3. Mose 21:6 - O Debleskro Lab 2024 (Sinte-Manouche)

⁶ T'mer rashaya hounte djivenn yaake, te han kokres t'maro Debleske, oun hounte krenn či, hoy anell ladj ap leskro lab. T'mer han kolla, kay anenn leske rhapen, hoy vell leske rhačedo. Doleske hounte krenn či, hoy krell t'men pale-čiddo.

O Debleskro Drom 2021 (Sinte)

⁶ Tumer rashaja hunte djiwenn jaake, te han kokres tumaro Debleske, un hunte krenn tchi, hoi anell ladj ap leskro lab. Tumer han kolla, kai anenn leske chapen, hoi well leske chatchedo. Doleske hunte krenn tchi, hoi krell tumen pale-tchiddo.

3. Mose 21:6 ပူးပေါင်းရင်းမြစ်များ

Esra 8:28

Oun me penom ap lende: “T'mer han o Debleske vi-rodedo, oun kol tsele kotya hi o Debleske ap i rig čiddo: Oun ko roup oun ko sonakay vas o Debleske dino dran o menshengro kamlepen. Yon dan kova pendar o baro Debleske, koles ninna pengre phoure an-mangan.

2. Mose 19:22

Ninna i rashaya, hoy venn glan mande, hounte krenn pen djoudjo mange, te merenn le gar!”

2. Mose 28:36

An i tikno kotar lačo sonakay čin kol laba: “Kova hi o baro Debleske”, oun pande ko kotar sonakay ap i dori dran blaueto kouč bakrengro bal glan ap o shereskro pandepen.

2. Mose 29:44

Yaake lau miro plarhteno kheer oun i sasterni rhačepaskri mange, ninna o Arones oun leskre čaven, te venn le mange rashaya.

Jesaja 52:11

Djan vin! Djan vin! Djan kotar vin, oun taprenn či an, hoy pale-čiddo hi! T'mer rashaya, kay hidjrenn o baro Debleskro koova, djan dran Babilonia vin, oun thovenn t'men yaake har glan činlo hi, te han djoudjo glan o Debleste!

Ezekiel 44:7

T'mer moukan vavar menshen an miro kheer dren, saven kolengro dji gar mange hi, oun kay hi gar činlo ap pengro mass. Yaake kran, te vas miro kheer pale-čiddo. Yon his koy pashel, har anan t'mer rhapen oun thulepen oun rat glan mande. Yaake phagan t'mer, hoy mer vin kram. Koy pashel vell kava tselo djoungelo kova, hoy kran.

3. Mose 10:3

O Mose penas ap o Aron: Kava hi, hoy o baro Devel rakras, har penas lo: Kamau, te dikenn kolla, kay venn glan mande, te hom me kokres o čačo Devel. Glan i tsele menshende kamau te vap sharedo. O Aron penas kek lab.

3. Mose 18:21

Tou rhačress kek tire čavendar o rhorheno debleske Molok. Sau koova sikrals, te hom me, tiro Devel, touke či moldo. Me hom o baro Devel!

3. Mose 19:12

Ma denn t'men i rhorheno sovel pash miro lab! Sau koveha anenn t'mer ladj ap miro lab. Me, o baro Devel, hom t'maro Devel.

3. Mose 20:3

Me dikau čilačes ap hakeneste, kay kova krell, oun me moukau les bouder gar te djivell mank peskre menshende. Yob das yek peskre čavendar o Molokeste, oun kras yaake miro kheer pale-čiddo, oun kras mantsa, har te voms gar kokres o čačo Devel.

3. Mose 21:17

Pen ap o Aron: Kek tire čavendar, kay pal toute venna, vell glan o Debleskri rhačepaskri, te anell lo rhapen glan peskro Debleste,

3. Mose 21:21

Kek morsh, kay vell o rashayestar o Aronestar, oun kay savo koova ap peste hi, nay vell glan o Debleskri rhačepaskri, te rhačrell lo rhapen o baro Debleske.

3. Mose 21:23

Pash ko voudar dran than, hoy glan koy kouč isema hi, nay djal lo gar, vitar gar pash o Debleskri rhačepaskri, te krell lo o Debleskro kheer gar pale-čiddo. Me hom o baro Devel, oun rodom kava kheer vin, te hi lo mange.

3. Mose 21:8

T'mer Israelitarya, i rashay hi t'menge i Debleskro morsh! Yob rhačrell glan mande o rhapen, hoy mange anlo vell. Doleske vell lo t'menge i morsh, koles vi-rodom, te boudrell lo mange. Me hom o baro Devel. Kek vavar hi har me. Oun t'men rodom mange vin, te venn mire menshe.

3. Mose 3:11

Oun o rashay rhačrell kova lauter ap o Debleskri rhačepaskri. Kolla hi kol kotya o firhestar, hoy o baro Debleske hi.

4. Mose 16:5

oun penas ap o Korah oun ap kolende, kay pash leste his: “Taysar penell o baro Devel, koon leskre menshe hi, kones yob peske vi-rodas, oun koon nay vell pash leste. Oun kones yob vin rodella, kova nay vell pash leste.

4. Mose 28:2

Pen ap i Israelitarya: T'mer hounte denn yak, te anenn an o čačo tsiro ko koova, hoy denn o Debleste, – ko rhapen, hoy vell leske rhačedo oun koleskro soungepen leske shoukar soungella.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.