3. Mose 25:11 - O Debleskro Lab 2024 (Sinte-Manouche)

¹¹ An kava 50. (paash-sheelto) bersh hounte vell i tseli siyaan mouklo. Vitsrenn kek djob an i phoub, oun činenn kek djob tele, hoy pestar dran i phoub vas. Činenn vitar kek drake tele, hoy van bares an kava bersh, kay t'mer kol rouka gar činan.

O Debleskro Drom 2021 (Sinte)

¹¹ An kau 50. (paash-sheelto) bersh hunte well i tseli sijaan muklo. Witsrenn kek djob an i phub, un tchinenn kek djob tele, hoi pestar dran i phub was. Tchinenn witar kek drake tele, hoi wan bares an kau bersh, kai tumer kol ruka gar tchinan.

3. Mose 25:11 ပူးပေါင်းရင်းမြစ်များ

Jesaja 37:30

Oun touke, Hiskiya, mou vell kova i sikepen: An kava bersh rhan t'mer, hoy pestar kokres bares vella, ninna an o vavar bersh. Oun an o triinto bersh nay čivenn pale djob an i phoub oun anenn djob dren, oun čivenn drakengre rouka an i phoub, oun rhan t'menge i drake, hoy ap lende bares venna.

3. Mose 25:10

O 50. (paash-sheelto) bersh hi o baro Debleske. An kava bersh denn vin gole, te vell hakeneske, kay an ko them djivell, peskri siyaan mouklo. Oun te his leskri siyaan yaake baro, te bikras pes lo ap i vavareske, hounte moukell kova les pale te djal. Hakeno t'mendar lell kova pale, hoy leskro his, oun nay djal khere pash peskre menshende.

3. Mose 25:12

An kava tselo bersh hounte vell kek boudi kerdo ap t'mari kotar phoub. Hakeno nay rhal kova, hoy hatsell lo, kova hoy pestar bares vas.

3. Mose 27:17

Te kamell lo ko kotar phoub o Debleske te dell an ko ersto bersh pal ko bersh, kay i tseli siyaan mouklo vas, ačell kova pash kol 50 roupene beme.