3. Mose 23:4 - O Debleskro Lab 2024 (Sinte-Manouche)

⁴ Kalla hi i bare divessa, kay venn t'mer khetne, te vell o baro Devel sharedo. Denn kal divessa vin gole ap pengro tsiro.

O Debleskro Drom 2021 (Sinte)

⁴ Kalla hi i bare diwessa, kai wenn tumer khetne, te well o baro Dewel sharedo. Denn kal diwessa win gole ap pengro tsiro.

3. Mose 23:4 ပူးပေါင်းရင်းမြစ်များ

Nehemia 8:15

Yaake dan le vin gole an pengre tsele forya, ninna an Yerusalem, oun penan: “Djan vin ap i berge oun anenn kashta i djeteskre roukendar, ninna i divye djeteskre roukendar, oun i mirtetikre roukendar oun i palmtikre roukendar oun vavar roukendar, kolen boud patria hi. Oun krenn kolendar tikne khera dran patria, yaake har an o Moseskro liil činlo hi.”

2. Mose 12:14

Bistrenn kava dives gar! Krenn lestar i baro dives, kay sharenn o baro Debles, t'mer oun t'mare čave, kay venna pal t'mende! Hako bersh vell kava yaake pash t'mende kerdo kanna oun hako tsiro.

2. Mose 23:14

Triin kope an o bersh rikress tou mange bare divessa dren:

Jesaja 29:1

Djungeles djal t'menge an o foro Ariel, ko foro, kay o David djivas! Djungeles djal t'menge, ninna te moukenn gar tele oun venn hako bersh, te rikrenn t'mare bare divessa!

Ezekiel 44:24

Te vell i čingepen glan lende anlo, hi yon i čačepangre morsha oun hounte penenn o čačepen vin, oun hounte djan pal mire čačepaskre laba. Oun yon hounte krenn, te venn mire bare divessa ap o čačo tsiro yaake dren rikedo, har me penom, te vell kova kerdo. Ninna denn le yak, te vell o Debleskro dives dren rikedo.

3. Mose 23:2

Pen ap i Israelitarya: Kalla hi i bare divessa, kay venn t'mer khetne, te vell o baro Devel sharedo.

3. Mose 23:21

Denn vin gole, te venn khetne ap kava dives o baro Debleske. Kek boudi hounte krenn t'mer ap ko dives. Kava lab hi t'menge oun t'mare čavenge, kay pal t'mende venna, kanna oun hako tsireske, kay t'mer ninna djivenna.

3. Mose 23:37

Kalla hi kol bare divessa, kay hounte venn t'mer khetne glan o baro Debleste, te anenn leske firhen oun rhapen, yaake har hako diveske glan činlo hi: save firhe, kay tseles rhačedo venn, oun save, kolen rhan t'mer khetne glan o baro Debleste, ninna rhapen dran djob, oun mool, hoy glan leste vin čoredo vell.