3. Mose 23:27 - O Debleskro Lab 2024 (Sinte-Manouche)

²⁷ O deshto dives an kava eftato čon hi o dives, kay vell halauter krik lino, hoy mank t'mende oun o baro Debleste tardo hi. Ap ko dives rhan či oun avenn khetne glan leste oun anenn leske firhen oun rhapen, hoy venn leske rhačedo.

O Debleskro Drom 2021 (Sinte)

²⁷ O deshto diwes an kau eftato tchon hi o diwes, kai well halauter krik lino, hoi mank tumende un o baro Debleste tardo hi. Ap ko diwes chan tchi un awenn khetne glan leste un anenn leske viechen un chapen, hoi wenn leske chatchedo.

3. Mose 23:27 ပူးပေါင်းရင်းမြစ်များ

Esra 8:21

Oun me moukom kote pash o pani Ahava i tsiro vin te kharell, kay rhas mer či, oun djas ap i čanga glan maro Debleste, te djal lauter mishto ap maro drom, te djah an maro them, oun te venn kek čilače menshe pral mende oun mare čavende oun halauter hoy men hi.

Debleskri gili 35:13

Har yek lendar nasselo his, rivom ropaskre ripya ap mande, rhom či oun bokom leske, oun pale te pale mangom o Debles leske,

2. Mose 30:10

Yek kopo an o bersh lell o Aron o rat o bakrestar, hoy maredo vas, te lell lo i doosh krik, oun djal pash o Debleskro sonakaskro bob oun makell ko rat ap i shinga, hoy pral ap o bob hi. Kova krell lo, te vell i doosh krik lino, hoy ap o bob hi. Ninna pash t'mare čavende oun kolende, kay pal lende venna, vell kova hako bersh yek kopo yaake kerdo. O sonakaskro bob hi o baro Debleske kokres.

Jesaja 58:5

Patsenn t'mer, kay mange mishto hi, te rikrell pes i mensho pale o rhapastar, oun moukell peskro shero tele te perell har i phagedo shilftikro halmo? Te pandell lo i gono troul peste oun beshell pes an i yagakri čik? Patsenn t'mer, savo koova hi mishto mange? Hi kova čačepah i dives, ap koleste me, o baro Devel, lačes dikau?

3. Mose 16:11

O Aron marell ko gouroum, te vell i doosh oun o pale-čiddo koova lestar oun leskri familyatar krik lino, oun yon čačo oun erligo tardo hi glan o baro Debleste.

3. Mose 16:15

Palle marell yob koy morsh bouzni, te vell i doosh oun o pale-čiddo koova i menshendar Israel krik lino. Oun yob djal ko rateha pal i voudar dran than an i kouč isema, oun krell ko rateha yaake, har lo les ko rateha ko gouroumestar kras. Yob vitsrell peskro goushteha čomone ap o pralstouno kotar, hoy ap o morhton čiddo hi, oun ap koy platsa glan o morhton.

3. Mose 16:16

Oun yaake krell lo, te vell o pale-čiddo koova oun koy doosh, hoy i Israelitarya ap pende anan – lengro tselo čilačo koova, dran o Debleskri kouč isema krik lino. Oun yaake hounte krell lo ko tselo Debleskro plarhteno khereha. Kava kheer hi tardo ap i platsa, kay i Israelitarya djivenn. Oun koy doosh, hoy yon ap pende anenn oun lengro pale-čiddo koova krell ninna o Debleskro kheer pale-čiddo.

3. Mose 16:24

Palle thovell lo pes ap i Debleskri platsa, oun rivell peskre koola an. Palle djal lo pale vin, marell kol douy bakre, ko yek peske, oun ko vavar i menshenge Israel, oun rhačrell lengro tselo mass o baro Debleske, te vell i doosh oun o pale-čiddo koova krik lino lestar oun kol menshendar Israel.

3. Mose 23:26

O baro Devel rakras o Moseha oun moukas les i Israelenge te penell:

3. Mose 23:28

Kek boudi krenn ap ko dives! Kava dives hi o dives, kay vell halauter krik lino, hoy mank t'mende oun t'maro baro Debleste tardo hi.

3. Mose 25:9

moukenn an o 50. (paash-sheelto) bersh, an o eftato čon, ap o deshto dives an i phourdepaskri te phourdell an o tselo them. Kova hi o dives, kay halauter krik lino vell, hoy mank t'mende oun o baro Debleste tardo hi.

Zakarie 12:10

O Davideskre menshenge oun i menshenge an Yerusalem krau lengre djia pre, te venn le kamles yek ap o vavareste oun mangenn mandar lačepen. Oun yon dikenn ap koleste, kay dan le an i rig čourye. Oun yon denn gole i ropah pral leste, har yek pral peskro moulo čaveste gole dell, koles kek vavar čave hi, oun har rovenn i menshe pral pengro phoureder čavo, kay meras.

Bičepangre 27:9

Har kote vam, nashram boud tsiro. O vend his glan o voudar, oun mer lam daar, te ouleras doureder. Doleske penas o Paulo ap lende:

Jakobo 4:9

Denn gole pral t'maro čilačo djipen! Rovenn koy pral! Ma san gar bouder! Avenn bibarhtelo oun bouder gar barhtelo!