4. Mose 14:35 - O Debleskro Lab 2024 (Sinte-Manouche)

³⁵ Me, o baro Devel, penom kova, oun čačepah, kova kamau me ninna te krell kal tsele menshentsa, kay hadan pen ap mande. An kava moulo tato them merenn le, bis te kek lendar bouder koy hi.”

O Debleskro Drom 2021 (Sinte)

³⁵ Me, o baro Dewel, penom kowa, un tchatchepah, kowa kamau me ninna te krell kal tsele menshentsa, kai hadan pen ap mande. An kau mulo tato them merenn le, bis te kek lendar buder koi hi.”

4. Mose 14:35 ပူးပေါင်းရင်းမြစ်များ

Debleskri gili 78:33

Koy kras lo, te djal lengro djipen sik trouyel, oun lengre bersha his pherdi daar.

2. Mose 23:21

Denn yak, te shounenn ap kova, hoy yob t'menge penell! Me bičrom les. Te shounenn t'mer gar ap leste, bistrell lo t'mari doosh gar.

Ezekiel 20:36

Yaake har t'mare phourende lengri phagi dom, har his le an o moulo tato them pash o them Egiptia, yaake dau t'mende ninna t'mari phagi, penell o baro Devel, t'maro ray.

4. Mose 23:19

O Devel hi gar i mensho, kay rhorhella, vitar gar i mensheskro čavo, koles khaytell, hoy yob kras. Penell yob čomone, hoy yob gar krella? Penell yob kova, kay rikrell yob gar?

4. Mose 26:65

O baro Devel penas lenge, kay yon hounte merenn an o moulo tato them. Oun yaake ačan kek lendar djido har kokres o Kaleb, koleskro dad o Yefunne his, oun o Yosua, koleskro dad o Noun his.

1. Korintarja 10:11

Kova lauter, hoy ap lende vas, sikrell men, hoy nay vella. Oun mer, kay djivah kava dives oun djinah, te ačell kava tsiro bouder gar rah, menge vas kova činlo an i lila, te das mer yak ap mende.

1. Korintarja 10:5

Ninna te his yaake, nay dikas o Devel gar lačes ap boud lendar. Oun yon meran an o moulo them.

Hebrearja 3:19

Yaake dikah mer: Kolla, kay patsan gar, hoy o Devel penas, hi kolla, kay van gar an o Debleskro them dren.