3. Mose 25:19 - O Debleskro Lab 2024 (Sinte-Manouche)

¹⁹ Oun o them anell t'menge yaake boud vin, te hi t'men doha rhapaske. Oun t'mer nay djivenn an kava them, oun t'men hounte vell kek daar.

O Debleskro Drom 2021 (Sinte)

¹⁹ Un o them anell tumenge jaake bud win, te hi tumen doha chapaske. Un tumer nai djiwenn an kau them, un tumen hunte well kek daar.

3. Mose 25:19 ပူးပေါင်းရင်းမြစ်များ

1. Rajengro liil 5:5

Yaake nay djivan i menshe kek daryah an o them Israel oun an o them Youda. Hakeno nay beshas tel peskro drakengro rouk oun peskro faygetikro rouk. Kova his yaake an o tselo them, o themestar Dan bis tel pash o foro Beersheba, yaake rah har o Salomo djivas.

Debleskri gili 67:6

Maro Devel, mou parkrenn pen pash toute i menshe dran hake themma, mou sharenn le tout halauter!

Debleskri gili 85:12

Kate ap kay phoub rikrah mer zoreles ap o Debleste. Oun dran o bolepen vell o Debleskro čačepen ap mende.

Gosewe laba 1:33

Koon ap mande shounell, nay djivell kek daryah, oun leskro dji hounte darell kek bibarht.

Jesaja 1:19

Kamenn t'mer ap mande te shounell? Palle nay rhan t'mer o tselo lačepen, hoy o them vin anell.

Jesaja 30:23

Palle dell o baro Devel brishin ap o djob, hoy tou ap tiro kotar phoub vin vitsral. Oun tiri phoub anell yaake boud djob vin, te vell tout boudeder har doha maro. Oun tire firhen vell doha zenlepen te rhal ap i bourhlo zenelo them.

Ezekiel 36:30

Me krau, te anenn i rouka boud roukengre. Oun kova hoy ap i phoub pre djal, vell boud oun boudeder. I menshe dran vavar themma nay san bouder gar pral t'mende, doleske, kay hi t'men či te rhal.

Joel 2:24

te venn i djobengre khera pherdo djob, oun boudeder har doha mool oun djet koy hi.

Joel 2:26

T'men vell doha rhapaske, oun t'mer sharenn o baro Debles, kay t'maro Devel hi, oun kras boud zorelo koova mank t'mende. Oun t'mer, mire menshe, venn bouder gar praasedo.

3. Mose 25:18

Doleske krenn, hoy t'mendar kamau, oun djivenn pal miro čačepen! Palle nay djivenn t'mer an kava them kek daryah.

3. Mose 25:20

Te poučenn: “Hoy rhas an ko eftato bersh? Te vitsrah či ap i phoub vin, nay anah ninna či dren.”

3. Mose 26:4

palle moukau me brishin te dell an ko tsiro, kay hounte vell. Oun o them moukell t'menge lauter bares te vell, oun i rouka hidjrenn pengre roukengre.

3. Mose 26:5

Ko tsiro kay t'mer o djob vin denn, djal bis te vell ko tsiro, kay činenn i drake tele. Oun ko tsiro, kay činenn i drake tele, djal bis te vell ko tsiro, kay vitsrenn o djob pale vin an i phoub. Oun t'men vell boudeder har doha rhapen. Kek krell t'menge čilačepen.

3. Mose 26:6

T'mer nay djivenn an o lačepen kolentsa, kay troul t'mende djivenn, te nay sovenna, oun kek tserdell t'men dran o sopen. Kol divye firhen tradau me dran o them vin. Kek lourde venna an t'maro them, te marenn le t'men.

5. Mose 12:10

Te djan vergel o pani Yordan oun djivenn an ko them, hoy t'maro baro Devel t'men dell te venn kote khere, nay krell kek t'men kote čilačepen, oun kek rodell kourepen t'mentsa.