3. Mose 19:33 - O Debleskro Lab 2024 (Sinte-Manouche)

³³ Te djivell i vi-themarya an t'maro them, palle rikrenn les gar tele!

O Debleskro Drom 2021 (Sinte)

³³ Te djiwell i wi-themarja an tumaro them, palle rikrenn les gar tele!

3. Mose 19:33 ပူးပေါင်းရင်းမြစ်များ

2. Mose 22:20

Ma krenn kolen o djipen phares, kay hi vi-themarya pash t'mende! Oun moukenn len gar čičeske t'menge te boudrell! Bistrenn gar, te hans t'mer ninna vi-themarya an o them Egiptia.

2. Mose 22:21

Ma krenn o djipen i djouvyenge phares, kolenge o rom meras! Ma krenn o djipen i čavenge phares, kolen kek dad bouder hi!

2. Mose 23:9

Ma krenn kolenge o djipen phares, kay vi-themarya hi! T'mer djinenn, har kova hi! T'mer hans vi-themarya an o them Egiptia.

Jeremia 7:6

Ma rikrenn kolen tele, kay hi dran i vavar them, vitar gar kol čaven, kay len kek dad bouder hi, oun kol romyen, kay len kek rom bouder hi! Ma denn kol menshen ratles, kay kek čilačepen kran! Ma nashenn vavar deblenge palla. Yon anenn t'men an i bibarht.

Ezekiel 22:29

I menshe an Israel rhorhenn oun randenn vavaren. Yon rikrenn kolen tele, kay čorvelo hi, oun kolen gar doha djipaske hi. Ninna i vi-themaryen, kay mank lende djivenn, rikrenn le zoryah tele, oun denn len gar pengro čačepen.

Ezekiel 22:7

Kolla, kay an Yerusalem djivenn, dikenn tele ap pengro dadeste oun ap pengri date, oun rhorhenn i vi-themaryen, kay pash lende djivenn. Oun kol djouvyen, kolengro rom meras, oun kol čaven, kolengro dad meras, kolen rikrenn le zoryah tele.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

5. Mose 24:14

Te boudrell touke i čorvelo Israelitari, ninna i vi-themari, kay djivell an tiro foro oun tiro them, hounte rikress gar leskro playsepen pale, hoy yek diveske hi.

5. Mose 24:17

Te hal tou i čačepaskro, hounte dess tou ninna i vi-themares peskro čačepen, ninna i čaven kolengro dad meras. Oun kol djouvyen, kolengro rom meras. Ma le o ripen i romyatar, kolakro rom meras, te rikress les, bis te yoy peskri siyaan playsras.

5. Mose 24:18

Ma bistrenn te hans pandle boudepangre an o them Egiptia, oun te las t'men t'maro baro Devel dran o pandepen vin. Doleske penau me t'menge, te dikenn ap i čorvelende.

5. Mose 27:19

“Praasedo vell kova, kay dell kek čačepen kolenge, kay venn dran i vi-them, kol čavenge, kolen kek dad bouder hi, oun kol romyenge, kolengro rom meras.” Oun i tsele menshe hounte penenn: Amen!