3. Mose 24:5 - O Debleskro Lab 2024 (Sinte-Manouche)

⁵ Mouk deesh-te-douy mare te pekell dran lačo yarro, hako maro dran douy-te-paash kilogramme yarro!

O Debleskro Drom 2021 (Sinte)

⁵ Muk deesh-te-dui mare te pekell dran latcho jarro, hako maro dran dui-te-paash kilogramme jarro!

3. Mose 24:5 ပူးပေါင်းရင်းမြစ်များ

1. Rajengro liil 18:31

las deesh-te-douy barra, yek bar hako čaveske o Yakobestar. Ap koleste penas o baro Devel glan i rah tsiro: “Tiro lab vell kanna Israel.”

1. Familjakro liil 23:29

Lengri boudi his, te dikenn le pal o Debleskre mare, pal ko lačo yarro, hoy leske rhačedo vell, oun pal o maro, hoy kek shoutlo yarro dren hi, oun pal o peklo rhapen, kay djet dren hi. Ninna hounte dikenn le, kay kol barra, hoy ap vaga čiddo venn, o čačo pharepen sikrenn, oun kol kashta, hoy o lengstepen sikrenn, kova čačes krenna.

1. Familjakro liil 9:32

Lengre phrala, kolla kay van dran o kheer Kohat, lendar his save koy, kay hounte dan yak, te van hako Debleskro dives neve mare ap i rhapaskri čiddo an o Debleskro kheer.

2. Familjakro liil 13:11

Haki taysarla oun haki rat rhačrenn le firhen o baro Debleske, oun koy pashel lačo soungepaskro koova, oun čivenn leske mare ap i rhapaskri dran djoudjo sonakay. Oun haki rati rhačenn le i momlia an ap koy sonakaskri momelengri. Yaake rikrah men ap o baro Debleskre laba. Maro Devel hi lo, koles t'mer moukan.

Nehemia 10:33

Koy boudjake an o Debleskro kheer dell hakeno mendar star gramme roup.

Nehemia 10:34

Ko roup hi i marenge, hoy o Debleske koy čiddo venn, oun ko rhapaske oun kol firhenge, hoy venn leske rhačedo hako dives; ninna kolenge, kay venn o Debleske anlo ap hako Debleskro dives, oun ap hako nevo čon oun ap i vavar bare divessa. Ko roupeha vell ninna o vavar koova playsedo, hoy denn le o Debleske, ninna kol firhe, hoy venn rhačedo, te vell i Israelengri doosh krik lino, oun i tseli boudjake an maro Debleskro kheer.

2. Mose 25:30

Ap i rhapaskri venn hako tsiro i Debleskre mare čiddo, te dikap len.

2. Mose 39:36

koy rhapaskri oun lauter, hoy pashel hi, ninna i Debleskre mare;

2. Mose 40:23

oun čivas o Debleskre mare pre glan o baro Debleste. Yob kras kova yaake har o baro Devel leske penas.

2. Mose 40:4

An ninna koy rhapaskri dren oun čip i Debleskre mare pre! Ninna koy momelengri čip an o kheer, oun čip i momlia pre.

4. Mose 4:7

Oun pral i rhapaskri, kay o Debleskro maro pre čiddo vell, hounte čivenn le ninna i blaueti plarhta. Oun koy pre čivenn le kol pirya oun roya, kol čare oun khore, kay i mool o Debleske dren vella. Ninna o Debleskro maro hounte vell koy pre čiddo.

Mateo 12:4

Yob djas an o Debleskro kheer, oun rhas o Debleskro maro, yob oun kolla, kay pash leste hi. Pal i biboldengro čačepen his i mare i rashayenge kokres koy.

Bičepangre 26:7

Mare menshe, kay venna i deesh-te-douy Israeleskre čavendar, kolla mangenn o Debles dives oun rati, te vell kova, hoy yob mare phourenge penas. Baro Agrippa, me patsau, kay kova vas, kolestar o Devel penas, te vell yob. Doleske kamenn man i bibolde i phagi te dell.

Hebrearja 9:2

Ko Debleskro kheer his i tikno kheer, kerdo dran firhengre balla, hoy hidjran le nay. Koles his douy iseme. I glanstouni isema kharella: O Debleskri isema. I palstouni isema kharella: O Debleskri kouč isema. An i glanstouni isema his i momelengri oun i rhapaskri tardo. Ap i rhapaskri his kol mare čiddo, hoy dan le o Debleste. Mashkral kol douy iseme his i voudar dran kouč pesso than.

Jakobo 1:1

Kava liil činau me, o Yakobo, kova, kay boudrell o Yezous Kristeske oun o Debleske. Me penau lače laba kolenge, kay patsenn ap o Yezous Kristeste oun djivenn mashkral kolende, kay gar patslo hi.

1. Samuel 21:6

O David penas ap o rashayeste: “Men his kek djouvel taysar oun ko dives glan, har mer vin djam. Ninna te djam gar an o kourepen o Debleske, his i terne morsha yaake, te nay dikas o Devel lačes ap lende. Doleske hi le kova čačepah kava dives boudeder har glan kova.”

1. Samuel 21:7

Koy das les o rashay kol Debleskre mare. Kek vavar maro his koy. Kol Debleskre mare his o baro Debleste dino, pale krik lino, har vas nevo maro koy čiddo.