3. Mose 23:30 - O Debleskro Lab 2024 (Sinte-Manouche)

³⁰ Oun hakeno, kay boudrell ap ko dives, koles moukell o baro Devel te merell.

O Debleskro Drom 2021 (Sinte)

³⁰ Un hakeno, kai budrell ap ko diwes, koles mukell o baro Dewel te merell.

3. Mose 23:30 ပူးပေါင်းရင်းမြစ်များ

1. Mose 17:14

Hako morsh, kay gar činlo hi ap peskro mass, kova hounte ačell bouder gar djido mashkral peskre menshende. Yob rikras pes gar ap kova, hoy mer vin kram.”

Jeremia 15:7

An hako foro an o them Youda krom me i menshentsa yaake har yek, kay vitsrell o djob pral, te perell o phouss vin. Yaake tradom len kate te kote. Oun mire menshe moukan gar pengre čilače dromma. Koy marom lengre čaven, oun moukom len tele te djal.

Ezekiel 14:9

Te moukell pes i Debleskro rakepaskro yaake dour te anell, te dell lo les i lab mandar doureder, palle krau me, o baro Devel, te dell lo i rhorheno lab doureder. Oun me hadau miro vast pral leste, oun krau les pale-čiddo, te djivell lo bouder gar mank mire menshende Israel.

3. Mose 20:3

Me dikau čilačes ap hakeneste, kay kova krell, oun me moukau les bouder gar te djivell mank peskre menshende. Yob das yek peskre čavendar o Molokeste, oun kras yaake miro kheer pale-čiddo, oun kras mantsa, har te voms gar kokres o čačo Devel.

3. Mose 23:29

Hakeno, koon rikrell pes gar pale o rhapastar, kova vell pale-čiddo hako tsireske, oun nay djivell bouder gar mank peskre menshende.

3. Mose 23:31

Doleske, krenn kek boudi! Kava lab hi t'menge oun t'mare čavenge, kay pal t'mende venna, kanna oun hako tsireske, kay t'mer ninna djivenna.

Zefanja 2:5

Djungeles djal kolenge, kay pash o baro pani djivenn, kol menshenge, kay kharenna Kretarya! O baro Devel moukell t'menge te penell: Tou them Kanaan, them, kay djivenn i Filistarya, me kamau tout te marell. Kek t'mendar, kay kote djivell, ačell djido.

1. Korintarja 3:17

Koon o Debleskro kheer paash krella, koles phagella o Devel. O Debleskro kheer hi o Debleske. Oun kava kheer han t'mer.