3. Mose 25:35 - O Debleskro Lab 2024 (Sinte-Manouche)

³⁵ Te vell tiro phraal čorvelo, oun nay rikrell gar, hoy leskro hi, palle vess ap leskri rig. Mouk les pash toute te djivell, har te vals lo i vi-themari oder yek, kay i tsiro pash toute boudrell.

O Debleskro Drom 2021 (Sinte)

³⁵ Te well tiro phraal tchorwelo, un nai rikrell gar, hoi leskro hi, palle wess ap leskri rig. Muk les pash tute te djiwell, har te wals lo i wi-themari oder jek, kai i tsiro pash tute budrell.

3. Mose 25:35 ပူးပေါင်းရင်းမြစ်များ

Nehemia 5:1

Oun pal i tsiro vas i bari gole pre, oun i morsha oun lengre romya čingran pral i bravelende mank lengre biboldengre phralende.

Nehemia 5:3

Oun vavar penan: “Mer hounte dam mari harhetikri phoub koy, ninna maro drakengro them oun mare khera, te nay las love pre, te nay ginas rhapen an kava tsiro, kay lauter bokenna.”

Hiob 31:16

Dom me gar o čorveles kova, hoy lo mandar mangas? Vom me gar koy djouvyake ap i rig, kolakro rom meras, oun kay gar doha djipaske his?

Debleskri gili 112:5

Mishto djal koleske, kay krell peskro dji pre, oun patsell i vavaren vin, oun krell peskro koova yaake har čačo hi.

Debleskri gili 112:9

Yob dell boud i čorvelen. Leskro čačepen ačell hako tsireske. Leskri zoor oun leskro raylepen vell baro.

Debleskri gili 37:26

O tselo tsiro krell yob peskro dji pre oun patsella, oun ap leskre čavende vell o Debleskri barht diklo.

Debleskri gili 41:1

I gili o rayeske pral i gipangre. O David kras kay gili.

2. Mose 22:21

Ma krenn o djipen i djouvyenge phares, kolenge o rom meras! Ma krenn o djipen i čavenge phares, kolen kek dad bouder hi!

2. Mose 22:24

Te patseh love i čorveleske mire menshendar, palle kre tout ap leste gar braveles! Oun le lestar gar boudeder pale, har les dal.

2. Mose 22:25

Te hi yek tire menshendar touke love siyaan, oun tou leh leskri baya ko tsireske, kay yob touke love siyaan hi, palle dik, te dess leste peskri baya pale glan ko tsiro, kay o kham tele djal.

2. Mose 23:9

Ma krenn kolenge o djipen phares, kay vi-themarya hi! T'mer djinenn, har kova hi! T'mer hans vi-themarya an o them Egiptia.

Gosewe laba 14:31

Koon zoryah i čorveles tele rikrell, kova praasell koles, kay o čorveles kras. Kones leske i baro dji hi, sharell o Debles.

Gosewe laba 17:5

Kova kay pral i čorveleste sal, kova praasell koles, kay les kras. Kova, kay barhtelo hi pral o vavareskri bibarht, savo lell peskri phagi.

Gosewe laba 19:17

Kova, kay peskro dji pre krell oun i čorveles dell, kova hi har yek, kay patsals o baro Debleske. Oun o baro Devel dell les ko lačepen pale, hoy lo kras.

3. Mose 19:34

Djan leha yaake trouyel, har te vals lo yek t'mendar! Tou vess yaake lačes ap leste har hal lačes ap toute. T'mer ninna hans vi-themarya an o them Egiptia. Me, o baro Devel, hom t'maro Devel.

3. Mose 25:25

Te vas tiro phraal – i vavar Israelitari – čorvelo oun hounte bikrell i kotar leskri phoubyatar, palle hounte ginell les yek dran leskri familya pale.

Mateo 25:35

Man his bok. Oun t'mer dan man te rhal. Man his troush. Oun t'mer dan man te piyell. Me homs kek t'mendar. Oun t'mer lan man an t'mare khera.

Markus 14:7

I čorvele hi hako tsiro pash t'mende. Oun te kamenn t'mer, nay krenn t'mer lenge lačo koova. Me hom gar hako tsiro pash t'mende.

Louka 6:35

Me penau t'menge: Avenn lačes kolenge, kay hi čilačo ap t'mende! Krenn kolenge lačepen! Patsenn t'mare love vin ap kolende, kay t'mer gar djinenna, te lenn t'mer lendar čomone pale! Te krenna t'mer kova lauter, palle dell o Devel t'men peskro bravlepen an o bolepen, oun t'mer venn o baro Debleskre čave. O Devel hi ninna lačes ap kol menshende, kay čilače hi, oun kay parkrenn pen gar pash leste.

Johanni 12:8

I čorvele hi hako tsiro pash t'mende. Me hom bouder gar rah pash t'mende.”

Bičepangre 11:29

Koy penan kol patsle an o foro Antiochia: “Mer dah mare phralen an o them Youdea yaake boud love, har hakeno nay della.”

Remarja 12:13

Denn kol čorvele patslende, hoy len hounte vell djipaske! Kolla, kay pash t'mende venna, kolen lenn an t'mare khera dren, oun denn len te rhal oun te piyell!

Remarja 12:18

Yaake boud har djala oun ap t'mende hi, djivenn lauterentsa kamles khetne!

Remarja 12:20

Krenn kova yaake har an o Debleskro lab činlo hi: Te bokell kova, kay kras čilačepen ap toute, palle de les te rhal! Te hi les troush, de les te piyell! Tou te kreh kova yaake, palle ladjell lo pes toutar.

2. Korintarja 8:9

T'mer djinenn, har lačo maro ray, o Yezous Kristo, ap t'mende his. Yob his bravelo, oun vas t'menge čorvelo. Kova vas lo, te venn t'mer bravelo.

2. Korintarja 9:1

Pral ko lačepen, hoy mer hounte kras i patslenge, hounte činap t'menge gar.

Galatarja 2:10

Hi yek koova, hoy yon mendar mangan, te bistras mer gar i čorvelen mank lende. Ap kova rikrom man i tselo djiyeha.

5. Mose 23:19

Kol love, hoy save menshe lenna, hounte anell kek an o kheer t'maro baro Deblestar, te playsrell lo kolentsa i sovel, hoy lo das. Save love hi djoungeles glan o baro Debleskre yaka.

Hebrearja 13:2

Te vell yek pash t'mende, ma bistrenn, te lenn les an t'maro kheer! His menshe koy, kay lan bolepangre an pengro kheer, oun djinan les gar.

1. Johanni 3:17

Te hi yek bravelo, oun dikell, kay peskro phrales gar doha djipaske hi, oun yob dell les či, yaake nay ačell gar o Debleskro kamlepen an leste.