3. Mose 25:6 - O Debleskro Lab 2024 (Sinte-Manouche)

⁶ Hakeno t'mendar nay lell khetne, hoy lo hatsell ap o them: t'mer oun t'mare boudepangre, morsha har djouvya, ninna kolla, kay boudrenn hako kopo yek dives pash t'mende, oun kolla, kay yek tsiro pash t'mende djivenn.

O Debleskro Drom 2021 (Sinte)

⁶ Hakeno tumendar nai lell khetne, hoi lo hatsell ap o them: tumer un tumare budepangre, mursha har djuwja, ninna kolla, kai budrenn hako kopo jek diwes pash tumende, un kolla, kai jek tsiro pash tumende djiwenn.

3. Mose 25:6 ပူးပေါင်းရင်းမြစ်များ

2. Rajengro liil 19:29

Oun touke, Hiskiya, mou vell kova i sikepen: An kava bersh rhan t'mer, hoy pestar kokres bares vella, ninna an o vavar bersh. Oun an o triinto bersh nay čivenn pale djob an i phoub oun anenn djob dren, oun čivenn drakengre rouka an i phoub oun rhan t'menge i drake, hoy ap lende bares venna.

2. Mose 23:11

An o eftato bersh ma vitse tiri djob ap tiri phoub vin! Oun ko djob, hoy an ko bersh pre djal oun bares vell, kova mouk i čorvelenge tardo! Oun kova, hoy i čorvele pral moukenn, kova mouk i divye firhenge tardo! An ko eftato bersh mouk ninna i molengre drake oun i olivtikre drake ap i rouka i čorvelenge. Oun kova, hoy yon pral moukenn, vell i divye firhenge.

3. Mose 25:20

Te poučenn: “Hoy rhas an ko eftato bersh? Te vitsrah či ap i phoub vin, nay anah ninna či dren.”

3. Mose 25:21

Palle penau me: Me čivau miri barht ap t'mari phoub an o shobto bersh, te anell i phoub yaake boud djob vin, te rikrell kova triin bersha.

3. Mose 25:5

Kova, hoy pre djal ap tiro kotar phoub, aness gar dren. I drake hoy venn, kay tou kol rouka gar činal, činess gar tele. Koy phoub hounte lell pale nevi zoor.

3. Mose 25:7

Ninna t'mare firhe oun kol divye firhe, kay an o them djivenn, kolla nay rhan kolestar, hoy an ko bersh pestar bares vas.

Bičepangre 2:44

Kolla, kay patslo van, ačan lauter khetne. Oun yon čivan pengro tselo bravlepen khetne, oun kova his lauterenge koy.

Bičepangre 4:32

Kol tsele patslen his yek dji oun yek djipen. Kek lendar penas: Ko bravlepen, hoy man hi, hi mange kokres. Na-a, kova his lauterenge koy!