4. Mose 15:14 - O Debleskro Lab 2024 (Sinte-Manouche)

¹⁴ Oun te djivell i vi-themari mashkral t'mende, ninna pash t'mare čavende, hoy pal t'mende venna, oun yob kamell o baro Debleske čomone te rhačrell, hoy leske shoukar soungella, palle hounte krell yob yaake har t'mer ninna krenna.

O Debleskro Drom 2021 (Sinte)

¹⁴ Un te djiwell i wi-themari mashkral tumende, ninna pash tumare tchawende, hoi pal tumende wenna, un job kamell o baro Debleske tchomone te chatchrell, hoi leske shukar sungella, palle hunte krell job jaake har tumer ninna krenna.

4. Mose 15:14 ပူးပေါင်းရင်းမြစ်များ

3. Mose 22:18

Pen ap o Aron oun ap leskre morsh čavende, oun ap i tsele Israelitaryen: Hako Israelitari oun hako vi-themari, kay pash t'mende djivell, oun kay kamell o baro Debleske i firhes te anell, te vell kova leske rhačedo, – nay vell te dell lo les pestar, nay vell, te dell lo les pal kova, hoy lo pes sovel das,

3. Mose 22:25

Ginenn vitar gar sau firho yekestar, kay kek Israelitari hi, te anenn les glan t'maro Debleste. Save firhe hi bouder gar boud moldo. Ap savende dikell o baro Devel bouder gar lačes.

4. Mose 15:13

Hako Israelitari, kay anell čomone rhačepaske o baro Debleske, hoy leske shoukar soungella, hounte krell pal kal laba.

4. Mose 15:15

Kal laba, hoy penenn t'menge, hoy te krenn an kava koova hi t'menge lauterenge: t'menge, kol Israelitarya, oun ninna kol vavar menshenge, kay mank t'mende djivenna. Kol laba ačenna hako tsiro t'mare čavenge, hoy pal t'mende venna: Glan o baro Debleste hi o vi-themari yaake har t'mer han.