3. Mose 9:2 - O Debleskro Lab 2024 (Sinte-Manouche)

² oun penas ap o Aron: “Le touke i terno gouroum oun i morsh bakro, ko gouroum, te vell lo maredo, te vell i doosh krik lino, oun ko bakro, te vell lo maredo, oun leskro tselo mass o baro Debleske rhačedo. Kal douy hounte venn sasto. Kolla an glan o baro Debleste:

O Debleskro Drom 2021 (Sinte)

² un penas ap o Aron: “Le tuke i terno gurum un i mursh bakro, ko gurum, te well lo maredo, te well i doosh krik lino, un ko bakro, te well lo maredo, un leskro tselo mass o baro Debleske chatchedo. Kal dui hunte wenn sasto. Kolla an glan o baro Debleste:

3. Mose 9:2 ပူးပေါင်းရင်းမြစ်များ

2. Mose 29:1

Oun kova kre, te vell o Aron oun leskre čave rashaya mange. Le i terno gouroum oun douy morsh bakre, hoy sasto hi.

Ezekiel 29:1

An o deshto bersh an o deshto čon ap o 12. (deesh-te-douyto) dives an ko čon penas o baro Devel ap mande:

3. Mose 1:10

Te kamell yek i bakro oder i bouzni o baro Debleske te anell, te vell ko firho tseles leske rhačedo, palle anell lo i morshkano firho, hoy gar nasselo hi.

3. Mose 1:3

Te kamell lo leske i groumni te anell, te vell li leske tseles rhačedo, palle hounte lell lo i morshkani groumni, hoy gar nasselo hi. Oun yob anell lat glan o voudar o Debleskro plarhteno kherestar, te dikell o baro Devel lačes ap leste.

3. Mose 16:3

Te djal lo koy dren, hounte anas lo glan kova i terno gouroum, hoy vell maredo, te vell i doosh oun o pale-čiddo koova krik lino, ninna hounte anas lo i bakro, koleskro tselo mass rhačedo vell o Debleske.

3. Mose 16:5

I Israelitarya anenn leske douy morsh bouzya oun yek bakro. I bouzya venn maredo, te vell i doosh oun o pale-čiddo koova krik lino. Oun o bakro vell maredo, te vell leskro tselo mass rhačedo o Debleske.

3. Mose 4:3

Te hi kova o pralstouno rashay, kay rikras pes gar ap o Debleskro lab, oun anas yaake doosh ap i tsele Israelitaryen, palle lell lo i terno gouroum, hoy gar nasselo hi, oun anell les o baro Debleske, te vell leskri doosh, hoy lo ap peste anas, krik lino.

3. Mose 8:14

Yob moukas o terno gouroum te anell, hoy i doshake maredo vell. O Aron oun leskre čave čivan pengre vasta ap o shero ko terno firhestar.

3. Mose 8:18

Palle las lo ko yek bakro, koleskro tselo mass rhačedo vell o baro Debleske. Oun o Aron oun leskre čave čivan pengre vasta ap o firheskro shero.

3. Mose 9:3

Oun rake i Israelentsa oun pen lenge: Anenn yek morsh bouzni, hoy vell maredo, te vell i doosh krik lino, ninna i terno gouroum oun i terno bakro, hoy yek bersh phouro hi, te vell lengro mass tseles rhačedo o Debleske. Kol douy hounte venn sasto.

2. Korintarja 5:21

O Devel čivas mari tseli doosh ap maro rayeste, o Yezous Kristeste, kay yob kek čilačepen kras, te vas mer čačo oun erligo glan o Debleskre yaka.

Hebrearja 5:3

Doleske hounte marell lo ninna peske i firhes, oun anell les glan o Debleste, te vell leskri doosh krik lino, yaake har yob i vavar menshenge firhen marella, oun glan o Debleste anella.

Hebrearja 7:27

Yob hi gar har kol vavar bare rashaya, oun hounte anell gar hako dives i maredo firhes o Debleske, te vell peskri doosh krik lino. Ninna hounte anell lo gar i vavar menshenge marede firhen o Debleske, te vell lengri doosh krik lino. Na-a, yob kokres das peskro djipen an o merepen yek kopo hako tsireske.