3. Mose 6:6 - O Debleskro Lab 2024 (Sinte-Manouche)

⁶ Koy yag ap i rhačepaskri hounte rhačell hako tsiro, oun hounte djal gar vin.

O Debleskro Drom 2021 (Sinte)

⁶ Koi jag ap i chatchepaskri hunte chatchell hako tsiro, un hunte djal gar win.

3. Mose 6:6 ပူးပေါင်းရင်းမြစ်များ

Esra 10:19

Oun yon dan pengro vast pre, kay bičrenn le pengre romyen pendar krik, oun kay kamenn le o Debleske i morsheskro bakro te dell, te vell lengri doosh krik lino.

Nehemia 10:35

Mer anah hako bersh o kasht rhačepaske an maro Debleskro kheer, te nay vell les rhačedo ap i rhačepaskri maro baro Deblestar, yaake har činlo hi an o Moseskro liil. Mer, i rashaya, i Levitarya oun i vavar Israelitarya, vitsrah tikne barra, te sikrenn le, koon mare familyendar an havo tsiro kava kasht anell.

Ezekiel 40:46

Oun koy isema, kolakri glanstouni rig kote sikrell, kay norden hi, hi kol rashayenge, kolla pengri boudi ap i rhačepaskri krenn. Kolla hi kol morsha, kolengro dad o Zadok his. I tsele morshendar, kay venn dran o kheer Levi, hi yon kokres kolla, kay nay venn glan o baro Debleste, te boudrenn le leske.

3. Mose 14:12

O rashay lell ko yek terno bakro oun ko yek-paash litari djet, oun hadell kova pre glan o baro Debleste, te vell ko mensho pale erligo kerdo glan o Debleste.

3. Mose 5:15

Te dals yek gar o baro Debleste, hoy hounte dals lo leste, rhorhras lo o baro Debles, ninna te djinas lo kova gar. Yob hounte anell o Debleske i bakro, hoy sasto hi, te vell leskri doosh pale mishto. Kava bakro hounte vell yaake boud roupene beme moldo, har tou peneh. Yek roupeni bema hi yaake pharo har i roupeni bema an o Debleskro kheer hi.

3. Mose 5:18

Yob hounte anell o rashayeske i bakro, hoy sasto hi, te vell leskri doosh pale mishto. Kava bakro hounte vell yaake boud moldo, har tou peneh. Koleha krell o rashay, te vell lauter pale mishto mank o Debleste oun ko mensheste, kay gar djinas, kay kova, hoy lo kras, i doosh his. Oun o baro Devel bistrell leskri doosh.

3. Mose 5:7

Te hi ko morsh čorvelo oun nay anell kek bakri vitar kek bouzni, nay anell lo douy taube. Kolla nay hi douy divye taube oder douy vavar taube, yek, te vell i doosh krik lino, oun yek, hoy o baro Debleske tseles rhačedo vell.