3. Mose 27:27 - O Debleskro Lab 2024 (Sinte-Manouche)

²⁷ Te hi ko firho kol firhendar, kay pale-čiddo hi, palle ginell les peskro ray pale, pal kova hoy o rashay penell, te hi ko firho moldo. Oun yob dell o pančto kotar gomme pashel. Te vell ko firho gar vin ginlo, palle vell lo kol lovenge, hoy o rashay penas, bikedo.

O Debleskro Drom 2021 (Sinte)

²⁷ Te hi ko viecho kol viechendar, kai pale-tchiddo hi, palle ginell les peskro rai pale, pal kowa hoi o rashai penell, te hi ko viecho moldo. Un job dell o pantchto kotar gomme pashel. Te well ko viecho gar win ginlo, palle well lo kol lowenge, hoi o rashai penas, bikedo.

3. Mose 27:27 ပူးပေါင်းရင်းမြစ်များ

3. Mose 27:11

Te das yek pes sovel, te dell lo o baro Debleske i firhes, hoy pale-čiddo hi, hoy nay vell gar maredo oun leske rhačedo, palle anell lo ko firhes glan o rashayeste.

3. Mose 27:13

Te kamell yek ko firhes palpale te ginell, palle dell lo ko pančto kolestar pashel, hoy o rashay penas.

3. Mose 27:15

Te kamell kova, koleske ko kheer his, peskro kheer pale vin te ginell, palle dell lo pash kova hoy o rashay penas, o pančto kotar pashel. Palle vell ko kheer pale leskro.

3. Mose 27:26

I firho, hoy o phoureder leskri datar hi, kova hi o baro Debleske. Te hi savo firho i gouroum, i bakro, i morsh bouzni, nay lell les kek mensho, te dell lo les o baro Debleske. Leskro hi lo.

3. Mose 27:28

Halauter, hoy das yek kolestar, hoy leskro hi, te vell kova hako tsireske o baro Debleske, nay vell gar bikedo, vitar gar pale ginlo – nay vell i mensho, i firho oder i kotar phoub. Kova hoy o baro Debleske hako tsireske dino vas, čačepah, kova ačell leske.

3. Mose 27:31

Te kamell yek kova te rikrell, hounte playsrell lo les, oun dell o pančto kotar pashel.

3. Mose 5:16

Oun ninna hounte anell lo ko koova, hoy anas lo gar o baro Debleske, oun o pančto kolestar gomme pashel. Oun kova lauter dell lo o rashayeste an o vast. Oun o rashay marell ko bakro oun rhačrell leskro thulepen, te vell lauter pale mishto mank o Debleste oun o mensheste. Oun o baro Devel bistrell koy doosh.