4. Mose 10:10 - O Debleskro Lab 2024 (Sinte-Manouche)

¹⁰ Phourdenn ninna an i phourdepangre ap kol bare divessa, kay han t'mer barhtelo, oun ap ko dives, kay vell i nevo čon, oun kay t'mer o baro Debleske firhen anenn, save, hoy t'mer leske tseles rhačrenna oun save, hoy rhan t'mer glan leste khetne. Palle venn t'mer mange, t'maro Debleske, an o shero. Me hom t'maro baro Devel.

O Debleskro Drom 2021 (Sinte)

¹⁰ Phurdenn ninna an i phurdepangre ap kol bare diwessa, kai han tumer bachtelo, un ap ko diwes, kai well i newo tchon, un kai tumer o baro Debleske viechen anenn, sawe, hoi tumer leske tseles chatchrenna un sawe, hoi chan tumer glan leste khetne. Palle wenn tumer mange, tumaro Debleske, an o shero. Me hom tumaro baro Dewel.

4. Mose 10:10 ပူးပေါင်းရင်းမြစ်များ

2. Rajengro liil 4:23

Koy penas yob: “Hoske kameh tou pash leste te djal? Kay dives hi kek nevo-čon, vitar kek Debleskro dives.” Koy penas yoy: “Mouk lauter yaake!”

1. Familjakro liil 15:24

Glan o morhton djan i rashaya: o Aba, o Shebanya, o Yosafat, o Netanel, o Amasay, o Zakarie, o Benaya, oun o Eliyeser. Yon phourdan an bare phourdepangre. Oun o Obed-Edom oun o Yehiya djan pal o morhton oun dan yak ap leste.

1. Familjakro liil 15:28

Yaake anan i tsele Israelitarya o morhton o baro Debleskre deesh labentsa pral an Yerusalem. Yon dan gole i barhtyatar, givan oun bashran ap phourdepangre, doryengre bashepangre oun vavar bashepangre.

1. Familjakro liil 16:42

Yon sharan o Debles pengro bashepah, oun bashran ap i phourdepangre oun doryengre bashepangre oun vavar bashepangre. I čaven o morshestar Yedoutoun das o David koy boudi, te denn le garda ap i voudya.

2. Familjakro liil 29:26

Oun i Levitarya his koy tardo. Oun kol bashepangre, hoy o David kras, his an lengre vasta. Oun i rashaya his koy tardo, oun len his phourdepangre an o vast.

2. Familjakro liil 29:28

Oun i tsele menshe mangan o baro Debles an, i gipangre givan oun i bashepangre bashran. Oun kova djas yaake rah, bis ko tselo mass rhačedo his.

2. Familjakro liil 7:6

Oun i rashaya kran pengri boudi. Oun i Levitarya his pashel tardo oun bashran ap pengre doryengre bashepangre, hoy kerdo his o baro Debleske. Kal bashepangre moukas o baro ray, o David glan i tsiro te krell, te sharenn le o baro Debles. Yon bashran oun givan koy Debleskri gili, hoy o David kras: “Leskro lačepen hi an hako tsiro menge koy.” Oun i rashaya his ap i vavar rig tardo, oun phourdan an i phourdepangre. Oun i tsele Israelitarya his koy tardo.

Esra 3:10

Oun har čivan i boudepangre i telstoune barra pre o baro Debleskro khereske, his i rashaya koy tardo an pengre rashayengre ripya oun phourdan an pengre phourdepangre. Oun i Levitarya, kolengro phouro dad o Asaf his, kolen his pengre bashepangre, hoy kharenn cimbale, ninna pashel, te nay sharenn le o baro Debles, yaake har o David, ko baro ray pral Israel kova penas.

Nehemia 12:35

Pal lende vas o Zakarie, koleskro dad o Yonatan his, koleskro dad o Shemaya his, koleskro dad o Mattanya his, koleskro dad o Mikaya his, koleskro dad o Zakour his, koleskro dad o Asaf his;

Debleskri gili 150:3

Sharenn les o bashepah ap i bare phourdepangre! Sharenn les o bashepah ap i doryengre bashepangre!

Debleskri gili 81:3

Givenn leske Debleskre gilya! Denn ap i pauka! Bashrenn ap i doryengre bashepangre!

Debleskri gili 81:4

Phourdenn an i phourdepaskri ap ko dives, kay vell o čon pale diklo, ninna ap ko dives, kay vell o tselo čon diklo. Kova hi o baro dives, kay vah barhteles khetne.

Debleskri gili 89:15

O čačepen pral i menshende rakreh, oun čačepaskre laba lenge peneh. Doleske ačeh tou o baro ray. An lauter, hoy kreh, dikah tiro lačepen, oun har pash mende rikreh.

