3. Mose 27:30 - O Debleskro Lab 2024 (Sinte-Manouche)

³⁰ O deshto kotar halauterestar, hoy baro vas ap i harhetikri phoub oun ap i rouka, hi o baro Debleske, oun hounte vell leske anlo.

O Debleskro Drom 2021 (Sinte)

³⁰ O deshto kotar halauterestar, hoi baro was ap i hachetikri phub un ap i ruka, hi o baro Debleske, un hunte well leske anlo.

3. Mose 27:30 ပူးပေါင်းရင်းမြစ်များ

1. Mose 14:20

Oun sharedo vell o Devel pral halauter, kay das kolen an tire vasta, kay touha kouran pen.” Oun o Abram das les o deshto kotar halauterestar, hoy yob pale anas.

1. Mose 28:22

Oun kava bar, hoy čivom pre, kova mou vell i Debleskro kheer. Oun halauterestar, hoy tou man deh, dau me tout o deshto kotar pale.”

1. Mose 47:24

Oun te hi t'men nevo djob, denn o pančto kotar o baro rayeste! Kol vavar star kotya mou ačenn t'menge, yaake te hi t'men doha, kay nay vitsrenn an i phoub. Ninna hi t'men rhapaske t'menge oun t'mare čavenge, oun kolenge, kay djivenn an t'mare khera.”

1. Mose 47:26

Yaake rakras o Yosef i lab, hoy hounte rikrenn le: I tsele menshen an o them Egiptia hounte denn o pančto kotar o baro rayeste. O rashayengro them las o baro ray gar. Yaake hi kova gomme kava dives.

2. Familjakro liil 31:12

Kote čivan le kova lauter kotar fer kotar dren: o rhapen, hoy dan le har glan-činlo hi, oun kova, hoy o deshto kotar kolestar hi, hoy yon dren anan, oun kova hoy dan le pendar o baro Debleske. Oun o pralstouno koy pral his ko Levitari, o Konanya. Oun o douyto his leskro phraal o Shimi.

Nehemia 12:44

An ko tsiro van morsha vin rodedo, kay yak hounte dan ap kol khera, kay o rhapen dren anlo vas, hoy i Israelitarya yaake hounte dan, har an o Moseskro liil činlo his: nevo djob oun neve roukengre, oun o deshto kotar lauterestar, hoy le ap pengri phoub troul i forya dren anan. Kova lauter his i rashayenge oun i Levitarenge. Oun kol menshe an Youda his barhtelo pral pengre rashaya oun Levitarya,

Nehemia 13:12

Oun i tsele menshe dran Youda anan pale o deshto kotar pengro djobestar oun djetestar oun pengri molyatar an kol rhapangre khera.

Nehemia 13:5

Koles das lo ko baro kheer, kay glan kova o djob čiddo his, hoy o Debleske rhačedo vas, ninna o soungepaskro koova oun kol tsele koola, hoy i boudjake koy his, oun ninna o djob oun i mool, oun o djet, hoy o deshto kotar kolestar his, hoy ap i Israelengri phoub bares vas. Kova lauter his i Levitarenge oun i gipangrenge oun kolenge, kay ap o foreskre voudya yak dan oun ninna i rashayenge.

3. Mose 27:29

Te hi kova i mensho, nay vell lo gar vin ginlo. Yob hounte vell maredo.

3. Mose 27:31

Te kamell yek kova te rikrell, hounte playsrell lo les, oun dell o pančto kotar pashel.

Mateo 23:23

T'mer čačepangre oun Farisarya! Kova, hoy t'mer krenna, ko hi gar mishto! T'maro patsepen hi rhorhepen. T'mer denna o Debleste o deshto kotar dran hako zenlepen an t'mari baar. Oun t'mer bistrenn ko bareder koova, hoy o Devel t'mendar kamella: O čačepen, oun o kamlepen, oun o patsepen. Kava hounte krenn, oun ko vavar gar moukenn!

Louka 11:42

T'mer Farisarya, hoy t'mer krenna, ko hi gar mishto. T'mer denna o Debleske o deshto kotar t'maro tselo zenlepastar, hoy an t'mari baar hi, oun t'mer bistrenn o čačepen oun o Debleskro kamlepen. Kava hounte krenn, oun ko vavar moukenn gar!

Louka 18:12

Douy divessa an o kourko rhau me či, te mangap tout an. Oun me dau tout o deshto kotar halauterestar, hoy dren lau.

5. Mose 18:8

Palle lell yob ninna yaake boud rhapen har kol vavar ninna lenn. Oun kova, hoy lo peskro dadestar las, hi les gomme pral pre.

5. Mose 26:12

Hako triinto bersh aness tou o deshto kotar khetne halauterestar, hoy ap tiri phoub bares vas. Oun tou dess les i Levitaryen oun i vi-themaryen oun kol čaven, kolen kek dad bouder hi, oun kol romyen, kolengro rom meras, te vell yon ninna doha rhapaske an tiro foro.