4. Mose 13:29 - O Debleskro Lab 2024 (Sinte-Manouche)

²⁹ An o them Negev djivenn i Amalekarya. An o pralstouno them djivenn i Hetarya, i Yebousarya oun i Amorarya. Pash o baro pani oun pash o pani Yordan djivenn i Kanaanitarya.”

O Debleskro Drom 2021 (Sinte)

²⁹ An o them Negev djiwenn i Amalekarja. An o pralstuno them djiwenn i Hetarja, i Jebusarja un i Amorarja. Pash o baro pani un pash o pani Jordan djiwenn i Kanaanitarja.”

4. Mose 13:29 ပူးပေါင်းရင်းမြစ်များ

1. Mose 14:7

Koy pal rissran pen kol star bare raya trouyel oun van an ko foro En-Mishpat. Kova hi kanna Kadesh. Oun yon maran i tsele menshen an ko them, kay i Amalekarya djivan, ninna i Amorarya, kay an Hazezon-Tamar djivan.

Nehemia 9:8

Oun har dikal, te rikrell lo pes ap toute peskro tselo djiyeha, kral tou leha vin oun dal tou tiro lab, te dess leskre čavende oun kolengre čavende, kay pal lende venn, ko them, kay djivenn i Kanaanitarya, oun i Hetarya, oun i Amorarya, oun i Perisarya, oun i Yebousarya, oun i Girgasharya. Oun tou rikral tiro lab. Tou hal tardo an o čačepen.

Debleskri gili 83:7

Kolla hi i menshe dran o Edom oun dran o Ismael, dran o Moab, dran i Hagar,

2. Mose 3:17

Me dau miro vast pre: Kava djoungelo djipen herell pes pre. Me, o baro Devel, lau t'men dran o them Egiptia vin, oun anau t'men an ko them, kay djivenna i Kanaanitarya, i Hetarya oun i Amorarya, i Perisarya, oun i Hivarya oun i Yebousarya. Oun kova hi i them, kay hi boud thoud oun gvin.

2. Mose 3:8

Me vom tele, te lap len dran o vast kol menshendar an o them Egiptia vin, oun anau len dran kava them vin oun dau len i lačo oun baro them, kay hi boud thoud oun gvin. An ko them djivenn kanna i Kanaanitarya, i Hetarya, i Amorarya, i Perisarya, i Hivarya oun i Yebousarya.

4. Mose 13:17

Oun o Mose bičras len, te hatsenn le vin har ko them Kanaan hi. Oun yob penas ap lende: “Djan koy pre an o moulo tato them Negev, oun palle djan ap o pralstouno them!

4. Mose 13:30

Har i menshe kova shounan, trashan le oun čingran ap o Moseste. Koy das o Kaleb len trad, oun penas: “Avenn, mer djah kote, oun lah ko them menge! Mer nay ham zorleder har yon.”

4. Mose 14:25

Kol Amalekarya oun kol Kanaanitarya, kay kanna kote djivenn, ačenn an o telstouno them. Taysar rissrenn t'men trouyel oun djan pale an o moulo tato them ap ko drom pash o Baro Lolo Pani!”

4. Mose 14:43

Kol Amalekarya oun kol Kanaanitarya hi koy vergel tardo glan t'mende, oun t'mer venn moulo dino o rhareha. T'mer djan o baro Deblestar krik. Doleske hi lo gar t'mentsa.”

4. Mose 14:45

Koy van kol Amalekarya oun kol Kanaanitarya, kay ap i berga djivan, tele, oun dan len, oun lan len palla bis pash o foro Horma.

4. Mose 24:20

Oun har o Bileam kol Amalekarya dikas, penas lo kal laba: “Amalek hi ko pralstouno mashkral kol natsyone. Ninna yob vell maredo an ko tsiro, hoy vella.”

5. Mose 20:17

Moulo dino hounte venn le halauter: i Hetarya, i Amorarya, i Kanaanitarya, i Perisarya, i Hivarya oun i Yebousarya. Yaake penas t'menge t'maro baro Devel, te hounte krenn.

