou peneh. Koleha krell o rashay, te vell lauter pale mishto mank o Debleste oun ko mensheste, kay gar djinas, kay kova, hoy lo kras, i doosh his. Oun o baro Devel bistrell leskri doosh.

4. Mose 15:23

čomone lauterestar, hoy o baro Devel o Moseske penas, hoy t'mer hounte krenna, palle hounte denn t'mer o baro Debleske i firho, te vell i doosh krik lino.

4. Mose 15:26

Ava, kay doosh, hoy ap i tsele menshende Israel čiddo hi, vell lendar krik lino, ninna kolendar, kay vi-themarya hi mank t'mende.

4. Mose 28:15

Koy pashel hounte anenn i morsh bouzni o baro Debleske, te vell t'mari doosh krik lino. Kova halauter vell pash kol firhe oun ko yarro oun koy mool, hoy vell hako dives o Debleske anlo.