4. Mose 14:29 - O Debleskro Lab 2024 (Sinte-Manouche)

²⁹ T'mer merenn an kava moulo tato them. T'mer halauter, kay han biish bersha phouro oun phoureder, oun rakran djoungeles pral mande,

O Debleskro Drom 2021 (Sinte)

²⁹ Tumer merenn an kau mulo tato them. Tumer halauter, kai han biish bersha phuro un phureder, un rakran djungeles pral mande,

4. Mose 14:29 ပူးပေါင်းရင်းမြစ်များ

Debleskri gili 106:26

Kote hadas lo peskro vast oun das pes sovel, te marell lo len an o moulo tato them,

Debleskri gili 78:33

Koy kras lo, te djal lengro djipen sik trouyel, oun lengre bersha his pherdi daar.

Ezekiel 20:38

Kolen, kay mantsa phagan oun mandar tele peran, čivau ap i rig. Ninna te lau len vin dran kol themma, kay le vi-themarya his, vell kek lendar an o them Israel. Palle dikenn oun hayvenn t'mer, te hom me o baro Devel.

4. Mose 1:45

I tsele morsh Israelitarya dran haki familya, hoy biish bersh oun phoureder his oun zorelo doha, te nay venn le lourde, his 603.550.

4. Mose 26:64

Mashkral kolende his kek bouder djido kolendar, kolengre laba o Mose oun o rashay Aron an i liil činan, har dikan le pal, har boud yon hi, an o moulo tato them Sinay.

4. Mose 26:65

O baro Devel penas lenge, kay yon hounte merenn an o moulo tato them. Oun yaake ačan kek lendar djido har kokres o Kaleb, koleskro dad o Yefunne his, oun o Yosua, koleskro dad o Noun his.

1. Korintarja 10:5

Ninna te his yaake, nay dikas o Devel gar lačes ap boud lendar. Oun yon meran an o moulo them.

5. Mose 2:14

Kova his 38 (triyanda-te-orhta) bersha pal ko dives, kay djam o ersto kopo dran Kadesh-Barnea. An ko tsiro bersha meran i tsele kourepangre dran Israel, yaake har o baro Devel pes sovel das, te vell kova yaake.

Hebrearja 3:17

Pale poučau t'mendar: Pral koneste vas o Debleskri rholi star-deesh bersha? Leskri rholi vas ap kolende, kay kaman bouder gar ap leskro drom te djal. Kolla meran an o moulo them, oun ačan kote čiddo.

Judas 1:5

Ninna te djinenn t'mer kova lauter, kamau, te bistrenn gar, har o Devel, maro ray, peskre menshen dran o them Egiptia vin las. Oun ap i vavar tsiro maras lo kolen, hoy gar patsan.