3. Mose 3:13 - O Debleskro Lab 2024 (Sinte-Manouche)

¹³ palle čivell yob peskro vast ap lakro shero oun marell lat glan o Debleskro plarhteno kheer. Oun i rashaya lenn o rat oun čorenn les troul o Debleskri rhačepaskri ap leskre star rigya.

O Debleskro Drom 2021 (Sinte)

¹³ palle tchiwell job peskro wast ap lakro shero un marell lat glan o Debleskro plachteno kheer. Un i rashaja lenn o rat un tchorenn les trul o Debleskri chatchepaskri ap leskre star rigja.

3. Mose 3:13 ပူးပေါင်းရင်းမြစ်များ

Jesaja 52:15

Oun kanna dikenn boud menshe dran vavar themma bare yakentsa ap leste, oun lengre rayenge ačell o rakepen krik. Kova, hoy lenge gar dren ginlo vas, dikenn le kanna. Oun kolestar yon či shounan, kova dikenn le oun hayvenn les.

Jesaja 53:6

Mer halauter hams har bakre, kay nashan pen. Hakeno djas ap peskro drom. O baro Devel moukas ap leste mari tseli doosh te perell.

3. Mose 1:4

Oun o morsh čivell peskro vast ap o shero ko firhestar, te dikell o Devel lačes ap leste oun lell leskri doosh, hoy lo ap peste las, krik.

3. Mose 3:12

Te kamell lo i bouzni te anell glan o baro Debleste,

3. Mose 3:14

I feteder kotya o firhestar venn rhačedo o baro Debleske. Kal kotya hi: o thulepen, hoy ap oun pral i bouke hi,

3. Mose 3:8

palle čivell yob peskro vast ap leskro shero oun marell les glan o Debleskro plarhteno kheer. Oun i rashaya lenn o rat oun čorenn les troul o Debleskri rhačepaskri vin.

2. Korintarja 5:21

O Devel čivas mari tseli doosh ap maro rayeste, o Yezous Kristeste, kay yob kek čilačepen kras, te vas mer čačo oun erligo glan o Debleskre yaka.

Hebrearja 12:24

Kote hi ninna o Yezous, maro rakepaskro, kay kras menge o nevo drom, te djivas khetne o Debleha. Yob meras menge, oun leskro rat las mari doosh mendar. O Yezouseskro rat hi feteder har o Abeleskro rat. Har o Abel maredo vas, das leskro rat gole pal i phagi pral o Kayn. O Yezouseskro rat lell mari doosh mendar.

1. Petro 1:2

O Devel, maro dad an o bolepen, rodas t'men vin, oun das t'men peskro Dourho, te venn t'mer o Debleskre čave, oun krenn, hoy o Yezous Kristo t'mendar kamella. Oun yob thovas t'mari doosh peskro rateha t'mendar tele. Mou vell t'men boud lačepen oun barht an o dji!

1. Petro 2:24

O čilačepen, hoy mer kram, las o Yezous Kristo ap peste, oun hidjras les ap o troushel. Har yob menge meras, hi kova yaake, har te meram mer leha. Kanna hi o čilačepen an mende moulo. Oun mer djivah nay i lačo oun čačo djipen. Kol douka, hoy o Yezous ap peste las, kran maro djipen sasto.

1. Petro 3:18

Ninna o Yezous Kristo las yek kopo douka ap peste, har yob ap o troushel meras, oun mari doosh ap peste las. Yob his i lačo, oun meras i čilačenge. Kova kras lo, te anell lo len pash o Debleste. I menshe maran les. O Debleskro Dourho kras les djido.