4. Mose 15:15 - O Debleskro Lab 2024 (Sinte-Manouche)

¹⁵ Kal laba, hoy penenn t'menge, hoy te krenn an kava koova hi t'menge lauterenge: t'menge, kol Israelitarya, oun ninna kol vavar menshenge, kay mank t'mende djivenna. Kol laba ačenna hako tsiro t'mare čavenge, hoy pal t'mende venna: Glan o baro Debleste hi o vi-themari yaake har t'mer han.

O Debleskro Drom 2021 (Sinte)

¹⁵ Kal laba, hoi penenn tumenge, hoi te krenn an kau koowa hi tumenge lauterenge: tumenge, kol Israelitarja, un ninna kol wawar menshenge, kai mank tumende djiwenna. Kol laba atchenna hako tsiro tumare tchawenge, hoi pal tumende wenna: Glan o baro Debleste hi o wi-themari jaake har tumer han.

4. Mose 15:15 ပူးပေါင်းရင်းမြစ်များ

Ester 9:27

lan pen i bibolde glan, te rikrenn le kol douy divessa bares, oun moukenn gar tele, te rikrenn le len hako bersh yaake har glan činlo vas. Oun yaake vas kova pash lende kerdo. Oun kova his ninna moldo lengre čavenge, kay pal lende venna, oun kolenge, kay kek bibolde hi oun pash lende rikrenna.

2. Mose 12:14

Bistrenn kava dives gar! Krenn lestar i baro dives, kay sharenn o baro Debles, t'mer oun t'mare čave, kay venna pal t'mende! Hako bersh vell kava yaake pash t'mende kerdo kanna oun hako tsiro.

2. Mose 12:24

Doleske rikrenn t'men ap kal laba, t'mer oun t'mare čave, kay venna pal t'mende, kanna oun hako tsiro.

2. Mose 12:43

Oun o baro Devel rakras ap o Mose oun ap o Aron: “Hako kopo, kay rhan t'mer o rhapen, hoy kharella Passa, rikrenn t'men ap kal laba: Kek vi-themari rhal kava rhapen.

2. Mose 12:49

Ko lab hi t'menge oun kolenge dran vavar themma, kay mashkral t'mende djivenna.”

2. Mose 28:43

Hako kopo kay djan le an o Debleskro plarhteno kheer, ninna te rhačrenn le i firho ap o Debleskri sasterni rhačepaskri, hounte rivell o Aron oun leskre čave kol telstoune rholopya. Yaake čivenn le penge kek doosh ap pende oun hounte merenn gar. Oun kova vell yaake o Aroneske oun leskre čavenge, hoy pal leste venna, lauterenge, kay venna rashaya, o tselo tsireske.

3. Mose 24:22

T'menge oun kolenge dran i vi-them, kay pash t'mende djivenna, hounte vell yek čačepen, pal kova lauter vin kerdo vell. Me, o baro Devel, hom t'maro Devel.

4. Mose 10:8

Kol rashaya, o Aroneskre čave, hi kolla, kay hounte phourdenn an i phourdepangre. Kova hounte ačell yaake t'menge oun t'mare čavenge hako tsireske.

4. Mose 15:14

Oun te djivell i vi-themari mashkral t'mende, ninna pash t'mare čavende, hoy pal t'mende venna, oun yob kamell o baro Debleske čomone te rhačrell, hoy leske shoukar soungella, palle hounte krell yob yaake har t'mer ninna krenna.

4. Mose 15:29

Oun yaake hounte vell kova hakeneske, kay anas i doosh ap peste oun djinas gar, kay kaya i doosh hi – nay vell i Israelitari, nay vell i vi-themari, kay mank t'mende djivell.

4. Mose 18:8

Oun o baro Devel penas ap o Aroneste: Shoun, tou boudreh mange. Doleske dau me tout oun tire čaven i kotar lauterestar, hoy i Israelitarya mange anenna. Kova te vell yaake hako tsireske.

4. Mose 9:14

Oun te hi yek mank t'mende, kay gar t'mendar hi, oun kova kamell ninna o baro Debleske o dives Passa te rikrell, yaake nay krell yob kova yaake, har t'menge penom, pal mire tsele laba. Kol laba hi leske har t'menge.

Galatarja 3:28

Yaake djivah lauter o Yezouseha khetne. Kanna hi yek, koon t'mer han: bibolde oun kolla, kay kek bibolde hi, boudepangre oun raya, morsha oun djouvya. An o Yezous Kristeste hi yek har o vavar.

Kolossarja 3:11

Kote, kay o Devel i menshen neves kras, kote hi yek yaake boud moldo har o vavar: I bibolde oun kolla, kay kek bibolde hi; kolla, kay ap o mass činlo hi oun kolla, kay gar ap o mass činlo hi; vi-themarya oun divye; raya oun boudepangre. O Yezous Kristo djivell an hakeneste mendar.

Josua 8:33

Oun i tsele Israelitarya, lengre phoureder, pralstoune oun čačepangre morsha, ninna i vi-themarya mank lende, yon halauter his tardo ap kol douy rigya pash o morhton, kay i deesh laba dren hi, hoy o baro Devel len das. Ap koy yek rig dikan le i berga Garizim, ap koy vavar rig dikan le i berga Ebal. Mank lende oun o morhton his i rashaya tardo, kay o morhton hidjran, – kolla his Levitarya. I tsele menshe his yaake tardo har o Mose, o baro Debleskro boudepaskro, glan i tsiro penas, te venn le tardo ap ko dives, kay vell o Debleskri barht pral lende vi-rakedo.

1. Samuel 30:25

Kava lab, hoy o David ap ko dives penas, ačas tardo oun vas i čačepaskro lab. Oun o Israel hounte rikras pes ap leste bis kava dives.