3. Mose 7:31 - O Debleskro Lab 2024 (Sinte-Manouche)

³¹ O rashay moukell o thulepen te rhačrell ap i rhačepaskri. I beč hi o Aroneske oun leskre morsh čavenge.

O Debleskro Drom 2021 (Sinte)

³¹ O rashai mukell o thulepen te chatchrell ap i chatchepaskri. I betch hi o Aroneske un leskre mursh tchawenge.

3. Mose 7:31 ပူးပေါင်းရင်းမြစ်များ

2. Mose 29:26

Le o beč kava douyto bakrestar, oun hade les pre glan o baro Debleste, te sikress, kay kova leske hi. Palle nay rhah tou les.

3. Mose 3:11

Oun o rashay rhačrell kova lauter ap o Debleskri rhačepaskri. Kolla hi kol kotya o firhestar, hoy o baro Debleske hi.

3. Mose 3:16

Oun o rashay rhačrell kova lauter ap o Debleskri rhačepaskri. Kolla hi kol kotya o firhestar, hoy o baro Debleske hi. Oun o soungepen, hoy vell vin, soungell leske mishto. O tselo thulepen hi o baro Debleske.

3. Mose 3:5

Oun i rashaya dran o kheer Aron rhačrenn kova lauter ap o Debleskri rhačepaskri, ap ko kasht, hoy pral i yag hi. Yon rhačrenn kova khetne ko vavar firheha, hoy vell o Debleske tseles rhačedo. Oun o soungepen, hoy vell vin, soungell mishto o baro Debleske.

3. Mose 5:13

Yaake krell o rashay, te vell i doosh kolestar krik lino, hoy doosh ap peste anas an hako koova, kolestar kate penlo vell. Oun lauter vell pale mishto mank ko mensheste oun o baro Debleste. Oun o baro Devel bistrell leskri doosh. O yarro, hoy pral ačell, hi o rashayeske, yaake har pash o vavar rhapen dran djob, hoy o Debleske dino vas.

3. Mose 6:16

Hako kopo, kay anell i rashay peske i rhapen dran djob o baro Debleske, hounte vell ko tselo rhapen rhačedo. Kek rhal les.

3. Mose 7:34

O baro Devel penell i Israelenge, kay anenn leske i firhes, te rhan le les khetne glan leste, te denn le o beč oun i čači heri o rashayeste, o Aroneste, oun leskre morsh čavende. Kal kotya mass hi i rashayenge dran o kheer Aron hako tsireske foun ko dives, kay van le dren čiddo an pengri rashayengri boudi. Oun i Israelitarya hounte denn len i rashayende. Kava lab ačell yaake hako tsireske, hoy vella.

3. Mose 8:29

O Mose las o beč ko douyto bakrestar, oun hadas les pre glan o baro Debleste, te sikrell lo, kay kova leske hi. Kava beč his ko kotar, hoy nay las o Mose peske, te rhal lo les. Yaake penas kova o baro Devel.

4. Mose 18:11

Ninna ko vavar koova, hoy i Israelitarya mange anenn, dau me toute oun tire čavende oun čende, hako tsireske. Koon gar pale-čiddo hi an tiro kheer nay rhal kolestar.

4. Mose 18:18

Lengro mass hi touke, yaake har ko beč oun koy čači heri, te rhan t'mer kova khetne glan mande.

1. Korintarja 9:13

Djinenn t'mer gar, kay kolla, kay an o Debleskro baro kheer boudrenna, kote lenna, hoy len hounte vell djipaske? Oun kolla, kay anenn marede firhen glan o Debleste, kolla nay rhan ninna i kotar kolestar, hoy o Debleste dino vella.

5. Mose 18:3

Kava hi, hoy i rashayen hounte vell: Te anell yek i groumni, oder i bakro o baro Debleske, hounte dell lo kolestar o phik, kol douy čamya oun i bouke o rashayeske.