3. Mose 21:9 - O Debleskro Lab 2024 (Sinte-Manouche)

⁹ Te vell i rashayeskri čay i loubni, anell i bari ladj ap peste oun peskro dadeste. Yoy vell an i yag rhačedo.

O Debleskro Drom 2021 (Sinte)

⁹ Te well i rashajeskri tchai i lubni, anell i bari ladj ap peste un peskro dadeste. Joi well an i jag chatchedo.

3. Mose 21:9 ပူးပေါင်းရင်းမြစ်များ

1. Mose 38:24

Pal triin čon vas o Youdaeske penlo: “I Tamar, tiro čaveskri romni loubras pes trouyel, oun yoy hi an vavar koova.” Koy penas o Youda: “Anenn lat vin, te vell li pre rhačedo.”

2. Mose 31:14

Rikrenn o Debleskro dives t'menge! Koon les gar rikrella, vell temerl dino. Ava, hakeno, hoy ap o Debleskro dives boudrella, hounte djivell bouder gar mank peskre menshende.

Jesaja 33:14

Ap i berga Sion lenn kolla traash, kay doosh ap pende hi. Halauter trissenna, kay o Debles bistran, oun penenn kanna: Kek mendar nay ačell tardo pash i yag, hoy lauter pre rhačrell. Kek mendar nay rikrell kova vin pash koy yag, hoy rhačell hako tsiro har koy yag ap o Debleskri rhačepaskri.

Ezekiel 9:6

Denn i phouren moulo, oun i terne morshen oun i terne čen, ninna i čaven oun i djouvyen! Ma taprenn yekeske an, koles ko sikepen glan ap peskro shero hi! Djan glanstounes pash miro kheer, oun foun kotar doureder. Yaake kran le, oun maran glanstounes kol pralstunen, kay glan o baro Debleskro kheer tardo his.

3. Mose 19:29

Ma biče tiri čay kote, kay i rhorhene debla an-mangedo venn, te vell li kote i loubni. Tou te kreh kova, hi sik boud loubya an o them, oun o tselo them vell pherdo vi-ladjedo koova.

3. Mose 20:14

Te lell i morsh i romyat oun lakri dat gomme pashel, hi kova i vi-ladjedo koova. Yob hounte vell an i yag rhačedo, oun kol douy djouvya ninna. Kamau te vell kek vi-ladjedo koova mank t'mende.

Maleachi 2:3

Dikenn, hoy me kamau te krell: Kolla, kay t'mendar venna, kolen phagau. Oun o foul kol firhendar, hoy t'mer mange anenn, vitsrau me an t'mare mouya. Oun t'mer venn vin vitsedo khetne o fouleha.

5. Mose 22:21

palle hounte vell li vin anlo glan o kheer lakro dadestar. Oun i morsha dran ko foro vitsrenn barra ap late, bis te mouli hi li. Yoy kras i vi-ladjedo koova mank i Israelitarya, har loubras li trouyel an peskro dadeskro kheer. Yaake čivenn t'mer o čilačepen mank t'mende vin.

Tito 1:6

Savo phoureder hounte djivell yaake, te dikell kek i čilačo koova ap leste. Les vell gar boudeder har yek romni. Leskre čave shounenn ap leste, oun patsenn ap o Debleste. Yon hi gar bipandlo.

Josua 7:15

Oun ko morsh, pash koleste kova hatslo vell, hoy o baro Debleske hi, kova vell rhačedo: yob oun halauter, hoy les hi. Yob kras gar, hoy o baro Devel i Israelentsa vin kras, oun anas yaake i bari ladj ap o Israel.”

Josua 7:25

Oun o Yosua penas: “Yaake har tou men an i bibarht anal, yaake anell tout o baro Devel kanna an i bibarht!” Oun i tsele Israelitarya hadan barra pre oun vitsran len ap lende, te meran le. Oun palle rhačran le len pre.

1. Samuel 2:17

Oun koy doosh, hoy kol terne morsha ap pende anan, his baro glan o baro Debleste. Lenge his kova či moldo, hoy o baro Debleske anlo vas.

1. Samuel 2:34

Me dau tout i sikepen: Tire douy čave, o Hofni oun o Pinhas, merenna ap yek dives. Te vell kova, dikeh, kay ko vavar koova ninna čačo hi.