3. Mose 25:20 - O Debleskro Lab 2024 (Sinte-Manouche)

²⁰ Te poučenn: “Hoy rhas an ko eftato bersh? Te vitsrah či ap i phoub vin, nay anah ninna či dren.”

O Debleskro Drom 2021 (Sinte)

²⁰ Te putchenn: “Hoi chas an ko eftato bersh? Te witsrah tchi ap i phub win, nai anah ninna tchi dren.”

3. Mose 25:20 ပူးပေါင်းရင်းမြစ်များ

2. Rajengro liil 7:2

Ko pralstouno lourdo, kay čivas pes o baro ray ap leskri moussi, penas ap ko Debleskro morsheste: “Ninna te krals o baro Devel gomme kava dives o bolepen pre oun dals brishin, har nay djal kova?” O Elisa penas: “Tire yakentsa dikeh tou kova, oun či rhah tou kolestar.”

2. Familjakro liil 25:9

Oun o Amazya poučas o Debleskro morshestar: “Oun hoy hi kol sheel centnarya roup, hoy me kol lourdende dran Israel dom?” O Debleskro morsh penas: “Pash o baro Debleste hi yaake, te nay dell lo tout boudeder har tou len dal.”

Jesaja 1:2

Tou, o bolepen, oun tou, i phoub, shounenn, hoy me, o baro Devel, penau: Me tserdom čaven bares. Oun har yon baro van, phagan le mantsa.

3. Mose 25:19

Oun o them anell t'menge yaake boud vin, te hi t'men doha rhapaske. Oun t'mer nay djivenn an kava them, oun t'men hounte vell kek daar.

3. Mose 25:4

O eftato bersh hi i Debleskro bersh, kay i phoub nay lell nevi zoor. Kava bersh hi o baro Debleske. Ap tiro kotar phoub vitsress či vin, oun činess gar tire drakengre rouka.

3. Mose 25:6

Hakeno t'mendar nay lell khetne, hoy lo hatsell ap o them: t'mer oun t'mare boudepangre, morsha har djouvya, ninna kolla, kay boudrenn hako kopo yek dives pash t'mende, oun kolla, kay yek tsiro pash t'mende djivenn.

4. Mose 11:13

Kay lap me mass, te dap les kal tsele menshende? Yon rovan glan mande, oun penan: De men mass te rhal!

4. Mose 11:4

Mank i Israelitarya his ninna vavar menshe, kay lentsa djan. Kolen vas i bari bok pal mass. Koy rovan kol Israelitarya ninna pale, oun penan: “Koon dell men mass rhapaske?

Mateo 8:26

Koy penas lo: “Hoske trashenn t'mer? Kay hi t'maro patsepen?” Oun yob stas pre, oun penas ap ko zorelo dourho, hoy phourdas pral o pani: “Ač kanna!” Oun ap o baro pani penas lo: “Mouk tele!” Oun o zorelo dourho phourdas bouder gar, oun o pani his bouder gar divyo.

Louka 12:29

Ma darenn, hoy t'mer taysar rhana oun piyenna!

Filiparja 4:6

Ma darenn či! Hako tsiro mangenn o Deblestar, hoy t'men hounte vell, oun penenn leske lauter, hoy ap t'maro dji hi! Oun parkrenn t'men pash leste!