4. Mose 14:22 - O Debleskro Lab 2024 (Sinte-Manouche)

²² Kol tsele morsha, kay dikan miro raylepen oun ko baro oun zorelo koova, hoy krom an o them Egiptia oun an o moulo tato them, oun kaman boud kope gar te patsell, kay hom lentsa, oun shounan gar ap kova, hoy me penom,

O Debleskro Drom 2021 (Sinte)

²² Kol tsele mursha, kai dikan miro railepen un ko baro un sorelo koowa, hoi krom an o them Egiptia un an o mulo tato them, un kaman bud kope gar te patsell, kai hom lentsa, un shunan gar ap kowa, hoi me penom,

4. Mose 14:22 ပူးပေါင်းရင်းမြစ်များ

1. Mose 31:41

Biish bersha his kova yaake. Deesh-te-star bersha boudrom touke, te lap tire douy čen. Shob bersha boudrom tire firhenge. Deesh kope kral tou miro playsepen vavarčandes.

1. Mose 31:7

T'maro dad rhorhras man: Deesh kope kras lo miro playsepen vavarčandes. O Devel moukas les gar te krell lo mange čilačepen.

Hiob 19:3

Deesh kope praasan man kanna, oun ladjenn t'men gar, te doukrenn man.

Debleskri gili 106:14

An o moulo them lan le bok pal o mass, oun patsan gar, te nay dell o baro Devel len lauter, hoy len hounte vell djipaske.

Debleskri gili 106:26

Kote hadas lo peskro vast oun das pes sovel, te marell lo len an o moulo tato them,

Debleskri gili 78:41

Pale te pale kaman le te dikell, hoy yob hayvella. Yaake dan le leske an o dji, koleske, kay kokres o čačo Devel hi, o Devel pral o Israel.

2. Mose 14:11

Oun yon penan ap o Moseste: “Lal tou men doleske kay an o moulo tato them, te meras kate? His an o them Egiptia kek phoub, te vas mer paskedo? Hoske kral tou kova, oun lal men dran o them Egiptia vin?

2. Mose 15:24

Oun i menshe van rhoyedo ap o Moseste oun penan: “Hoy piyas mer?”

2. Mose 16:2

Kote an o moulo tato them van le rhoyedo ap o Moseste oun o Aroneste.

2. Mose 17:2

Oun yon čingran ap o Moseste oun penan: “De men pani te piyell!” Oun o Mose penas: “Hoske čingrenn t'mer ap mande? Hoske patsenn gar, te hi o baro Devel pash mende oun dell men kova, hoy men hounte vals?”

2. Mose 17:3

Oun lengri troush vas yaake baro, te penan le i rholyatar ap leste: “Hoske lal tou men dran o them Egiptia vin? Kameh, te meras mer kate i troushatar, mer oun mare čave oun mare firhe?”

2. Mose 17:7

Koy platsa, kay i menshe čingran ap leste oun kay yon gar patsan, te hi o baro Devel pash lende oun dell len kova, hoy len hounte vell, koy platsa das o Mose i laba Massa oun Meriba.

2. Mose 32:1

Har dikan i menshe, kay o Mose i rah tsiro krik ačas, oun gar bouder koy berga tele vas, van le khetne pash o Aron oun penan ap leste: “Dja, kre menge i devel, kay djal glan mende! Mer djinah gar, hoy ko Moseha djas, kay anas men dran o them Egiptia vin.”

2. Mose 5:21

“O baro Debleskri rholi vell ap t'mende! T'mer kran, te ham o Faraeske oun leskre pralstunenge har djoukle. Kanna hi an lengre vasta, te nay marenn le men.”

Jesaja 42:20

Ninna te dikan t'mer boud koova, lan les gar an o dji. Ninna te his t'mare kanda pre, shounan gar.

Daniel 1:20

Oun an hako koova, hoy o baro ray lendar poučas, his yon deesh kope gosveder oun hayvan boudeder har i tsele dourkepangre oun dravepangre an i tsele themma, kay o Neboukadnezar baro ray his.

Maleachi 3:15

Doleske sharas mer kolen, kay phourdenn pen pre pral o baro Debleste. Kol čilačenge djal mishto. Ninna te krenn le, hoy o Devel gar kamell, krell lo lenge či. Kek bibarht vell pral lende.

4. Mose 11:1

Oun kol menshe penan glan o baro Debleskre kanda, kay lenge djoungeles djala. Oun har o baro Devel kova shounas, vas yob rhoyedo oun bičras i yag, hoy rhačras vin ap i platsa, kay lengre plarhtene khera his.

4. Mose 11:4

Mank i Israelitarya his ninna vavar menshe, kay lentsa djan. Kolen vas i bari bok pal mass. Koy rovan kol Israelitarya ninna pale, oun penan: “Koon dell men mass rhapaske?

4. Mose 12:1

Koy rakras i Miryam oun o Aron djoungeles pral o Moseste oun penan: “Kova hi gar mishto, te las yob peske i romyat, kay hi i menshendar Koush. Rakras o baro Devel kokres ap o Moseste? Rakras lo mentsa gar?” Oun o baro Devel shounas kova.

4. Mose 14:11

Oun o baro Devel penas ap o Mose: “Har rah rakrenn kol menshe djoungeles pral mande? Oun har rah kamenn yon gar ap mande te patsell, vitar gar, kay krom yaake boud baro oun zorelo koova pash lende?

4. Mose 14:2

Oun i tsele Israelitarya his rhoyedo ap o Mose oun o Aron oun penan: “Ah, te merams mer an ko them Egiptia! Te merams kate an o moulo tato them!

4. Mose 32:12

Kokres o Kaleb, koleskro dad o Yefunne hi, kol menshendar Kenas, oun o Yosua, koleskro dad o Noun hi, venn kote dren. Yon djan mantsa o tselo djiyeha.

Mateo 4:7

Penas o Yezous: “Ninna hi an o Debleskro lab činlo: Rike o Debles gar dineleske, te sikrell lo tout har zorelo yob hi.”

1. Korintarja 10:5

Ninna te his yaake, nay dikas o Devel gar lačes ap boud lendar. Oun yon meran an o moulo them.

1. Korintarja 10:9

Ma rhoyrenn o Yezous Kristes, har kolla an o phouro tsiro o Debles rhoyran, har kran le, har te vals les kek zoor. Oun i sapa dandran len. Oun yon meran.

5. Mose 9:7

Ma bistrenn, har rhoyran t'maro baro Debles an o moulo them, Ko divesseha har djan t'mer vin dran o them Egiptia bis te van kate, kay kanna han, kaman gar ap leste te shounell.

Hebrearja 3:9

Ninna te dikan le star-deesh bersha, hoy me, o Devel, lenge krom, patsan le man gar, oun mire laba his lenge či moldo.