3. Mose 25:36 - O Debleskro Lab 2024 (Sinte-Manouche)

³⁶ Te patseh leske love, pouč gar boudeder love pale. Rike touke o baro Debles glan i yaka, oun kre, te nay djivell tiro phraal pash t'mende!

O Debleskro Drom 2021 (Sinte)

³⁶ Te patseh leske lowe, putch gar budeder lowe pale. Rike tuke o baro Debles glan i jaka, un kre, te nai djiwell tiro phraal pash tumende!

3. Mose 25:36 ပူးပေါင်းရင်းမြစ်များ

Nehemia 5:15

Kol vavar themeskre raya glan mande čivan pharo koova ap i menshende. Hako dives lan le lendar maro oun mool oun kote pashel gomme 40 (star-deesh) roupene beme. Oun kolengre boudepangre kran pen ninna ray pral i menshende, yaake har le kaman! Me krom kova gar yaake, djinom, o Devel dikell man!

Nehemia 5:3

Oun vavar penan: “Mer hounte dam mari harhetikri phoub koy, ninna maro drakengro them oun mare khera, te nay las love pre, te nay ginas rhapen an kava tsiro, kay lauter bokenna.”

Debleskri gili 15:5

Te patsas lo peskre love, lell lo gar boudeder love pale. Ninna te denn le les shoukar koova, anell lo kek rhorhepen ap koleste, kay kek čilačepen kras. Koon yaake djivella, kova hi zoreles tardo an peskro djipen.

2. Mose 22:24

Te patseh love i čorveleske mire menshendar, palle kre tout ap leste gar braveles! Oun le lestar gar boudeder pale, har les dal.

2. Mose 22:25

Te hi yek tire menshendar touke love siyaan, oun tou leh leskri baya ko tsireske, kay yob touke love siyaan hi, palle dik, te dess leste peskri baya pale glan ko tsiro, kay o kham tele djal.

Gosewe laba 28:8

Kova, kay bare love kolendar lell, kolen pash leste siyaan hi, oun krell pes koleha braveles, koleskro bravlepen lell savo mensho, koles i baro dji i čorvelenge hi oun lende dell.

Jesaja 24:2

i rashaya oun i vavar menshe, o ray oun o boudepaskro, i rayetsa oun i boudepaskretsa, o bikepaskro oun o ginepaskro, kova, kay peske love patsell oun kova, kay love vin patsell, koles, kay siyaan hi oun kova, pash koleste yekes siyaan hi.

Jeremia 15:10

Me bibarhtelo, hoske das miri day mande o djipen? Hakeno dikell čilačes ap mande. An o tselo them čingrenn le ap mande. Ninna te patsom kekestar love, oun kek patsas man love, praasell man hakeno.

Ezekiel 18:13

Te patsell lo love vin, lell lo peske boudeder love pale. Nay ačell savo mensho djido? Na-a! Koon savo djoungelo koova kras, hounte merell. Yob hounte lell peskri phagi!

Ezekiel 18:17

Yob rikrell peskro vast pale, te krell lo kek čilačepen. Te patsas lo love vin, lell lo gar boudeder love pale. Yaake djivell lo pal miro čačepen oun krell, hoy lestar kamau. Savo mensho hounte merell gar. Yob ačell djido, ninna te las leskro dad boud doosh ap peste.

Ezekiel 18:8

Te patsas lo love vin, lell lo peske gar boudeder love pale. Yob rikrell peskro vast pale, te krell lo kek čilačepen. Oun an i čingepen dell lo yak, te lell hakeno peskro čačepen.

Ezekiel 22:12

Hi save mank t'mende, kay moukan pen te playsrell, te marenn le yekes. Kolen, kay siyaan pash t'mende hi, kolendar lenn t'mer boudeder love pale, har patsan lenge. T'mer krenn t'men braveles ap i vavarende, kolen t'mer rhorhenn oun ap lende zoryah djan. Oun man, o baro Debles, t'maro rayes, bistran t'mer.

3. Mose 25:17

Kek te dell o vavares pal o kand! Rikrenn t'menge t'maro Debles glan i yaka pash halauter, hoy krenn! Me, o baro Devel, hom t'maro Devel.

3. Mose 25:37

Tou poučess lestar gar boudeder love pale, har tou leste dal, vitar gar boudeder rhapen har tou leske patsal.