5. Mose 7:1

T'maro baro Devel anell t'men an ko them, hoy t'maro vell. Oun yob tradell boud menshen glan t'mende vin: I Hetarya oun i Girgasharya oun i Amorarya oun i Kanaanitarya oun i Perisarya oun i Hivarya oun i Yebousarya. Kolla hi efta natsyone, kay hi bareder oun zorleder har t'mer.

Josua 10:5

Koy van kol panč bare raya pral i Amorarya khetne: kol bare raya pral i forya Yerusalem, Hebron, Yarmout, Lakish, oun Eglon. Oun lengre tsele lourde van lentsa. Oun yon djan khetne oun čivan pen troul o foro Gibeon, te lenn le les dren oun kouran pen lentsa.

Josua 10:6

Koy bičran i Gibeonarya morshen pash o Yosua ap koy platsa pash Gilgal, kay i Israelitarya hi, oun moukan leske te penell: “Ma mouk men kokres! Mer ham tire boudepangre! Ab yaake sik har djala pash mende pre, oun ab ap mari rig, te meras gar! I tsele bare raya pral i Amorarya, kay an o pralstouno them djivenn, čivan pen khetne te kourenn le pen mentsa.”

Josua 3:10

Ap kava dikenn, te hi o djido Devel mashkral t'mende, oun te tradell lo glan t'mende i Kanaanitarya vin, ninna i Hetarya, i Hivarya, i Perisarya, i Girgasharya, i Amorarya oun i Yebousarya.

Josua 5:1

Oun i tsele bare raya pral i Amorarya, kay ap koy rig o panyestar Yordan djivan, kay o kham tele djal, ninna i tsele bare raya pral i Kanaanitarya, kay pash o Baro Pani djivan, kolla halauter shounan, har las o baro Devel o pani dran o Yordan krik glan i Israelitarya, bis te yon halauter ap i vavar rig his. Oun har yon kova shounan, vas bari traash ap lende, oun an kekeste ačas i zoor te djal lo pre ap i Israelitarya.

Josua 9:1

Oun kova, hoy i Israelitarya kran, shounan i tsele bare raya, hoy ap i vavar rig o panyestar Yordan djivan, an o pralstouno them oun ninna an o telstouno them oun pash o Baro Pani bis pash i berge Libanon. Kal bare raya his i raya pral o them Het, pral o them Amor, pral o them Kanaan, pral o them Peris, pral them Hiv oun pral o them Yebous.

Čačepangre 3:5

Oun yaake djivan i Israelitarya mashkral i Kanaanitarya, i Hetarya, i Amorarya, i Perisarya, i Hivarya oun i Yebousarya.

Čačepangre 6:3

Oun hako kopo, kay vitsran i Israelitarya o djob an i phoub, palle van i Midianarya oun i Amalekarya oun vavar menshe kotar, kay o kham pre djala, oun peran an o them dren.

1. Samuel 14:48

Yob his i čačo morsh oun maras i Amalekarya, oun las o Israel dran kolengre vasta vin, kay lendar randan.

1. Samuel 27:8

An ko tsiro peras o David peskre morshentsa an ko them dren, kay djivenn i Geshourarya oun i Girsarya oun i Amalekarya. Kolla his i rah tsiro kote an o them, oun djivan bis pash o moulo them Shour oun bis tele pash o them Egiptia.

1. Samuel 30:1

Oun har o David oun kol morsha, kay pash leste hi, pal triin divessa an o foro Siklag van, his o foro paash oun rhačedo. I Amalekarya peran dren an o them Negev oun ninna an o foro Siklag.

1. Samuel 7:14

Oun o Israel las peske kol forya pale, kolen i Filistarya lendar krik lan an o them mank Ekron oun Gat. Kal forya las o Israel vin dran i vasta i Filistarendar. Oun ninna mank i Israelitarya oun i Amorarya his bouder kek kourepen.