4. Mose 12:14 - O Debleskro Lab 2024 (Sinte-Manouche)

¹⁴ O baro Devel penas ap o Moseste: “Te čoungrals lakro dad lat an o mouy, hounte ladjals yoy efta divessa. Moukenn lat kokres efta divessa vin glan koy platsa, kay i plarhtene khera hi! Pal kova lenn lat pale pash t'mende!”

O Debleskro Drom 2021 (Sinte)

¹⁴ O baro Dewel penas ap o Moseste: “Te tchungrals lakro dad lat an o mui, hunte ladjals joi efta diwessa. Mukenn lat kokres efta diwessa win glan koi platsa, kai i plachtene khera hi! Pal kowa lenn lat pale pash tumende!”

4. Mose 12:14 ပူးပေါင်းရင်းမြစ်များ

2. Rajengro liil 15:5

Oun o baro Devel moukas i djoungelo nasslepen ap leste te vell. Oun yaake rah har yob djivas, his lo nasselo ap peskro mass, oun hounte djivas peske an i kheer. Leskro čavo, o Yotam, his o pralstouno pral o rayeskro kheer, oun his o čačepaskro ray pral i menshende an o them.

Hiob 17:6

Kanna vom yek, pral koleste i menshe sapaskre gilya givenn, oun koleske yon an o mouy čoungrenn.

Hiob 30:10

Lenge vell djoungeles glan mande, oun rikrenn pen dour krik mandar, oun čoungrenn mange an o mouy.

Jesaja 50:6

Me rikrom kolenge miro doumo, kay dan mange dava, oun rikrom mire čamya kolenge koy, kay tserdan balla dran miri čora. Me khatrom gar miro mouy, har praasan le man oun čoungran ap mande.

3. Mose 13:4

Te hi ko parno kotar ap leskri hauta gar doureder tele an leskro mass har koy vavar hauta, oun i balla van gar parno, palle pandell ko rashay ko menshes efta divessa an i kheer dren.

3. Mose 14:8

Kova, kay sasto vas, thovell peskre koola oun činell peskre tsele balla tele, oun thovell pes. Palle hi lo erligo, oun nay vell pale ap i platsa, kay i menshe djivenn. Efta divessa ačell lo vin glan peskro plarhteno kheer.

4. Mose 5:1

Oun o baro Devel rakras o Moseha oun penas:

Mateo 26:67

Oun palle čoungran le leske an o mouy, oun dan les ap o shero. Vavar dan les an o mouy,

5. Mose 25:9

palle stakrell koy djouvel glan leste, oun glan i yaka kol phoureder morshendar rivell li leske yek kirrha vin. Oun čoungrell leske an o mouy, oun penell: “Yaake hounte vell kerdo ko morsheske, kay kamell gar peskro phraleste i čaves te dell.”

Hebrearja 12:9

Har čave hams, dan men mare dada i phagi. Oun mer hounte shounam ap lende. Kitse boudeder hounte shounas ap maro dadeste an o bolepen, te djivas.