4. Mose 13:33 - O Debleskro Lab 2024 (Sinte-Manouche)

³³ Mer dikam kote ninna i Nefilim, kay hi bare menshe. Lengro phouro dad hi o Anak. Mer hams an mare yaka har stepangre, oun yaake hams ninna an lengre yaka.”

O Debleskro Drom 2021 (Sinte)

³³ Mer dikam kote ninna i Nefilim, kai hi bare menshe. Lengro phuro dad hi o Anak. Mer hams an mare jaka har stepangre, un jaake hams ninna an lengre jaka.”

4. Mose 13:33 ပူးပေါင်းရင်းမြစ်များ

1. Mose 6:4

An ko tsiro, har i Debleskre čave khetne van i menshengre čentsa oun lendar čave bolde van, djivan bare menshe ap i phoub. Ninna pal ko tsiro. Kolla his čače morsha an ko phouro tsiro: baro oun an-diklo.

1. Familjakro liil 11:23

Yob maras ninna i morshes, i Egiptari. Kova his pral douy metarya baro. Oun les his o vitsepaskro čouri an o vast. Oun ko kotar kasht, hoy ko vitsepaskro čouri rikrella, his yaake pesso har i tikno rouk. O Benaya djas pash leste tele, i kasht an o vast, oun tserdas ko vitsepaskro čouri dran kol Egiptareskro vast, oun das les kolah tele čourye.

Jesaja 40:22

Yob hi kova, kay hi o ray pral i tseli phoub. Oun kolla, kay ap i phoub djivenn, hi glan leste har stepangre. Yob hi kova, kay čivas o bolepen pral i phoub har i bourhli plarhta, har te krell yek i plarhteno kheer, te nay djivell lo dren.

4. Mose 13:22

Oun yon djan an o them Negev, oun van bis pash o foro Hebron. Kote djivas o Ahiman oun o Sheshay oun o Talmay, kolengro dad o Anak his. O foro Hebron vas nevo kerdo efta bersha glan o foro Soan an o them Egiptia.

4. Mose 13:28

Yek koova hi gar mishto: Kol menshe, kay djivenn kote, hi zorelo. Kol forya hi baro oun zorelo kerdo. Oun mer dikah kote ninna kol menshen, kay venn pal o Anak.

4. Mose 14:1

Koy stan kol tsele Israelitarya pre, oun dan gole i trashatar. Oun kol menshe rovan i tseli rat.

5. Mose 1:28

Kay djas koy? Mare phrala kran mare djia darenes, har penan le ap mende: Kolla menshe hi zorleder oun bareder har mer, lengre forya hi baro oun lengre massurya djan pre bis pash o bolepen. Oun ninna dikam mer o Anakarya kote!

5. Mose 2:10

Glan lende djivan kol Emarya koy. Kolla his boud oun bare lengste menshe, yaake baro har kol menshe Anak.

5. Mose 3:11

Kokres o Og, ko baro ray pral Bashan, ačas djido kol bare menshendar, kay rise kharedo van. Har meras lo, vas lo paskedo an i barrengro morhton. Kova hi yaake star metarya baro oun douy metarya bourhlo, oun hi tardo an o foro Rabba an o them Ammon.

5. Mose 9:2

I menshe kote hi baro oun venn kharedo rise. T'mer shounan, har lendar penlo vas: Kek nay vell zorleder har yon.

Josua 11:21

An ko tsiro vas o Yosua peskre lourdentsa ninna pral i Anakarya, kay djivan an o pralstouno them an i forya Hebron, Debir, Anab oun an o tselo pralstouno them, koles o Youda oun o Israel hi. Oun yob das len halauter moulo oun rhačras lengre forya.

Josua 14:12

Oun kanna de man kol berge, kolendar o baro Devel an ko dives rakras! Tou shounal an ko dives, te djivenn kol Anakarya koy an bare zorele forya. Te hi o baro Devel mantsa, palle nay tradap len vin, har o baro Devel kova penas.”

Josua 15:14

Kote djivan kol triin bare familye, kolengre phoure dada o Sheshay oun o Ahiman oun o Talmay his. Kolla van o morshestar Anak. Oun o Kaleb tradas len vin dran o foro.

1. Samuel 17:24

Har i morsha dran Israel ko morshes dikan, djan le i bari daryatar pale.

1. Samuel 17:42

Oun har o Goliat gomme i kotar krik his, dikas lo, te his o David i terno morsh lole čamentsa oun shoukar. Oun glan leskre yaka his o David har čik.