4. Mose 13:20 - O Debleskro Lab 2024 (Sinte-Manouche)

²⁰ Dikenn ninna, havi phoub koy hi! Hi li mishto, te nay vell djob kote bares? Hi rouka kote tardo oun have? Ma trashenn, te anenn menge kolestar, hoy an ko them bares vas!” Kova his an ko tsiro, kay i molengre drake mishto his.

O Debleskro Drom 2021 (Sinte)

²⁰ Dikenn ninna, hawi phub koi hi! Hi li mishto, te nai well djob kote bares? Hi ruka kote tardo un hawe? Ma trashenn, te anenn menge kolestar, hoi an ko them bares was!” Kowa his an ko tsiro, kai i molengre drake mishto his.

4. Mose 13:20 ပူးပေါင်းရင်းမြစ်များ

1. Familjakro liil 22:11

Kanna, miro čavo, mou vell o baro Devel ap tiri rig, te nay kreh tiro baro Debleske i kheer, yaake har yob toutar penas.

Nehemia 9:25

Yon lan zorele forya dren, oun i lačo them, khera, hoy pherdo lačo koova his, pani, hoy dran vi-dine bare barra vas, drakengre rouka, djeteskre rouka, oun boud vavar rouka, hoy lačo rhapen hidjran. Oun yon rhan oun van čalo oun thoullo. Oun yon moukan les penge lačes te djal. Yaake baro his tiro lačepen ap lende.

Nehemia 9:35

Oun an ko tsiro, har his mare phoure i raya an ko them, hoy tou len dal, mangan le tout gar an. An tiro lačepen dal tou len i bourhlo oun bravelo them. Oun yon moukan gar pengro čilačo drom.

Ezekiel 34:14

Kote, kay lačo zenlepen hi, anau len. Ap lače platse pral ap i berge an Israel nay čivenn le pen tele oun rhan pen čalo.

Daniel 11:24

Oun pokones perell lo dren an i bravele forya o themestar, oun čorell len vin, oun dell kolen, kay leha djan, ko tselo bravlepastar, hoy yon kote lan. Oun savo koova, har yob krell, kras kek leskre phourendar glan leste. Oun ninna kol zorleder forya kamell lo an peskro vast te lell. Kova djal leske i tikno tsiro kokres.

Micha 7:1

Me bibarhtelo, mange hi har yekeske, kay bokella, oun hatsell kek phabya ap o rouk, oun kek drake ap i drakengro rouk. Kol tsele lače phabya oun goudle drake hi krik.

4. Mose 13:19

Dikenn, har nay djivenn le kote: mishto? – gar mishto? Dikenn ninna, har lengre forya hi! Djivenn i menshe an plarhtene khera khetne? – Djivenn le an barrengre khera an forya?

5. Mose 1:24

Kolla kran pen ap o drom, oun djan pre an o pralstouno them, oun van bis pash i tala Eshkol, oun dikan pen kote trouyel.

5. Mose 1:25

Yon lan kolestar, hoy an ko them bares vas, oun anan les pash mende. Oun penan menge hoy le halauter dikan, oun penan: Kava them hi mishto, hoy o baro Devel men dell.

5. Mose 31:23

Oun o baro Devel penas ap o Yosua, koleskro dad o Noun his: “Ab zorelo oun ma traash! Tou aness i Israelitaryen an ko them, koleske me man sovel dom, te anau len koy. Oun me kamau touha te vell.”

Hebrearja 13:6

Yaake hounte daras gar oun nay penah: O Devel hi ap miri rig, me hounte darap gar. Hoy nay krell i mensho ap mande?

Josua 1:6

Ab zoreles oun ma traash! Tou dess kal menshen pengro them, kay me man sovel dom glan lengre phourende, te dap len kova!

Josua 1:9

Penau touke pale: Ab zoreles! Oun ma traash gar! Ma dare či! Oun ma traash kekestar! O baro Devel hi tiro Devel oun hi touha, kay tou ninna djah.”

Josua 2:1

Oun har yon ap i platsa Shittim his, bičras o Yosua, koleskro dad o Noun hi, čorrhanes douy morshen vin oun penas ap lende: “Djan oun dikenn, har zorelo o them hi, ninna o foro Yericho!” Koy djan le oun van an i kheer, kay i loubni djivas. Koya kharas Rahab. Oun yon djan dren, te ačenn le kote pral i rat.

Josua 2:3

Koy bičras lo morshen pash i Rahab oun moukas lake te penell: “De kol morshen vin, kay pash toute an tiro kheer van. Yon van te dikenn le, har zorelo maro them hi.”