2. Mose 28:29

Yaake hidjrell o Aron i laba kol deesh-te-douy Israeleskre čavendar ap peskro dji hako kopo, kay djal lo an o Debleskro kheer. Oun me bistrau len gar, te vap lenge lačo hako tsiro.

2. Mose 30:16

Oun tou less kol love, hoy i Israelitarya tout denna, oun dess len kolende, kay ap o Debleskro plarhteno kheer boudrenna. Yaake bistrau i Israelitarya gar oun dikau lačes ap lende, te ačenn le djido.

Jesaja 27:13

Oun ap ko dives vell an i bari phourdepaskri phourdedo. Oun i Israelitarya, kay his nashedo an o them Assour, oun kay his vin tradedo an o them Egiptia, kolla lauter venna oun mangenn o baro Debles an ap o Debleskri berga an o foro Yerusalem.

3. Mose 23:24

Pen ap i Israelitarya: Ko ersto dives an o eftato čon hounte vell t'men savo dives, kay boudrenn gar. Ap ko dives phourdenn an i phourdepangre, oun avenn khetne glan o baro Debleste.

4. Mose 10:9

Te perenn vavar menshe an t'maro them dren oun kamenn ray pral t'mende te vell, oun t'mer djan an o kourepen, te kourenn t'men lentsa, palle hounte phourdenn zoreles an i phourdepangre, te venn t'mer t'maro baro Debleske an o shero. Oun yob lell t'men vin dran lengre vasta.

4. Mose 28:11

Ap o ersto dives an hako čon hounte rhačrenn t'mer o baro Debleske douy terne morsh groumya, yek morsh bakro oun efta yek-bershengre bakre, kay gar nasselo hi.

4. Mose 29:1

Oun ap o ersto dives an o eftato čon hounte venn khetne glan o baro Debleste. Kek boudi hounte krenn ap ko dives. Kava hounte vell t'menge i dives, kay phourdenn i phourdepaskri.

Mateo 11:28

T'mer marenna t'men tele, te krenn kova, hoy t'mare phoure ap t'mende penan. Avenn pash mande! Me lau ko pharo koova t'mendar, te lenn t'mer pale nevi zoor.

Bičepangre 10:4

Koles his daar, har yob dikas les, oun penas ap leste: “Hoy kameh tou mandar, ray?” Oun kova penas ap leste: “O Devel shounas, har tou les an-mangal. Oun yob dikas ko lačepen, hoy tou kral i čorvelenge. Oun yob bistras kova gar.

1. Korintarja 15:52

Kova vell ap yek kopo, yaake sik, har kek nay dikella. Ap ko tsiro shounah mer i bashepaskri, kay yek dren phourdell. Te shounah mer koy bashepaskri, stenn i moule pre, oun venn djido. Oun mer, kay gomme djivah, vah vin lino dran kova, hoy mer kanna ham, oun vavarčandes kerdo.

1. Tessalonikarja 4:16

Ap ko dives, kay vell maro ray Yezous tele dran o bolepen, shounah, har yek gole della. O Debleskro pralstouno bolepaskro dell bari gole, oun yek phourdell an o Debleskri bashepaskri. Palle stenn kol moule pre, kay patsan ap o Yezous Kristeste.

1. Tessalonikarja 4:18

Te dell yek o vavareste zoor kal labentsa!

Josua 4:7

Palle penenn t'mer lenge: O pani dran o Yordan ačas tardo glan o morhton, kay o baro Debleskre deesh laba dren his, har vas o morhton mank o pani ap i vavar rig hidjedo. Oun kal barra hi kate, te bistrenn i Israelitarya kova kek tsireske.”

Josua 6:4

Oun efta rashaya hounte hidjrenn efta phourdepangre oun djan glan o morhton, kay o Debleskre deesh laba dren hi. Ap o eftato dives djan t'mer efta kope troul o foro trouyel. Oun i rashaya phourdenn koy pashel an pengre phourdepangre.

Debleskro tsiro 22:17

O Debleskro Dourho oun o terno bakreskri pirni penenna: “Ab!” Oun koon kova shounell, penella: “Ab!” Oun kones troush hi, kova vella! Koon kamell, kova lell čičeske o pani, hoy o djipen dell.

1. Samuel 20:5

Oun o David penas ap o Yonatan: “Tou djineh, taysar hi o dives, kay vell pale o nevo čon diklo. Koy hounte voms pash o baro rayeste ap leskri rhapaskri beshdo. Mouk man, man kate vin te khatrell bis rati ap o triinto dives!