4. Mose 11:20 - O Debleskro Lab 2024 (Sinte-Manouche)

²⁰ Kova djal yek čon, bis te nay soungenn les bouder gar, oun kova dran t'maro nak vin vell. T'mer čivan o baro Debles ap i rig, koles, kay mashkral t'mende hi. Oun t'mer rovan glan leste oun penan: Hoske djam mer dran o them Egiptia? Doleske vell kava koova kanna ap t'mende.”

O Debleskro Drom 2021 (Sinte)

²⁰ Kowa djal jek tchon, bis te nai sungenn les buder gar, un kowa dran tumaro nak win well. Tumer tchiwan o baro Debles ap i rig, koles, kai mashkral tumende hi. Un tumer rowan glan leste un penan: ‘Hoske djam mer dran o them Egiptia?’ Doleske well kau koowa kanna ap tumende.”

4. Mose 11:20 ပူးပေါင်းရင်းမြစ်များ

2. Samuel 12:10

An tire yaka his miro lab či moldo, har lal tou touke koy romyat foun o Uriya, te vell li tiri romni. Kanna vell o rharo ap tiro kheer gar bouder krik lino.

Debleskri gili 106:15

Kote das lo len, hoy yon mangan, oun das len yaake boud, te vas lenge kova dran o nak vin.

2. Mose 16:13

Oun har i rat vas, van pesse čirkle, oun van tele ap i tseli platsa. Oun taysarlakro his i phoub sapeno troul i tseli platsa.

2. Mose 16:3

Oun yon penan: “Vals feteder, te dals men o baro Devel moulo an o them Egiptia, har hams beshdo pash i pirya pherdo mass, oun kay his men doha maro, te nay rham men čalo. T'mer anan men kate an o moulo tato them, te meras halauter i bokatar.”

2. Mose 16:8

Palle penas o Mose: “Ap i rat dell lo t'men mass oun taysarlakro yaake boud maro, te venn čalo. O baro Devel shounas, har rhoyran t'men ap leste. Koon ham mer? Gar ap mende rhoyran t'men, na-a, han rhoyedo ap o baro Debleste.”

Gosewe laba 27:7

Kova, kay čalo hi, moukell o feteder gvin tardo. Koles bok hi, koleske hi shoutlo koova har te vell lo goudlo.

Maleachi 1:6

O baro Devel, ko ray pral o bolepen oun i phoub, penell: I čavo hounte hadell peskro dades, oun i boudepaskro hounte dikell pre ap peskro rayeste. Me hom t'maro dad – hoske hadenn man gar? Me hom t'maro ray – hoske dikenn gar pre ap mande? T'mer rashaya, t'mer dikenn tele ap mande. Oun t'mer poučenn: Hoy kram, kay peneh tumer dikan tele ap mande?

4. Mose 11:13

Kay lap me mass, te dap les kal tsele menshende? Yon rovan glan mande, oun penan: De men mass te rhal!

4. Mose 11:19

Gar yek dives, gar douy, gar panč, gar deesh, gar biish divessa.

4. Mose 11:21

Oun o Mose penas ap o baro Debleste: “Shob-sheel-zerya menshe hi kay, kolentsa me djivau, oun tou peneh: Me kamau len mass te dell, te vell len yek čon rhapaske.

4. Mose 14:3

Hoske anell men o baro Devel an kava them, kay vah moulo dino o rhareha? Oun mare djouvya oun čave perenn an i vasta kolendar, kay kouram men mer. Hi feteder, te djah pale an o them Egiptia.”

4. Mose 14:4

Oun yek penas ap i vavareste: “Mer rodas yekes vin, te vell lo o pralstouno pral mende, oun mer djah pale an o them Egiptia.”

4. Mose 16:13

Hi kova touke gar doha, kay lal men dran ko them, kay hi boud thoud oun gvin, oun moukeh men te merell an o moulo tato them? Kameh tou ninna ray pral mende te vell?

4. Mose 20:4

Hoske anan t'mer o baro Debleskre menshen an kava moulo tato them, te meras mer kate mare firhentsa?

4. Mose 21:5

Oun yon čingran ap o Debleste oun ap o Moseste oun penan: “Hoske anal tou men dran o them Egiptia vin, te meras mer an o moulo tato them, kay hi kek maro oun kek pani? Oun menge vell djoungelo ko rhapastar, kay kek thulepen dren hi?”

Bičepangre 13:41

Yaake penas o Devel: T'mer, kay rikrenn o Debles dineleske, krenn bare yaka i daryatar oun merenn! Shounenn, me krau i baro koova an t'maro tsiro. Kova patsenn t'mer gar, te penell t'menge kova yek.”

1. Tessalonikarja 4:8

Koon kamell kol laba gar te shounell, kova čivell o Debles ap i rig, oun gar i menshes. Oun o Devel hi kova, kay das peskro Dourho an t'mende.

Josua 24:27

Oun o Yosua penas ap i tsele menshende: “Dikenn kava bar! Kava shounas hako lab, hoy o baro Devel mentsa rakras. Kava bar hi kate tardo, te dell lo t'men trad, te moukenn gar t'maro Debles.”

1. Samuel 10:19

T'mer vitsran kava dives t'maro Debles ap i rig, koles, kay las t'men vin dran t'mari daar oun t'maro pharo djipen. Ap koleste penan: Čip i baro rayes pral mende! Kanna mishto! Avenn glan o baro Debleste! Haki bari familya, hoy vell pal yekeste kol deesh-te-douy Yakobeskre čavendar vell tardo peske, oun mank lende ninna hako dadeskro kheer.”

1. Samuel 2:30

Doleske penell o baro Devel, kay o Israeleskro Devel hi: Čačepah, me penom, te venn i morsha dran tiro kheer oun dran tiro dadeskro kheer hako tsireske rashaya glan mande. Kanna penau, kova kamau bouder gar. Me krau kolen baro, kay man bares krenna. Oun kova, kay ap mande či della, ap koleste vell vitar či dino.