4. Mose 10:33 - O Debleskro Lab 2024 (Sinte-Manouche)

³³ Yaake moukan le o baro Debleskri berga pal pende oun djan triin divessa dour. Oun kolla, kay hidjran o sonakaskro morhton, kay o baro Debleskre deesh laba dren hi, djan glan lende oun sikran lende, kay ačenn le tardo.

O Debleskro Drom 2021 (Sinte)

³³ Jaake mukan le o baro Debleskri berga pal pende un djan triin diwessa dur. Un kolla, kai hidjran o sonakaskro mochton, kai o baro Debleskre deesh laba dren hi, djan glan lende un sikran lende, kai atchenn le tardo.

4. Mose 10:33 ပူးပေါင်းရင်းမြစ်များ

Debleskri gili 95:11

Doleske dom man sovel an miri rholi: “Yon te djan gar dren an miro them, kay nay vans le khere!”

2. Mose 19:3

Oun o Mose djas pre ap i berga pash o Debleste. Kote das o baro Devel ap leste gole: “Kava peness tou ap i Israelitarya, kol menshende, kay venna pal o Yakob:

2. Mose 3:1

O Moseskri romyakro dad his o Yetro, ko rashay an o them Midian. Koles his bakre oun bouzya. Oun o Mose das yak ap lende, oun anas len pral o tato moulo them, oun vas pash o Debleskri berga, hoy kharella Horeb.

Jesaja 11:10

Ap ko dives vell i morsh dran o Davideskro kheer, har i tikno rouk dran i draba i tele-dino roukestar, oun vell i sikepen i tsele menshenge ap i phoub. Menshe dran vavar themma poučenn pal leste. Oun leskro foro, kay yob djivell, vell pherdo raylepen.

Jesaja 28:12

Kova rakras yob, kay glan rah tsiro ap lende penas: “Kate hi o them, kay nay lenn nevi zoor. Moukenn kolen pen tele te čivell, kay yaake tele maredo van. Kate nay čivenn le pen tele.” Yon kaman gar te shounell.

Jesaja 66:1

O baro Devel penell: O bolepen hi miri rayli beshepaskri, oun i phoub i tikno banko, kay me mire herya pre čivau. Havo kheer kamenn t'mer mange pre te čivell, An havo kheer kamenn t'mer, te djivap?

Jeremia 3:16

Oun an ko tsiro, kay van t'mer boud menshe, oun djivenn an o tselo them, koy penell bouder kek t'mendar: Anenn o Debleskro morhton, te vell o baro Devel pash mende. Kekeske vell kova an o shero, kek poučell koy pal, oun t'menge hi yek, kay hi lo krik. Oun kek krell i nevo. Ko penell o baro Devel.

Jeremia 31:2

O baro Devel penell: Kol menshe, kay van gar maredo o rhareha, lenge sikrau lačepen an o moulo tato them; o Israel hi ap o drom khere.

Jeremia 6:16

O baro Devel penas lenge: Ačenn tardo ap ko drom, kay t'mer djan! Dikenn oun poučenn pal i phoure dromma! Hatsenn vin, havo drom anell t'menge lačepen! Oun djan kava drom! Palle vell shoukapen an t'mare djia. Yon penan: Kova kamah mer gar te krell.

Ezekiel 20:6

Me dau man sovel, te anap t'men vin dran o them Egiptia oun anau t'men an i them, koles me t'menge vin rodom. Kova hi i them, kay boudeder har doha thoud oun gvin hi. Kava them hi shoukeder har i tsele vavar themma.

4. Mose 10:12

Oun kol Israelitarya djan dran ko moulo tato them Sinay. Oun koy folka djas glan lende oun ačas tardo an ko moulo tato them Paran.

5. Mose 1:33

koles, kay o tselo drom glan t'mende djas, te sikrell lo t'mende i platsa, kay nay čivenn t'men tele, Yob sikras t'menge o drom rati an i yag, oun pral o dives an i folka.

5. Mose 31:26

“Lenn kava čačepaskro liil, oun čivenn les ap i rig pash o morhton, kay o baro Debleskre deesh laba dren hi, te sikrell lo len, hoy vella, te rikrenn le pen gar ap kol laba.

5. Mose 9:9

Me homs pre ap i berga, te lap lestar kol barra, an koleste yob i deesh laba činas, hoy hounte rikrenn, te venn leskre menshe. Kote ačom me 40 (star-deesh) divessa oun ratsya. Maro rhom me kek, oun pani piyom me vitar gar.

Hebrearja 13:20

O Devel kras i drom, te nay vah pash leste. Yob kras o Yezouses, maro rayes, i moulendar djido. Kova ratas peskro rat menge, te nay vah pash o Debleste, oun djivah hako tsiro leha khetne. O Yezous vas maro baro bakrengro. Kova dell yak ap mende, har i bakrengro dell yak ap peskre bakre.

Josua 4:7

Palle penenn t'mer lenge: O pani dran o Yordan ačas tardo glan o morhton, kay o baro Debleskre deesh laba dren his, har vas o morhton mank o pani ap i vavar rig hidjedo. Oun kal barra hi kate, te bistrenn i Israelitarya kova kek tsireske.”

Čačepangre 20:27

An ko tsiro his o Debleskro morhton, kay o Debleskre deesh laba dren his, koy tardo. Oun o Pinhas his o rashay, kay kote o Debleske boudras. Leskro dad his o Elazar. Kova his i čavo o Aronestar. Oun i Israelitarya poučan o baro Debles: “Djas mer gomme yek kopo pre, te kouras men mare phralentsa, i Benyaminentsa?” O baro Devel penas: “Djan pre! Taysar dau len an t'mare vasta!”

1. Samuel 4:3

Oun har i lourde pale ap pengri platsa van, poučan i phoureder dran Israel: “Hoske kras o baro Devel, te dan men i Filistarya kava dives? Mer te las o morhton dran Shilo pash mende, kay o Debleskre deesh laba dren hi. Palle hi o baro Devel mashkral mende, oun lell men vin dran i vasta kolendar, kay kourenn pen mentsa.”