3. Mose 25:41 - O Debleskro Lab 2024 (Sinte-Manouche)

⁴¹ Palle moukess les tou pale djal, ninna leskre čave leha, te nay djan le pale pash lengre menshende oun pash lengro kotar phoub, hoy yon lengre phourendar lan.

O Debleskro Drom 2021 (Sinte)

⁴¹ Palle mukess les tu pale djal, ninna leskre tchawe leha, te nai djan le pale pash lengre menshende un pash lengro kotar phub, hoi jon lengre phurendar lan.

3. Mose 25:41 ပူးပေါင်းရင်းမြစ်များ

2. Mose 21:3

Te vas lo kokres pash toute, djal lo ninna kokres. Te his lo romedino, lell lo ninna peskri romyat pale peha.

3. Mose 25:10

O 50. (paash-sheelto) bersh hi o baro Debleske. An kava bersh denn vin gole, te vell hakeneske, kay an ko them djivell, peskri siyaan mouklo. Oun te his leskri siyaan yaake baro, te bikras pes lo ap i vavareske, hounte moukell kova les pale te djal. Hakeno t'mendar lell kova pale, hoy leskro his, oun nay djal khere pash peskre menshende.

3. Mose 25:28

Te anell leskro vast kova gar khetne, hoy yob hounte pale playsrell, palle ačell ko kotar phoub an o vast kolestar, kay les ginas. An ko bersh, kay i tseli siyaan mouklo vell, lell les kova pale, koleske ko kotar phoub his.

3. Mose 25:40

Yob te vell touke har yek, kay boudrell pash toute oun vell haki rat playsedo. Har yek, kay yek tsiro pash toute djivell oun boudrell, ačell lo pash toute, bis te vell ko bersh, kay i tseli siyaan mouklo vell.

3. Mose 25:42

I tsele Israelitarya hi mire boudepangre, kolen me dran o them Egiptia vin anom. Yon nay venn gar bikedo, te venn le ginle boudepangre.

Johanni 8:32

Oun t'mer prindjrenna o čačepen. Oun o čačepen krella, te han bouder gar pandlo.”

Remarja 6:14

T'mer hounte rikrenn t'men bouder gar ap o Moseskre laba. O Devel kras t'men čačo glan leste dran peskro lačepen. Doleske nay vell o čilačepen bouder gar o ray pral t'mende.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.