3. Mose 25:10 - O Debleskro Lab 2024 (Sinte-Manouche)

¹⁰ O 50. (paash-sheelto) bersh hi o baro Debleske. An kava bersh denn vin gole, te vell hakeneske, kay an ko them djivell, peskri siyaan mouklo. Oun te his leskri siyaan yaake baro, te bikras pes lo ap i vavareske, hounte moukell kova les pale te djal. Hakeno t'mendar lell kova pale, hoy leskro his, oun nay djal khere pash peskre menshende.

O Debleskro Drom 2021 (Sinte)

¹⁰ O 50. (paash-sheelto) bersh hi o baro Debleske. An kau bersh denn win gole, te well hakeneske, kai an ko them djiwell, peskri sijaan muklo. Un te his leskri sijaan jaake baro, te bikras pes lo ap i wawareske, hunte mukell kowa les pale te djal. Hakeno tumendar lell kowa pale, hoi leskro his, un nai djal khere pash peskre menshende.

3. Mose 25:10 ပူးပေါင်းရင်းမြစ်များ

Esra 1:3

Koon kanna mank t'mende leskre menshendar hi, koleha te vell peskro Devel! Oun yob nay djal pral an o foro Yerusalem an o them Youda, oun nay čivell o baro Debleskro kheer pre! Kova hi o Israeleskro Devel. Oun yob rodas peske o foro Yerusalem vin, te vell lo kote an-mangedo.

Debleskri gili 146:7

oun kolen pengro čačepen dell, kay tele rikedo venn. Kolen, kay bokenn, dell lo te rhal. O baro Devel hi kova, kay i stilde vin lell dran o stilepen.

2. Mose 20:2

Me, o baro Devel, hom tiro Devel, koon tout vin las dran o them Egiptia, kay tou i pandlo boudepaskro hals.

Jesaja 49:9

– te peness i pandlen: Djan vin; oun kolenge, kay an i kali rat hi: Avenn vin! Palle hi le har bakre, hoy rhapen hatsenn pash o drom. Oun ap o pralstouno them hatsenn le zenlepen.

Jesaja 63:4

An miro dji vas o dives, kay dau hakenes pale, hoy lo kras. Oun ko bersh vas, kay lau mire menshen dran o čilačepen vin.

Jeremia 34:10

Oun i pralstoune oun i tsele vavar menshe, kay penan ava ap kova, kran ninna yaake, oun moukan pengre boudepangren te djal.

Jeremia 34:8

Kava hi ko lab, hoy o baro Devel ap o Yeremia penas, pal ko tsiro, kay o baro ray Sedekya i menshentsa an o foro Yerusalem vin kras, te moukenn le i tsele ginle boudepangre vin,

Ezekiel 46:17

Te dell o ray i boudepaskres i kotar them pestar, ačell ko kotar them koleske yaake rah, bis te vell ko bersh, kay halauter pale dino hounte vell ap koleste, koneske kova his. Palle djal ko kotar them pale pale pash o rayeste. Kokres i čave o rayestar nay rikrenn, hoy len dino vell.

3. Mose 25:11

An kava 50. (paash-sheelto) bersh hounte vell i tseli siyaan mouklo. Vitsrenn kek djob an i phoub, oun činenn kek djob tele, hoy pestar dran i phoub vas. Činenn vitar kek drake tele, hoy van bares an kava bersh, kay t'mer kol rouka gar činan.

3. Mose 25:13

An ko bersh, kay i tseli siyaan mouklo vell, lell hakeno peskri phoub pale, hoy leskro his.

3. Mose 25:41

Palle moukess les tou pale djal, ninna leskre čave leha, te nay djan le pale pash lengre menshende oun pash lengro kotar phoub, hoy yon lengre phourendar lan.

3. Mose 25:54

Nay ginell kek les vin, hounte vell yob peskre čaventsa vin mouklo an ko bersh, kay i tseli siyaan mouklo vell.

Louka 1:74

te lell lo men dran i čilače vasta vin, te boudrah nay leske, oun trashah bouder gar,

2. Korintarja 3:17

Maro ray Yezous oun o Debleskro Dourho hi yek. Te djivell o Debleskro Dourho an yekeste, hi ko mensho bouder gar pandlo, oun hounte djal bouder gar ap o phouro drom.

Galatarja 4:25

I Hagar hi har i berga Sinay an Arabia. Yaake har kote i menshe ap o Moseskre laba pandlo van, yaake hi kanna o foro Yerusalem peskre menshentsa ap o Moseskre laba pandlo.

Galatarja 5:13

Mire phrala, o Devel das t'men gole, te djivenn i djipen, kay han bouder gar pandlo ap čomone. Kal labentsa penau gar, te krenn t'mer nay, hoy kamenna, oun djivenn nay t'maro phouro djipen. Na-a, avenn yek o vavareske koy! Krenn kova dran o kamlepen!

1. Petro 2:16

T'mer han bouder gar pandlo ap o čilačepen. Doleske penenn gar: “Mer nay krah halauter, hoy kamah.” Oun pal savo rakepen khatrenn t'mer t'maro čilačepen. Ma bistrenn, kay han pandlo ap o Debleste!