3. Mose 19:30 - O Debleskro Lab 2024 (Sinte-Manouche)

³⁰ Rikrenn mire Debleskre divessa dren, oun anenn kek ladj ap miro kheer. Me hom o baro Devel.

O Debleskro Drom 2021 (Sinte)

³⁰ Rikrenn mire Debleskre diwessa dren, un anenn kek ladj ap miro kheer. Me hom o baro Dewel.

3. Mose 19:30 ပူးပေါင်းရင်းမြစ်များ

2. Familjakro liil 33:7

Oun moukas i figura te krell, hoy i rhorheno devel sikras, oun anas lat an o Debleskro kheer, kolestar o Devel ap o David penas oun leskro čaveste, o Salomo: “An kava kheer oun an o foro Yerusalem, hoy me mange vi-rodom dran o tselo Israel, kate kamau me, te mangenn le man an hako tsiro.

2. Familjakro liil 36:14

Ninna i tsele pralstoune an o them Youda oun i rashaya oun i menshe an o them kran pengri doosh gomme bareder pengro djipah: Yon djivan pal ko djoungelo koova, hoy i menshe an i vavar themma kran, oun kran o baro Debleskro kheer pale-čiddo, ko kheer, hoy yob vi-rodas, te djivell lo kote an o foro Yerusalem.

Debleskri gili 89:7

Koon an o bolepen hi yaake har tou, maro baro Devel? Havo Devel nay vell yaake har maro baro Devel?

2. Mose 20:8

Ma biste, kay o eftato dives o Debleskro dives hi!

Sikepaskro 5:1

Ma kre tiro mouy sik pre, te rakreh glan o Debleste. O Devel hi an o bolepen, oun tou hal ap i phoub. Doleske kre gar boud laba, te rakreh.

Ezekiel 9:6

Denn i phouren moulo, oun i terne morshen oun i terne čen, ninna i čaven oun i djouvyen! Ma taprenn yekeske an, koles ko sikepen glan ap peskro shero hi! Djan glanstounes pash miro kheer, oun foun kotar doureder. Yaake kran le, oun maran glanstounes kol pralstunen, kay glan o baro Debleskro kheer tardo his.

3. Mose 10:3

O Mose penas ap o Aron: Kava hi, hoy o baro Devel rakras, har penas lo: Kamau, te dikenn kolla, kay venn glan mande, te hom me kokres o čačo Devel. Glan i tsele menshende kamau te vap sharedo. O Aron penas kek lab.

3. Mose 15:31

Oun o baro Devel penas ap o Mose oun ap o Aron: Denn i Israelitaryen trad, te ačenn le i kotar dour miro kherestar an ko tsiro, kay hi le pale-čiddo, te krenn le gar koy platsa pale-čiddo, kay me djivau mank lende, te merenn le gar.

3. Mose 16:2

Pen tiro phraleske, o Aroneske, te djal lo gar hako tsireske an o kouč isema an o Debleskro kheer, te merell lo gar. An koy isema, hoy pal ko kotar than hi, sikrau me man an i folka pral ko sonakaskro pralstouno kotar, hoy ap o morhton čiddo hi, kay mire deesh laba dren hi.

3. Mose 19:3

Hakeno t'mendar hounte dikell pre ap peskri date oun ap peskro dadeste, oun hounte rikrell o Debleskro dives! Me, o baro Devel, hom t'maro Devel.

3. Mose 26:2

Rikrenn mire Debleskre divessa dren, oun anenn kek ladj ap miro kheer. Me hom o baro Devel.

Mateo 21:13

Oun yob penas ap kol tsele menshende: “O Devel penas: Miro kheer te vell i kheer, kay sharenn man i menshe oun mangenn man an. T'mer kran lestar i kheer, kay i menshe rhorhenna oun randenna.”

2. Korintarja 6:16

An o Debleskro baro kheer vell o djido Devel kokres sharedo oun kek vavar koova. Mer halauter ham o djido Debleskro baro kheer. O Devel penas: Me kamau te djivap pash lende oun mashkral lende. Me kamau lengro Devel te vell, oun yon hi mire menshe.

1. Petro 4:17

Kanna vas ko tsiro, kay venna i čilače divessa pral o Debleskre čavende. Pal kova vella bari bibarht pral kolende, kay patsan gar ap o Debleskro lačo lab!