3. Mose 25:9 - O Debleskro Lab 2024 (Sinte-Manouche)

⁹ moukenn an o 50. (paash-sheelto) bersh, an o eftato čon, ap o deshto dives an i phourdepaskri te phourdell an o tselo them. Kova hi o dives, kay halauter krik lino vell, hoy mank t'mende oun o baro Debleste tardo hi.

O Debleskro Drom 2021 (Sinte)

⁹ mukenn an o 50. (paash-sheelto) bersh, an o eftato tchon, ap o deshto diwes an i phurdepaskri te phurdell an o tselo them. Kowa hi o diwes, kai halauter krik lino well, hoi mank tumende un o baro Debleste tardo hi.

3. Mose 25:9 ပူးပေါင်းရင်းမြစ်များ

Debleskri gili 89:15

O čačepen pral i menshende rakreh, oun čačepaskre laba lenge peneh. Doleske ačeh tou o baro ray. An lauter, hoy kreh, dikah tiro lačepen, oun har pash mende rikreh.

Debleskri gili 89:16

Baro Devel, har barhtelo hi kol menshe, kay sharenn tout i gilyentsa, kay djivenn an tiro lačepen!

Jesaja 27:13

Oun ap ko dives vell an i bari phourdepaskri phourdedo. Oun i Israelitarya, kay his nashedo an o them Assour, oun kay his vin tradedo an o them Egiptia, kolla lauter venna oun mangenn o baro Debles an ap o Debleskri berga an o foro Yerusalem.

3. Mose 16:20

Te kras o Aron halauter, te vell i doosh oun o pale-čiddo koova krik lino dran o Debleskri kouč isema, dran o tselo Debleskro plarhteno kheer oun dran i rhačepaskri, palle anell lo koy djidi morsh bouzni kay,

3. Mose 16:29

Kava lauter hounte vell kerdo ap o deshto dives an o eftato čon. Oun yaake hounte krenn t'mer hako tsireske. Ma rhan ap ko dives! Ma krenn i boudi, t'mer gar oun vitar gar i vi-themarya, kay mank t'mende djivenn.

3. Mose 16:30

Ap kava dives vell t'mari tseli doosh oun ko tselo pale-čiddo koova, hoy ap t'mende hi, krik lino. Oun lauter vell pale mishto mank o baro Debleste oun t'mende.

3. Mose 23:24

Pen ap i Israelitarya: Ko ersto dives an o eftato čon hounte vell t'men savo dives, kay boudrenn gar. Ap ko dives phourdenn an i phourdepangre, oun avenn khetne glan o baro Debleste.

3. Mose 23:27

O deshto dives an kava eftato čon hi o dives, kay vell halauter krik lino, hoy mank t'mende oun o baro Debleste tardo hi. Ap ko dives rhan či oun avenn khetne glan leste oun anenn leske firhen oun rhapen, hoy venn leske rhačedo.

3. Mose 25:8

Ap ko tsiro, kay rikran efta kope ko Debleskro bersh dren, kova hi pal 49 (star-deesh-te-enya) bersha,

3. Mose 27:17

Te kamell lo ko kotar phoub o Debleske te dell an ko ersto bersh pal ko bersh, kay i tseli siyaan mouklo vas, ačell kova pash kol 50 roupene beme.

3. Mose 27:24

An ko bersh, kay i siyaan mouklo vell, djal ko kotar phoub palpale ap koleste, konestar yob les ginas, koleskri familyake koy phoub hi.

4. Mose 10:10

Phourdenn ninna an i phourdepangre ap kol bare divessa, kay han t'mer barhtelo, oun ap ko dives, kay vell i nevo čon, oun kay t'mer o baro Debleske firhen anenn, save, hoy t'mer leske tseles rhačrenna oun save, hoy rhan t'mer glan leste khetne. Palle venn t'mer mange, t'maro Debleske, an o shero. Me hom t'maro baro Devel.

4. Mose 36:4

Te vell kanna ko bersh, kay lell hakeno pale, hoy glan i tsiro leskro his, palle vell ko them kol čendar hako tsireske kol menshenge, kolendar lengre romma hi. Oun yaake vell ko them mare menshendar tikneder.”

Remarja 10:18

Kanna poučau t'mendar: Shounan i bibolde ko lab gar? Ava! Yon shounan kova lauter. Yaake hi činlo an o Debleskro lab: Ap i tseli phoub shounan le ko rakepen. An i tsele themma vas ko lab penlo.

Remarja 15:19

Oun yob sikras peskri zoor, har kras o Debleskro Dourho baro koova, hoy kek vavar nay krella. Yaake penom o lačo lab o Yezous Kristestar an o tselo them troul o foro Yerusalem bis an o them Illirikum.

1. Tessalonikarja 1:8

T'mendar djas o lačo lab o Yezousestar, maro rayestar, doureder, gar kokres an i themma Macedonia oun Akaya. Na-a, ninna an boud vavar themma shounan i menshe, har t'mer patsenn ap o Debleste. Yaake hounte penas mer lenge bouder či pral kova.

Josua 6:4

Oun efta rashaya hounte hidjrenn efta phourdepangre oun djan glan o morhton, kay o Debleskre deesh laba dren hi. Ap o eftato dives djan t'mer efta kope troul o foro trouyel. Oun i rashaya phourdenn koy pashel an pengre phourdepangre.