3. Mose 23:38 - O Debleskro Lab 2024 (Sinte-Manouche)

³⁸ Ninna rikrenn t'mer hako kourko o Debleskro dives dren! Oun anenn o baro Debleske ko vavar koova, hoy glan činlo hi, oun kova, hoy t'mer t'mendar denn, oun kova, hoy t'mer sovel dan, leske te dell.

O Debleskro Drom 2021 (Sinte)

³⁸ Ninna rikrenn tumer hako kurko o Debleskro diwes dren! Un anenn o baro Debleske ko wawar koowa, hoi glan tchinlo hi, un kowa, hoi tumer tumendar denn, un kowa, hoi tumer sowel dan, leske te dell.

3. Mose 23:38 ပူးပေါင်းရင်းမြစ်များ

2. Familjakro liil 31:14

Oun yek Levitari, o Kore, koleskro dad o Yimna his, yob das yak ap o voudar ap koy rig, kay o kham pre djala, oun vas kanna dren čiddo te dell lo garda ap ko koova, hoy i menshe pendar o baro Debleske dan. Oun yob hounte das kova ap i rashayende oun i Levitaryen vin, hoy lengro kotar hi, ninna kol kotya mass, hoy kokres i rashayenge his.

Debleskri gili 56:13

Miro Devel, me dom man sovel, te parkrap man pash toute.

Debleskri gili 76:12

Denn t'men sovel, te denn čomone o baro Debleste, kay t'maro Devel hi. Oun rikrenn t'mari sovel! Anenn leske kouč koova, t'mer dran i tsele themma, kay troul leste hi. Yob hi kova, kolestar hakeno darella.

Ezekiel 46:12

Oun te kamell o ray i firho pestar o baro Debleske te anell, nay vell savo firho, hoy vell tseles rhačedo, nay vell savo firho, hoy rhan le khetne glan o baro Debleste, palle vell leske o baro voudar pre kerdo, hoy ap koy rig hi, kay o kham pre djal, te nay vell o dren, har lo ap o Debleskro dives ninna dren vell. Oun palle djal lo pale koy vin. Oun o baro voudar hounte vell pal leste pandlo.

3. Mose 19:3

Hakeno t'mendar hounte dikell pre ap peskri date oun ap peskro dadeste, oun hounte rikrell o Debleskro dives! Me, o baro Devel, hom t'maro Devel.

3. Mose 23:3

Rikrenn o Debleskro dives! Shob divessa boudrenn, ap o eftato dives krenn kek boudi! Ko dives hi o baro Debleske. Ap leste avenn khetne glan leste! Ap kava dives krenn kek boudi, kay t'mer ninna djivenna!

3. Mose 23:37

Kalla hi kol bare divessa, kay hounte venn t'mer khetne glan o baro Debleste, te anenn leske firhen oun rhapen, yaake har hako diveske glan činlo hi: save firhe, kay tseles rhačedo venn, oun save, kolen rhan t'mer khetne glan o baro Debleste, ninna rhapen dran djob, oun mool, hoy glan leste vin čoredo vell.

3. Mose 23:39

Ap o 15. (deesh-te-pančto) dives an o eftato čon, an ko tsiro, har anan halauter dren, hoy ap t'mari phoub bares vas, krenn efta divessa i festo o baro Debleske. O ersto dives oun o orhtato dives hi i dives, kay krenn kek boudi.

4. Mose 29:39

Kova halauter hounte anenn t'mer o baro Debleske ap kol bare divessa, kay venn khetne glan leste. Koy pashel vell kova, hoy denn leste hakeno pestar, ninna kova, hoy dan t'men sovel, te denn les kova: firhe, hoy venn leske tseles rhačedo, djob oun mool, ninna firhe, hoy rhan t'mer khetne glan leste.

5. Mose 12:6

Oun kote anenn kol firhen, hoy kamenn leske te marell, save, hoy venn leske tseles rhačedo, oun save, kolengro rat leske rhačedo vell. Kote anenn ninna o deshto kotar kolestar, hoy t'menge dren anan, oun ko vavar koova, hoy glan činlo hi, oun kova hoy denna yaake, har t'men sovel dan, ninna kova, hoy hakeno pestar della, oun save bakre oun gourma, kay i phoureder lengre dayendar hi.