4. Mose 15:20 - O Debleskro Lab 2024 (Sinte-Manouche)

²⁰ Dran ko ersto yarro hounte pekenn t'mer leske i merkli.

O Debleskro Drom 2021 (Sinte)

²⁰ Dran ko ersto jarro hunte pekenn tumer leske i merkli.

4. Mose 15:20 ပူးပေါင်းရင်းမြစ်များ

Nehemia 10:37

Mer anah hako phoureder morsh čaves oun hako firhes, hoy o phoureder peskri datar hi, an maro Debleskro kheer. Ninna i groumyendar oun i bakrendar anah ko phoureder pash kol rashayende, kay boudrenn an maro Debleskro kheer.

2. Mose 23:19

Tou aness o feteder halauterestar, hoy ap tiri phoub bares vas tiro baro Debleske an leskro kheer. Tou keress gar i terni bouzni an i thoud peskri datar.

2. Mose 34:26

Hako bersh anenn o feteder halauterestar, hoy ap t'mari phoub bares vas, an o Debleskro kheer! Yob hi t'maro baro Devel. Kerenn gar i terni bouzni an o thoud lakro datar!

Ezekiel 44:30

Ninna o feteder djob kolestar, hoy neves baro vas, oun kova, hoy hounte denn i menshe o Debleske, hi i rashayenge. Anenn lenge ninna i erste mare, hoy o nevo djobestar peklo van. Koon kova krell, ap koleste oun leskri familya vell o Debleskri barht.

3. Mose 2:12

Ap ko tsiro, kay anenn o nevo djob o baro Debleske, nay anenn t'mer shoutlo yarro oun gvin, – ap leskri rhačepaskri nay rhačrenn kova gar. Kova hi kek koova, hoy rhačedo vell, te soungell lo lačes o Debleske.

3. Mose 2:14

Te kameh tou tiro nevo djob glan o baro Debleste te anell, palle le ko djob oun peke les pral i yag, oun kre les tikno oun an les glan o Debleste!

3. Mose 23:10

Pen ap i Israelitarya: Te venn an ko them, hoy me t'men dau, oun t'mer činenn o nevo djob tele oun pandenn les khetne, palle anenn ko ersto pandepen nevo djob glan o rashayeste.

3. Mose 23:20

O rashay hadell kolen pre glan o baro Debleste, ninna kol mare dran o nevo yarro, te sikrell lo, kay yon o baro Debleske hi. Oun i rashaya nay rhan kova.

4. Mose 15:21

Ninna hounte denn t'mer leste ko ersto yarro. Ko lab ačella hako tsireske.

4. Mose 18:12

Ko tselo lačeder djet, oun ko lačeder mool oun djob, ninna lauterestar hoy glanstounes bares vas ap i harhetikri phoub, kova halauter, hoy yon o baro Debles dan, dau me t'mende. Koon gar pale-čiddo hi an tiro kheer nay rhal kolestar.

Mateo 6:33

Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

Remarja 11:16

Hako bersh vell o djob činlo, oun dell nevo maro. Te denn le i kotar nevo maro o Debleste, hi kova yaake, har te vell o tselo maro o Debleste dino. Yaake hi ninna pash o rouk. Te vas leskro drab o Debleste dino, palle hi ninna leskre kashta o Debleske.

1. Korintarja 15:20

Ko čačepen hi: O Yezous Kristo hi o ersto, koles o Devel i moulendar djido kras.

5. Mose 14:22

Hako bersh čivess tou o baro Debleske ap i rig o deshto kotar halauterestar, hoy ap tiri harhetikri phoub bares vas.

5. Mose 14:23

An ko deshto kotar tiro djobestar, tiri molyatar oun tiro djetestar glan tiro baro Debleste ap koy platsa, hoy yob peske vin rodella, te vell lo kote an-mangedo. An leske ninna kol groumya, bakre oun bouzya, kay hi o phoureder lengre dayendar. Rha kote ko rhapen oun ko mass kal firhendar. Yaake bistreh gar, te djivess tiro baro Debleha tiro tselo djipen.

5. Mose 16:13

Oun pal i niyal, te dan t'maro tselo djob vin oun anan i drake dren, rikrenn kol bare divessa dren, kay djivenn an patyengre khera. Efta divessa djivenn an lende,

Jakobo 1:18

Yob kamas, te vam mer leskre čave. Kolla vam, har menge leskro čačo lab penlo vas. Yaake vam mer o feteder mank lauter, hoy o Devel kras.

Debleskro tsiro 14:4

Kolengro djipen hi djoudjo. An kek tsireske van le khetne i djouvyah. Oun yon djan o terno bakreske palla, kay yob ninna djala. Dran i menshende ap kay phoub las yob len khetne peske oun o Debleske.