3. Mose 25:14 - O Debleskro Lab 2024 (Sinte-Manouche)

¹⁴ Te bikreh i kotar phoub ap i vavar Israelitari, oder te gineh lestar i kotar phoub, palle dess les gar pal o kand!

O Debleskro Drom 2021 (Sinte)

¹⁴ Te bikreh i kotar phub ap i wawar Israelitari, oder te gineh lestar i kotar phub, palle dess les gar pal o kand!

3. Mose 25:14 ပူးပေါင်းရင်းမြစ်များ

2. Familjakro liil 16:10

O Asa rhoyras pes pral o dikepaskro, oun an peskri bari rholi moukas lo les an o stilepen te anell. An ko tsiro rikras yob ninna vavar menshen an o them i daventsa tele.

Debleskri gili 10:18

Oun tou deh o čačepen i čorvelenge oun kolenge, kay len kek dad bouder hi, yaake te nay krell bouder kek mensho i vavarenge daar ap kay phoub.

Gosewe laba 14:31

Koon zoryah i čorveles tele rikrell, kova praasell koles, kay o čorveles kras. Kones leske i baro dji hi, sharell o Debles.

Gosewe laba 21:13

Kova, kay yaake krell, har te shounell lo gar koy gole ko čorvelestar, leske djala yaake, kay dell yob ninna gole oun kek shounell les.

Gosewe laba 22:16

Kova, kay rikrell i čorveles tele, te vell yob kokres bravleder, ninna kova, kay dell i braveles čomone, kova krell, te vell lo kokres čorvelo.

Gosewe laba 28:16

I ray, kay hayvell gar mishto peskre menshentsa trouyel te djal, krell boud doosh. Koles, kay kamell gar rhorhepah braveles te vell, koles vell i lengsto djipen.

Gosewe laba 28:3

I čorvelo morsh, kay vas baro oun rikrell i čorvelen tele, hi har depen, hoy lauter krik thovell oun o djob paash krell.

Gosewe laba 28:8

Kova, kay bare love kolendar lell, kolen pash leste siyaan hi, oun krell pes koleha braveles, koleskro bravlepen lell savo mensho, koles i baro dji i čorvelenge hi oun lende dell.

Sikepaskro 5:8

Hi feteder o themeske, te hi les i baro ray, kay dikell koy pre, te vell ap o harhetikro them boudedo, te vell i menshen doha djipaske.

Jesaja 1:17

Dikenn, har te krenn o lačepen, denn yak, te lell hakeno peskro čačepen. Avenn ap i rig kolenge, kay tele rikedo venn. Kol čave, kolen kek day oun kek dad hi, kolenge krenn o čačepen vin. Oun kol djouvya, kolenge o rom meras, kolengro koova lenn an t'maro vast!”

Jesaja 33:15

Kolla, kay an o čačepen tardo hi, oun rakrenn, hoy čačo hi; kolla, kay kekeske rhorhepah love tele lenn, te venn le bravelo, oun tserdenn pengre vasta pale, te kamell yek len love te dell, te anenn le rhorhepen pre; kolla, kay shounenn gar ap kolende, kay kamenn yekes te marell, oun kolla, kay djan gar kolentsa, kay o čilačepen krenn,

Jesaja 5:7

O kheer Israel hi o drakengro them o baro Deblestar, ko rayestar pral o bolepen oun i phoub. Oun i morsha an o them Youda hi kol drakengre rouka, hoy yob an i phoub čivas oun pral kolende yob barhtelo his. Ap lende dikas lo, te anenn le o lačepen glan. Oun hoy vas, his čilačepen. Yon te dans hakenes peskro čačepen, oun kran, hoy his či har čilačepen.

Jesaja 58:6

Kanna penau touke, hoy i dives hi, hoy glan mire yaka mishto hi: I dives, kay kreh tou kol shelle pre kolendar, kay pandlo van, oun kay kek čilačepen kran. Mouk kolen te djan, ap kolende pharo koova čival! Le ko koova krik, koleha len tele rikral! Oun phage kol shelle, hoy troul lengre menya pandlo hi.

Jeremia 22:17

Yoyakim, tire yaka oun tiro dji dikenn ap či vavares, har te vess bravleder tiro rhorhepah. Tou mareh kolen, kay kek čilačepen kran, oun rikreh i menshen zoryah oun daventsa tele.

Ezekiel 22:7

Kolla, kay an Yerusalem djivenn, dikenn tele ap pengro dadeste oun ap pengri date, oun rhorhenn i vi-themaryen, kay pash lende djivenn. Oun kol djouvyen, kolengro rom meras, oun kol čaven, kolengro dad meras, kolen rikrenn le zoryah tele.

3. Mose 19:13

Tou rikress gar o vavares tele oun randess les gar vin. Tou dess i boudepaskres, kay boudrell touke yek dives peskre love ap i rat, oun rikress kol love gar pral i rat pash toute.

3. Mose 25:15

Kova, hoy tou leske playsreh oder yob touke playsrell, hounte djal pal kol bersha, hoy venna, bis te vell ko bersh, kay i tseli siyaan mouklo vell. Kol love djal pal kova, kitse bersha nay anell o ginepaskro kova dren, hoy ap ko kotar phoub bares vell.

3. Mose 25:17

Kek te dell o vavares pal o kand! Rikrenn t'menge t'maro Debles glan i yaka pash halauter, hoy krenn! Me, o baro Devel, hom t'maro Devel.

Micha 7:3

Lengre vasta hi sik, te krenn le čilačo koova. I pralstoune oun čačepangre raya denn kolen o čačepen, kay denn len love. Kol zorele an o them krenn, hoy le kamenn, rhorhenn oun rissrenn o čačepen trouyel.

Louka 3:14

Ninna i lourde poučan lestar: “Har hi mentsa? Hoy te kras mer?” Lenge penas lo: “Ma krenn kekeske čilačo koova, oun lenn kekestar love i zoryah! Kol love, hoy playsrenn i pralstoune t'menge, kol love moukenn t'menge doha te vell!”

1. Korintarja 6:8

Oun kova hi gar lauter! T'mer krenn i vavarenge ninna čilačepen oun lenn t'menge lendar kova krik, hoy len hi. Oun kova krenn t'mer ninna i patslentsa.

Čačepangre 4:3

O baro rayes Yabin his 900 (enya-sheel) sasterne vourdya o kourepaske. Oun yob kras i Israelenge i pharo djipen biish bersha. Doleske dan le bari gole ap o baro Debleste.